BILANGAN 8:12 - Susula Malalaok Hehelu Palak Ma Hehelu Beuk

¹² Boema hataholi Lewi-la, muse lalaa sila liman-na neu sapi mane ka duak sila-la langan lain; muse tunu-hotu esa soaneu tutunu-hohotuk fo sala-singok hapu do'o do ampon, ma esak-ka, soaneu tutunu-hohotu nanatunuk. No feta ndia, de hataholi Lewi-la nanatao nalalao-nalalafuk.

BILANGAN 8:12 ပူးပေါင်းရင်းမြစ်များ

KELUARAN 29:10

Basa soona, o muse hela meni sapi mane ndia leo Au Lalaa Temang-nga matan-na neu. Harun no anan-nala muse lalaa liman-nala neu bana ndia langan lain.

IMAMAT 1:4

Boema, muse ana lalaa liman-na neu bana ndia langan lain, soona neukose Manetualain sipok tunu-hotun fo sala-singon hapu do'o do ampon.

IMAMAT 14:22

Boeo, muse neni manupui kaluaana dua, do kateuana dua: fo esa soaneu tutunu-hohotuk fo sala-singok hapu do'o do ampon, ma esa seluk, soaneu tutunu-hohotu nanatunuk.

IMAMAT 16:11

Harun tunu-hotu, ma ana do'do basa sapi mane-a, soaneu tutunu-hohotuk neu ndia no teidale-bobongin-nala sala-singon hapu do'o do ampon,

IMAMAT 16:21

Muse ana lalaa liman duas neu bi'ihiik ndia langan lain, no ana manaku la'iesak leoina Israel-la salan-na, sala-singon ma lala'olenan-nala. No enok ndia, basa leoina Israel-la salan-nala, nanalali henik leo bi'ihiik ndia langan lain neu. Boema, muse nadenu hataholi esa, fo ana usi heni bi'ihiik ndia leo moo solokaek-ka neu.

IMAMAT 16:6

Harun muse tunu-hotu sapi mane esa, soaneu tutunu-hohotuk neu ndia no teidale-bobongin-nala sala-singon hapu do'o do ampon.

IMAMAT 4:15

Basa mauli-malangan leoina, muse lalaa sila liman-nala neu bana ndia langan lain, boema ala ta'tin nai mamanak ndia.

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.

IMAMAT 4:35

Basa soona, muse ana ho'i-na la'iesak bana ndia minan-na, sama leo tutunu-hohotu mole-dame-a boe. Muse tunu bana ndia minan-na nai mei tutunuk-hohotuk lain, sama-sama no tutunu-hohotu nana'ak fo nanatunu-hotuk neu Manetualain. Imam-ma tataon-na leondiak, soaneu ana fe tutunu-hohotuk ba'eneu hataholi ndia sala-singon, soona neukose, Manetualain fe do'o do ampon neu hataholi ndia.

IMAMAT 4:4

Muse neni sapi ndia leo Manetualain Lalaa Teman-na, lelesun-na neu. Imam Matuaina ndia, muse ana lalaa liman-na neu bana ndia langan lain, boema ana ta'tin nai Lalaa Temak-ka matan-na.

IMAMAT 5:7

Tehu, metema hataholi masalak-ka, ta nalak sadia bi'ilopo do bi'ihiik soaneu soi-tefa sala-singon fa soona, muse neni manupui kateu dua, do kalua ana dua, fo esa soaneu tutunu-hohotuk sala-singok hapu do'o do ampon, ma esa seluk, soaneu tutunu-hohotu nanatunuk.

IMAMAT 8:14

Basa ndia boema, Musa hela-na sapi maneanak esa, soaneu tutunu-hohotu sala-singok hapu ampon. Harun no anan-nala, lalaa liman-nala neu bana ndia langan lain.

IMAMAT 8:15

Boema, Musa ta'ti sapi ndia, de ana ho'i-na daan-na seli. Ana lose daak ndia, nenik limaku'un-na neu mei tunu-hotuk-ka susulan manai bu'un haas, fo ela mei tunu-hotuk ndia, nanafe hehelik ba'eneu Manetualain. Ana pisi daa lenak-ka leo mei tunu-hotuk-ka sosolon dale neu. Enon-na leondiak, mei tunu-hotuk ndia nanatao nalalao-nalalafuk, ma nanafe hehelik ba'eneu Manetualain.

IMAMAT 8:18

Basa boema, Musa hela-na bi'ilopo mane fo soaneu tutunu-hohotu nanatunuk-ka, de Harun no anan-nala lalaa liman-nala neu bi'ilopo ndia langan lain.

IMAMAT 8:34

Manetualain paleta, fo ela hata fo ita taon faik ia, boeo nanataok nai fai-fai manamaik-kala. No feta ndo eik ndia, de emi sala-singom hapu do'o do ampon.

IMAMAT 9:7

Basa ndia boema, nafa'da Harun nae, “Muu leo mei tunu-hotuk-ka muu, fo sadia tutunu-hohotuk sala-singok hapu do'o do ampon, ma tutunu-hohotuk nanatunuk-ka, fo ela Manetualain fe do'o do ampon neu o sala-singom ma salanik-ka sala-singon. Taon sama leo hata fo Manetualain paletan.”

BILANGAN 6:14

ma neni fe Manetualain bana telu, ta mana lu'u-la'ak fa: bi'ilopo maneanak esa, besak-ka teuk esa, soaneu tutunu-hohotu nanatunuk, bi'ilopo tenaanak esa, besak-ka teuk esa, soaneu tutunu-hohotuk fo sala-singok hapu do'o do ampon, ma bi'ilopo mane esa, soaneu tutunu-hohotu mole-dame.

BILANGAN 6:16

Imam-ma muse neni basa sila-la leo Manetualain matan-na neu, boema ana tunu-hotu tutunu-hohotuk fo sala-singok hapu do'o do ampon, ma tutunu-hohotu nanatunuk.

BILANGAN 8:13

Fe hehelik hataholi Lewi-la soaneu Au, ma madenus fo lalalau-laoono Harun boema anan-nala.

BILANGAN 8:8

Boema madenus, fo ala pa'a-la sapi maneanak esa, no tutunu-hohotu nana'ak, fo taon neme ha'desopu nanasese'dok mina. Boema, o muse pa'a-ma sapi mane fe'ek esa, soaneu tutunu-hohotuk fo sala-singok hapu do'o do ampon.

IBRANI 9:22

Memak tunga agama Yahudi a hoholo-lalanen soona, hihii nae basa hata lala'ena, ala tao lalalaos linik daak; sala-singo ka hapu do'o do ampon, metema hapu daa ka ana faa.