BILANGAN 7:10 - Susula Malalaok Hehelu Palak Ma Hehelu Beuk

¹⁰ Basa lasi-lasik-kala leni tunu-hotuk soaneu tao feta nakatema mei tunu-hotuk-ka. Lelek laheheleaon basa fo leni sila tunu-hotun leo mei tunu-hotuk-ka matan-na neu boema,

BILANGAN 7:10 ပူးပေါင်းရင်းမြစ်များ

1RAJA-RAJA 8:63

Soaneu tutunu-hohotu mole-dame a, Salomo tunu-hotu sapi lifun duahulu dua ma bi'ilopo lifun natun esa duahulu. Leondiak, manek-ka ma basa laun-na lala'en-na tao feta nakatema Manetualain Uman-na.

2TAWARIKH 7:5

Manek Salomo-a tunu-hotu sapi lifun duahulu dua ma bi'ilopo lifun natun esa duahulu soaneu tutunu-hohotuk mole-dame. Leondiak manek-ka ma basa laun-na lala'en-na tao feta fo fe uma makaluku-makatele ndia neu Manetualain.

2TAWARIKH 7:9

Ala lakabubua faik hitu dalen-na soaneu feta nakatema Manetualain mei tunu-hotun, basa boema faik hitu seluk soaneu feta Lalaa Akidook-ka. Nai fai mate'en-na, ala tao feta fai mate'ek-ka,

NEHEMIA 12:27

Lelek lakatema kota Yerusalem-ma papala nanadaman-na, laloo hataholi Lewi-la leme basa sila mamana leleon lala'en-na mai, fo ela ala tunga tao makaseek nai feta ndia nenik nakamee makasi, ma nenik sasanu, gambus ma kecapi.

NEHEMIA 12:43

Nai faik ndia, tutunu-hohotuk makadotok nanatunu-hotuk soaneu Manetualain. Laun-na lamahoko-setelee nanahu Manetualain fes laua-lanale. Basa inak-kala ma ni'iana-la boeo tunga feta, de sila hala hika-natadalen-nala, lamanenen losa dook-ka.

MAZMUR 30:1

Dauk kokoa-kikion-na. Nakameek soaneu nakatema Manetualain Uman-na.

BILANGAN 7:1

Nai lelek Musa napadedeik basa Manetualain Lalaa Teman-na boema, nakatema Lalaa Temak ndia no basa hata-heton lala'en-na, nenik ana lose mina feta neu basa-basan. Ana tao leondiak boe, neu mei tunu-hotuk-ka, no basa hata-heton lala'en-na.

BILANGAN 7:11

Manetualain nafa'da Musa nae, “Mafa'das mae nai fai 12 dalen-na, tunga faik, mauli-malangan sila-la, esa muse tunu-hotu tutunu-hohotun, soaneu feta nakatema mei tunu-hotuk-ka.”

BILANGAN 7:84

Mauli-malangan ka sanahulu duak-kala leni tunu-hotuk fo soaneu mei tunu-hotuk ndia nakateman-na, basa-basan lala'en-na: – pinga lilofulak maloa sanahulu dua, ma bokol lilofulak sanahulu dua, fo basa-basan lala'en-na, belan-na kilo duahulu hitu gram natun nee – pinga lilopilas maloa sanahulu dua, de basa-basan lala'en-na, belan-na kilo esa gram natun telu duahulu, henuk no boomenik – sapi mane sanahulu dua, bi'ilopo mane sanahulu dua, ma bi'ilopoana sanahulu dua, besak-ka teuk beke esak, sama-sama no tutunu-hohotu nana'ak-ka, fo da'di leo tatamak neu tutunu-hohotu nanatunuk-ka – bi'ihiik sanahulu dua, soaneu tutunu-hohotuk fo sala-singok hapu do'o do ampon – sapi mane duahulu haa, bi'ilopo mane neehulu, bi'ihiik neehulu, ma bi'ilopoana neehulu, besak-ka teuk beke esak, soaneu tutunu-hohotu mole-dame.

ULANGAN 20:5

Basa soona, basa malanga solda'du matuaina-la, lafa'da dede'ak-kala nde ia, neu emi nae, ‘Ade, nai emi dalek, hapu hataholi, besak-ka nafofo'a uman-na, te ana beita tao feta soaneu nakatema fan do? Metema hapu soona, ana bole fali ne'un. Nana metema, maten nai natee-natatik dale soona, neukose hataholi fe'ek neu leona uman-na.