BILANGAN 5:27 - Susula Malalaok Hehelu Palak Ma Hehelu Beuk

²⁷ Leounik-ka inak ndia hohonge soona, oe ndia tao-nan name'da he'dis nanseli; tein-na natafuu, ma puu huun-na loun-na kukulu. Neukose na'den-na nanasoo-supak, nai leoinan-na dalek.

BILANGAN 5:27 ပူးပေါင်းရင်းမြစ်များ

MAZMUR 109:18

Ba'eneu ndia soona, supa-sook ndia, tatao-nono'i biasa ndia, sama leo ana pake papake-ngganggaon. Nemen-na fo, supa-sook ndia, sama leo oe-a, fo ana susi leo aon dale neu, ma sama leo mina, fo ana faa leo dui-nala dalek neu.

PENGKHOTBAH 7:26

Au hapun nae inak-ka makahe'duk lena neme mamates-sa mai. Inak-ka susue tou-ta'en-na, sama leo dala ma hihiik fo naheheleaon ho'u musun-na. Lima hoholun-na sama leo lange fo ana henge nahelen. Tehu hataholi manatao tunga Manetualain hihii-nanaun-na, nala hihi'ik-ka deak, tehu tao leo bee-o, hihi'ik-ka nala hataholi masala-masingok-ka.

YESAYA 65:15

Au hataholi heheleng-ngala, neukose ala pake emi na'dem-ma, da'di leo soo-supak lae: ‘Ela leo been-na, Manetualain Fo Mademaina, taonisa emi, sama leo sila!’ Tehu hataholi fo, manatunga neu Au-a, neukose Au fen na'de beuk.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 29:18

Neukose Au usis tunga dea nenik natee-natatik, la'a-ndos-sa ma he'di-laus matuaina, de nalosa basa leoina manai daebafak ia, lame'da bibiik ala lita sila heheo-hihilun-nala. Metema Au tao tapasasalas su'di nai bea soona, neukose hataholi lame'da bibiik ma namata'uk lita hata fo manada'dik neu sila. Neukose sila nananakamuu-nakadauk ma ala pake sila na'den-na da'di leo soo-supak.

YEREMIA 29:22

Fo ela metema hataholi fo nanafoo nenik neme Yerusalem lo Babel neu-a, ala sanga soo-supa hataholi esa soona, neukose ala lafa'da lae, ‘Sa'di leo been-na Manetualain tao o sama o Zedekia ma Ahab fo nanahotuk kalaok neme manek Babel-la mai.’

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YEREMIA 44:12

Ma metema neme hataholi Yehuda fo bei elak-kala hapu lakisak dalen-nala fo leu lo Masir soaneu ala leo lai na soona, neukose mate-mopo la'iesak-kasa. Sila basa-basas ana matua, neukose mates nai Masir, nai natee-natatik-ka dalek do hukande la'a-ndoes-sa. Neukose hataholi litas soona, lame'da langgenggengo ao, ma neukose lakamumulu-lakamamaek-kasa. Sila na'den-nala neukose nanapakek da'di leo soo-supak.

ZAKHARIA 8:13

Hai laun Yehuda ma Israel-la lemin! Nai fai maneuk-ka, metema hataholi nusa dea-la, esa soo-supa esa soona, lafa'da lae, ‘Sa'di leo been-na, susa-soe manala'e Yehuda ma Israel-la, la'e o boe!’ Tehu neukose Au soi-tefa-ala emi, nalosa hataholi nusa dea sila-la, neukose lakokolaok lae, ‘Sa'di leo been-na, baba'e-papalak fo ana kona neu Yehuda ma Israel-la, ana kona neu o lain boe!’ Hu ndia de, matetea emi dalem-ma, ma boso bii-mamata'u!”

BILANGAN 5:20

Tehu metema, o sungu mo touk fe'ek soona,

BILANGAN 5:28

Tehu leounik-ka ta nasala fa soona, soo-supak ndia ta la'e fan, de ana bei bisa bongi seluk.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

ULANGAN 28:37

Nai nusa-nusak fo nai bee, Manetualain tao tapasasala emi-a, neni bibii-namata'uk nanseli fe hataholi manamete emi-a; neukose ala hakinonoli ma ala hika emi.

2 PETRUS 2:10

nakalenak ba'eneu hataholi mana tunga nasa-melun hihii-nanau manggenggeo nala, ma hataholi fo lakamumulu-lakamamaek Manetualain koasa na. Mese masapepekok sila la lapalani ma koao-ndaeao lanseli, nalosa ala ta hiapenge lakamumulu-lakamamaek basa hata maso'da mandela-masa'ak manai nusa so'da ka boe!