BILANGAN 6:20 - Susula Malalaok Hehelu Palak Ma Hehelu Beuk

²⁰ Boema imam-ma, muse natu'du nana'ak sila-la, da'di leo fee-fee hehelik neu Manetualain; ndia nde been-na, baba'e malalao-malalafuk, fo imam-ma baba'en-na nde ndia, baba'ek ndia fe'ek neme bi'ilopo mane-a tenen-na, ma sakibolon-na, fo tunga nakanenetek-ka soona, imam-ma baba'en-na nde ndia so. Basa ndia soona, besak-ka hataholi nazir ndia, bole ninu angol.

BILANGAN 6:20 ပူးပေါင်းရင်းမြစ်များ

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

YESAYA 25:6

Manetualain Fo Manakoasa, neukose Ana sadia feta soaneu basa leoina manai daebafak-ka, nai Pupuku Sion-na. Neukose Ana sadia nana'ak fo, mala'da hiik nanseli, ma angol nanahehelek.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

IMAMAT 10:15

Muse ho'i meni bana tutunu-hohotu hehelik-ka sakibolon-na, ma bana tutunu-hohotu natutu'duk-ka tenen-na, sama-sama no minan-na, soaneu tutunu-hohotu nanatunuk-ka, fo da'di leo tunu-hotu hehelik ba'eneu Manetualain. Paa bibiak sila-la, ala da'di o ma o anam-mala nuun, losa dodoon-na, sama leo Manetualain paletan-na.”

IMAMAT 23:11

Nai faik fo basa fai Sabat-ta, imam-ma muse tunu-hotu gandum ndia, da'di leo tutunu-hohotu natutu'duk neu Manetualain, fo ela Manetualain namahoko.

IMAMAT 7:30

Ndia mesak-kana nde muse neni tutunu-hohotu nana'ak ndia. Muse ana tunu-hotu bana ndia minan-na, ma tenen-na, fo da'di leo tutunu-hohotuk natutu'duk ba'eneu Manetualain.

IMAMAT 7:31

Imam-ma muse tunu bana ndia minan-na, nai mei tunu-hotuk lain, tehu tenen-na nde been-na, basa imam-mala baba'en nde ndia.

IMAMAT 7:32

Muse fe sakibolo konan-na, da'di leo tunu-hotu hehelik

IMAMAT 7:34

Tenen-na ma sakibolo konan-na nde been-na, tutunu-hohotu hehelik, fo Manetualain ho'in neme leoina Israel-la tutunu-hohotu natutu'dun-na mai, de Ana fen neu basa imam-mala. Fo ndia nde leoina Israel-la tutulu-fafalin ba'eneu basa imam-mala, losa dodoon-na.

IMAMAT 9:21

Ana tunu-hotu bana sila-la tenen-na, ma sakibolo konan-na, fo da'di leo tutunu-hohotu natutu'duk ba'eneu Manetualain. Basa imam-mala baba'en-na nde ndia, sama leo Musa paletan-na.

ZAKHARIA 10:7

Hataholi Israel-la, neukose sama leo palani ta'tibatu mabe'i-balakaik, sama leo hataholi maninu angol, fo neukose lamahoko-setelee Sila tititi-nonosin neme tepo-lelek leo tepo-lelek neu neukose ta lafandeleheni, sesengik fo Au fen ia. Neukose ala lamahoko nanahu Au tatao-nono'ing ba'eneus.

ZAKHARIA 9:15

Tao leo bee-o, Ana fe anan-nala nasulu-nahapak, nalosa ala hapu sengi basa musu lala'en-na. Sama leo hataholi mana mafuk nininuk-ka, ana eki, leondiak boe, ala eki nai natee-natatik-ka dalek. Sama leo bana tutunu-hohotuk-ka daan-na, nanapo'ak leo mei tunu-hotuk lain neu leondiak boe, ala ta'ti heni musu daan-na.

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

BILANGAN 18:18

Emi soa bana-manu nanatunu-hotuk fo, latu'du fen neu Au-a, fo nde tenen-na, ma sakibolo konan-na.

BILANGAN 5:25

Imam-ma muse ho'in-na ha'desopu tunu-hotuk ndia, fo ana so'u botik-kana nai Manetualain matan-na neu, soona nenin leo mei tunu-hotuk-ka neu.

BILANGAN 6:21

Ndia nde nakanenetek soaneu hataholi nazir-ra; tehu metema hataholi nazir esa naheluk fe tutunu-hohotuk fo lena neme nazar-na mai soona, muse ana tao natetun nandaa no hata fo ana helun ndia.

MATEOS 26:29

Mamahele leona: te neukose Au ta inu angol ia seluk so'on, losa lelek fo Au inu angol beu ka, sama-sama o emi nai Au Amang Daebafa Beu na dalek.”

MARKUS 14:25

Mamahele leona! Te neukose Au ta inu seluk angol ia so'ok, losa lelek fo Au inu angol beu ka, sama-sama o emi nai Au Amang Daebafa Beun dale.”

YOHANIS 19:30

Yesus nalamei nita oe angol ndia, boema nafa'da nae, basa basan “Dai so!” Tutika Ana pelu neu de maten.