BILANGAN 6:3 - Susula Malalaok Hehelu Palak Ma Hehelu Beuk

^3-4 ta bole ninu angol ma ala-lalu fa. Ta bole ninu ala-lalu matak leo beek fo taon neme angol-la boan-na, do ai boa fe'ek-kala mai. Ta bole na'a angol boa mamatak do tuuk fa, do su'di beek fo taon neme ai angol-la mai; ta bole na'a de'en-na do pe'dun-na boen.

BILANGAN 6:3 ပူးပေါင်းရင်းမြစ်များ

IMAMAT 10:9

“O minu basa angol do ala-lalu soona, o moo o anam-mala ta bole meu leo Au Lalaa Temang dale meu fa. Metema, emi la'olena nakanenetek ndia soona, neukose mate emi. Basa o tititi-nonosim-mala muse tunga nakanenetek ndia.

AMOS 2:11

Au hele basa emi anam de'ubee fo ala da'di nabi, ma emi hataholi muli-solum de'ubee fo ala da'di Nazir. Hai hataholi Israel-la lemin? Ade, dede'ak ndia, ta tete'ek-ka fa do? Au, fo Manetualain nde manakokolak-ka.

AMOS 2:12

Tehu emi hataholi Nazir-mala linu angol, nalosa angol-la tao-nalas ala mafuk, de lalelesi hehelu-balataan. Ma emi kena-ka'i nabi-la, fo boso tui-benga Au hala hehelung-nga.

LUKAS 1:15

Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

1 TESALONIKA 5:22

Tehu madook emi ao ma, neme basa tatao-nono'i mangalau mata-matak lala'ena mai.

1 TIMOTIUS 5:23

Boso minu ka'da oe mesa kana; minu angol faa fo matoto'bi o tei dalem, nana nasi'a o mamahe'di.

IBRANI 9:10

Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.

HAKIM-HAKIM 13:4

Hu ndia de, manea matalolole o aoinam-ma. Boso minu angol, do nininuk fo neni mamafuk, do mu'a hata esa, nananalulik.