BILANGAN 4:5 - Susula Malalaok Hehelu Palak Ma Hehelu Beuk

⁵ Manetualain fe Musa, paleta nde ia nae, Metema fain-na losa, fo ofe heni mamana ofu-la soona. Harun no anan-nala muse leu leo Manetualain Lalaa Teman dale leu, fo lakona heni tema lelesu manai Peti Hehelu-balataak-ka uluk, fo poti ketu Peti ndia nenik tema lelesu ndia.

BILANGAN 4:5 ပူးပေါင်းရင်းမြစ်များ

1 TAWARIKH 15:15

Ma nai lelek Peti ndia nanalaliheok, ala ndolo lenik kana ai ndondolok, tunga nakanenetek fo Manetualain fen tunga Musa.

1 TAWARIKH 23:26

Hu ndia de, Manetualain Lalaa Temak na ma basa buas fo nanapakek soaneu makaluku-makatele a, ta paluu hataholi Lewi la ndolo seluk kana fa.”

2TAWARIKH 3:14

Ala tao la tema jendela manaluina neme tema abalutu ma tema fe'ek momo'dok, pilabalanggeok ma pilas soaneu Kama Malalao-Malalafuk Nanseli ndia. Tema jendela manaluina ndia nanabalias nenik mahahaek nusa so'dak ka dulan-na.

KELUARAN 36:35

Boeo ala tao tema lelesu-a neme tema abalutu mai fo nanatenuk nenik tema kabelik balau, pilabalanggeok ma pilas, boema nanaseu-sook nenik kerub dulan-na.

KELUARAN 40:3

Tao Peti Hehelu-balataak fo isin-na Paleta ka sanahuluk-kala leo dalek neu, fo tao temak tatanan-na neu uluk.

KELUARAN 40:5

Pe'da mei tunu-hotu lilopilas fo mamanak tunu boomenik-ka neu Peti Hehelu-balataak-ka matan-na, ma lolo'e tema lelesu neu Lalaa Temak lelesun-na.

YESAYA 25:7

Nai pupukuk ndia lain, neukose Ana siluheni ko'a dale he'dik fo, manapotin-na leoina-kala.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

BILANGAN 10:14

Manala'o makahuluk-ka nde solda'du Yehuda-la, de bubuak esa basa soona, bubuak esa: fo Aminadab anan Nahason nauli-nalanga leo Yehuda,

BILANGAN 4:15

Manetualain nafa'da Musa no Harun nae, “Nai lelek emi ofe heni mamana ofu-a soona, Harun no anan-nala muse leu leo Au Lalaa Temang dale leu, fo ala poti ketu basa bua-lo'as ma hata-heto manai sila-la. Basa ndia soona, besak-ka hataholi Kehat-tala bole mai fo ala ndolon leona. Tehu, ala ta bole mete do deka, do ko'i la'e hata-heto sila-la fa, nanahu nanafe hehelik basa neu Au so. Metema ala la'o lenan soona, neukose mates. Da'di, fo ela hataholi Kehat sila-la na'den-nala boso nanalose henik neme leo Lewi-a dalek mai, Harun no anan-nala muse fe sila esa-esak bela-ba'u beek fo muse lenin. Hataholi Kehat-tala bela-ba'un nde ndia, nai lelek lali heok Au Lalaa Temang-nga. Eleazar fo Harun anan-na, muse mete-nakanae Au Lalaa Temang-nga lala'en-na, banuk-kala minan-na, boomenik-ka, tutunu-hohotu gandum soaneu nana'ak fo nanasadia nahelek-ka, mina feta, ma basa hata manai Au Lalaa Temang ndia dalek.”

BILANGAN 4:4

Sila tatao-nono'in nde, ito-ato bua-lo'as malalao-malalafuk nanseli-la.

BILANGAN 7:9

Tehu, Musa ta fe hataholi Kehat-tala gelobak do sapi fa, nana ala muse lu'a bua-lo'as malalao-malalafuk, fo ala mete-lakanaes-sala.

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

ULANGAN 31:9

Boema Musa sulak-na Manetualain Fo Manakoasa hoholo-lalanen, de ana fen leo imam Lewi fo, ana hapu bela-ba'uk soaneu ana ito-ato Peti Hehelu-balataak-ka, ma ana fen neu basa mauli-malangan Israel-la.

IBRANI 10:20

Yesus soi basa eno beuk esa soaneu ita, fo nde enok fo mana fe maso'da ka. Enok ndia tunga tema maloa, fo nde Yesus ao paa na mesa kana.

IBRANI 9:3

Nai dalek, fo nai tema maloa kama kadua dea na, hapu kama esa nai ndia, fo ala foi kama ndia na'de, Kama Malalao-Malalafuk.

SEMUEL SUSULAK-KA ESAN-NA 6:19

Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.