BILANGAN 8:11 - Susula Malalaok Hehelu Palak Ma Hehelu Beuk

¹¹ boema Harun muse fe hataholi Lewi sila-la, da'di leo hataholi Israel-la tunu-hotu hehelin soaneu Au, fo ela ala hapu tao Au nakalupu-nakatela.

BILANGAN 8:11 ပူးပေါင်းရင်းမြစ်များ

KELUARAN 29:24

Pe'da basa nana'ak sila-la neu Harun no anan-nala liman dale, fo madenus latu'dun neu Au da'dileo tunu-hotu natutu'duk.

IMAMAT 7:30

Ndia mesak-kana nde muse neni tutunu-hohotu nana'ak ndia. Muse ana tunu-hotu bana ndia minan-na, ma tenen-na, fo da'di leo tutunu-hohotuk natutu'duk ba'eneu Manetualain.

IMAMAT 7:34

Tenen-na ma sakibolo konan-na nde been-na, tutunu-hohotu hehelik, fo Manetualain ho'in neme leoina Israel-la tutunu-hohotu natutu'dun-na mai, de Ana fen neu basa imam-mala. Fo ndia nde leoina Israel-la tutulu-fafalin ba'eneu basa imam-mala, losa dodoon-na.

IMAMAT 8:27

Ana fe basa-basas leo Harun no anan-nala neu, boema ala tunu-hotun, da'di leo tunu-hotu natutu'duk ba'eneu Manetualain.

IMAMAT 8:29

Boema Musa ho'i-na bi'ilopo ndia tenen-na, de ana tunu-hotun da'di leo tutunu-hohotu natutu'duk neu Manetualain. Musa baba'en-na nde ndia, neme bi'ilopo mane fo nanatunu-hotuk soaneu feta ndo ei imam-ma. Basa sila-la Musa taon, sama leo Manetualain paleta neun.

BILANGAN 6:20

Boema imam-ma, muse natu'du nana'ak sila-la, da'di leo fee-fee hehelik neu Manetualain; ndia nde been-na, baba'e malalao-malalafuk, fo imam-ma baba'en-na nde ndia, baba'ek ndia fe'ek neme bi'ilopo mane-a tenen-na, ma sakibolon-na, fo tunga nakanenetek-ka soona, imam-ma baba'en-na nde ndia so. Basa ndia soona, besak-ka hataholi nazir ndia, bole ninu angol.

ULANGAN 10:8

Nai lelek bei leme letek-ka ndia, Manetualain hele hehelik hataholi Lewi-la, fo ala ito-ato Peti Hehelu-balataak-ka, ma lalalau-laoono Manetualain, boema ala kokolak baba'e-papalak nenik Manetualain na'den-na. Sila bela-ba'un nde ndia, losa besak ia.