BILANGAN 6:5 - Susula Malalaok Hehelu Palak Ma Hehelu Beuk

⁵ Nai faik-faik fo ana be fe nasar-ra, ana ta bole nggute langadoon-na, do nggeu nggolomein-na fa. Nai lelek ndia, muse namaa langadoon-na, ma nggolomein-na, nemen-na fo lamanalu. Hataholi ndia nanapa'ak no ndia nasar-na, losa basa tepo lelek, fo ana fe hehelik aoinan-na neu Manetualain.

BILANGAN 6:5 ပူးပေါင်းရင်းမြစ်များ

YESKIAL 44:20

Basa imam-mala, ta bole nggeupolik langadoon-nala fa, do ala po'ilotak langadoon-nala lamanalu. Muse nggute keke'u langadook ndia, nandaa no nakanenetek fo, nananaketu basak-ka so.

HATAHOLI 18:18

Basa ndia boema, Paulus bei leo nala doo ka neme Korintus. Basa boema nate'a hataholi kamahehelek manai sila la de no Priskila ma Akwila sa'e ofak leo Siria leu. Ala losa Kengkrea boema Paulus nggeuheni langa doo na. Paulus namaa langa doo na nana naheluk basa no Lamatua ka nae, ndia sanga tao hata esa soaneu Lamatua ka.

HAKIM-HAKIM 13:5

Bongi basa o anam ndia soona, boso nggute langadoon-na makandondook, nana nai lelek bei nai ilun dale-a, ni'iana ndia nananaketu basak, soaneu da'di hataholi nazir. Ndia nde neukose, puselaipana soaneu soi-po'i hataholi Israel-la neme hataholi Filistin-nala koasan-na mai.”

HAKIM-HAKIM 16:17

Mate'en-na boema, Simson tui bibila-babaan. Simson nae, “Au langadoong-nga beita nggute nitan la'iesa boen. Au nanafe basak neu Manetualain, da'di Ndia nuu hehelin so. Mulai neme bongi au mai, au da'di hataholi nazir esa so. Metema nggute au langadoong-nga soona, neukose mopo au be'i-balakaing; neukose male heni au, fo au da'di sama leo hataholi biasa.”

HAKIM-HAKIM 16:19

Basa ndia boema, Delila kokose Simson, losa ana sungu nai ifan lain, boema naloo hataholi fo ana ke'di-na Simson langadoon, dook hitu. Basa boema, ana fepa-li'u Simson, nanahu mopo Simson bei-bakain so.

SEMUEL SUSULAK-KA ESAN-NA 1:11

Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”