BILANGAN 7:1 - Susula Malalaok Hehelu Palak Ma Hehelu Beuk

¹ Nai lelek Musa napadedeik basa Manetualain Lalaa Teman-na boema, nakatema Lalaa Temak ndia no basa hata-heton lala'en-na, nenik ana lose mina feta neu basa-basan. Ana tao leondiak boe, neu mei tunu-hotuk-ka, no basa hata-heton lala'en-na.

BILANGAN 7:1 ပူးပေါင်းရင်းမြစ်များ

KEJADIAN 2:3

Boema, Ana ba'e-pala fai ka hitu ndia, de Ana taon da'di fai hehelik, nanahu nai faik ndia, Manetualain hahaeaon-na, nai lelek Ana tao nakababasak tatao-nono'in.

1RAJA-RAJA 8:64

Faik ndia boe, Salomo nakatema baba'ek manai tala'da, fo uma so'dan manai Manetualain Uman ndia uluk-ka. Basa boema, nai uma so'dan ndia, ana tunu-hotu tutunu-hohotu nanatunuk, tutunu-hohotu gandum, ma bana mina, soaneu tutunu-hohotu mole dame. Basa sila-la ana tunu-hotus nai mamanak ndia, nanahu mei tunu-hotu liti a ana ka nanseli soaneu basa tutunu-hohotuk sila-la.

KELUARAN 13:2

“Tunu-hotu basa ana uluk-kala fe Au. Basa Israel anatou ulun-nala, ma basa bana-manu ana ulun-nala nde been-na, Au nuung sila.”

KELUARAN 29:36

Tunga faik, muse tunu-hotu sapi mane esa soaneu sala-singok hapu do'o do ampon. No tutunu-hohotuk ndia, mei tunu-hotuk nanatao nalalao-nalalafuk. Boema o muse lose mina neu mei tunu-hotuk ndia nenik mina setun, fo ela nanafe hehelik soaneu Au.

KELUARAN 40:11

Tao leondiak neu baak oe no buin-na boe.

BILANGAN 17:2

“Madenu hataholi Israel-la, fo ala fe o aitete'ek sanahulu dua, fo leo esan-na, aitete'ek esa, soona mane leo-a nde muse fe matan ai tete'ek ndia. Sulak mane leo sila-la, esa-esak na'den-na neu ai tete'en-na,

BILANGAN 7:10

Basa lasi-lasik-kala leni tunu-hotuk soaneu tao feta nakatema mei tunu-hotuk-ka. Lelek laheheleaon basa fo leni sila tunu-hotun leo mei tunu-hotuk-ka matan-na neu boema,

BILANGAN 7:84

Mauli-malangan ka sanahulu duak-kala leni tunu-hotuk fo soaneu mei tunu-hotuk ndia nakateman-na, basa-basan lala'en-na: – pinga lilofulak maloa sanahulu dua, ma bokol lilofulak sanahulu dua, fo basa-basan lala'en-na, belan-na kilo duahulu hitu gram natun nee – pinga lilopilas maloa sanahulu dua, de basa-basan lala'en-na, belan-na kilo esa gram natun telu duahulu, henuk no boomenik – sapi mane sanahulu dua, bi'ilopo mane sanahulu dua, ma bi'ilopoana sanahulu dua, besak-ka teuk beke esak, sama-sama no tutunu-hohotu nana'ak-ka, fo da'di leo tatamak neu tutunu-hohotu nanatunuk-ka – bi'ihiik sanahulu dua, soaneu tutunu-hohotuk fo sala-singok hapu do'o do ampon – sapi mane duahulu haa, bi'ilopo mane neehulu, bi'ihiik neehulu, ma bi'ilopoana neehulu, besak-ka teuk beke esak, soaneu tutunu-hohotu mole-dame.

MATEOS 23:19

Emi poke-pake manseli! Bee ka nde beli na lena? tutunu hohotu ka do mei tutunu hohotu ka nde tao na tutunu-hohotuk ndia malalao-malalafu ka?