BILANGAN 5:9 - Susula Malalaok Hehelu Palak Ma Hehelu Beuk

⁹ Neme su'di beek fo hataholi Israel-la tunu-hotu fen neu Manetualain-na, tunu-hotu hehelin-na, da'di imam manasipo tunu-hotuk ndia, nuun.

BILANGAN 5:9 ပူးပေါင်းရင်းမြစ်များ

KELUARAN 29:28

Au nakeketung fo ta hapu nggati fan-na nde ia: Nai lelek Au anang-ngala mai fo ala tunu-hotu tutunu-hohotu mole-dame soona, bana ndia sosolon-na no sakibolon-na nde been-na, basa imam-mala baba'en-na nde ndia. Au anang-ngala tutunu-hohotun soaneu Au-a, nde ndia.

IMAMAT 10:13

Emi muse mi'a loti ndia nai mamana malalao-malalafuk, nana neme nana'ak fo nanatunu-hotuk soaneu Manetualain-na, o moo o anatoum-mala baba'em-ma nde loti ndia. Manetualain fe au paleta leo ndiak.

IMAMAT 10:14

Tehu o ma o anatou-anainam-mala, bole mi'a bana tutunu-hohotu natutu'duk-ka tenen-na, ma bana tutunu-hohotu hehelik-ka sakibolon-na. Basa sila-la nde da'di imam-mala baba'en-na neme leoina Israel-la tutunu-hohotu mole-damen-na mai. Emi bole mi'an su'di nai mamanak bee boe, sa'di ta manggenggeok fa.

IMAMAT 10:15

Muse ho'i meni bana tutunu-hohotu hehelik-ka sakibolon-na, ma bana tutunu-hohotu natutu'duk-ka tenen-na, sama-sama no minan-na, soaneu tutunu-hohotu nanatunuk-ka, fo da'di leo tunu-hotu hehelik ba'eneu Manetualain. Paa bibiak sila-la, ala da'di o ma o anam-mala nuun, losa dodoon-na, sama leo Manetualain paletan-na.”

IMAMAT 6:26

Imam-ma muse tunu-hotu tutunu-hohotuk ndia, fo muse na'an nai mamanak fo nanahele hehelik, fo nde nai Manetualain Lalaa Teman-na, so'dan-na.

IMAMAT 7:32

Muse fe sakibolo konan-na, da'di leo tunu-hotu hehelik

IMAMAT 7:34

Tenen-na ma sakibolo konan-na nde been-na, tutunu-hohotu hehelik, fo Manetualain ho'in neme leoina Israel-la tutunu-hohotu natutu'dun-na mai, de Ana fen neu basa imam-mala. Fo ndia nde leoina Israel-la tutulu-fafalin ba'eneu basa imam-mala, losa dodoon-na.

BILANGAN 18:19

Losa dodoon-na, basa tunu-hotu hehelik, fo hataholi Israel-la, leni fen leo Au mai, Au fen leo o, ma leo o anatou-anainam neu. Nakanenetek ndia nanapakek losa dodoon-na, ma ana da'di hengenee-balataak esa neu Au ma o, ma o tititi-nonosim.”

BILANGAN 31:41

Boema Musa fe tunu-hotu hehelik sila-la, leo Imam Eleazar-ra neu, fo soaneu tunu-hotuk ba'eneu Manetualain, sama leo Manetualain paletan-na.

BILANGAN 5:8

Teu metema, hataholi fo ana tao nakatutu'dak-ka maten so, tehu tolanoo ka'a-fa'din manadekan ta, soona muse fe doi sosoin ndia leo Manetualain neu, fo da'di imam-ma baba'en. Hataholi masalak ndia bi'ilopo manen fo soaneu feta sala-singon hapu do'o do ampon-na, ta nanalekek nai doi sosoin ndia dalek fa.

ULANGAN 12:26

Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.