BILANGAN 4:12 - Susula Malalaok Hehelu Palak Ma Hehelu Beuk

¹² Basa hata-heto fo nanapakek nai Kama Malalao-malalafuk-ka dalek, muse ala ho'i-las fo ala potis nenik tema balau biak esa. Basa soona, muse ala poti ketun nenik bana lou mangana'u anak esa, fo ala pe'dan neu ai ndondolok-kala lain.

BILANGAN 4:12 ပူးပေါင်းရင်းမြစ်များ

1 TAWARIKH 9:28

Hataholi Lewi fe'ek nggelok lanea bua-lo'as soaneu makaluku-makatele. Sila nde leke bua-lo'as sila-la, nai lelek bua-lo'as sila kalua ma nai lelek fe falik-kasa.

1 TAWARIKH 9:29

Nggelok seluk, lanea makaluku-makatele pinga-mangon, ma lanea ha'desopuk, angol, mina setun, boomenik, boema bumbu-bumbu.

2TAWARIKH 4:11

Huram, fo basa tuka-la malangan ndia, tao ulek, sakop, ma mango. Leondiak ana tao nabasa la'iesak Manetualain Uman-na bua-lo'an lala'en-na nandaa no hala hehelun neu Manek Salomo-a. Ana tao nabasa bua-lo'as sila-la nde ia: Dii matuaina dua Dii langak dua malupak-kala mango fo nanape'dak nai dii kaduak sila-la lain Namosina nanaanek nai dii langak-kala esa-esak Dalima natun haa nananakatoto'dok nai dalak dua dalek fo okofefeo-la namosina nanaanek manai dii langak-kala esa-esak. Kaleta sanahulu Bokol matuaina sanahulu Mamana natanoe liti Sapi liti sanahulu dua fo ala tia-to'ba mamana natanoe liti ndia uledae-la, sakop-ala ma folok-kala Basa bua-lo'as fo Huram taon soaneu Manetualain Uman sila-la, ana taos leme liti mai ma ana loses losa mangadilak. Huram tao basa sila-la nandaa no Manek Salomo-a paletan na.

2TAWARIKH 4:19

Manek Salomo boeo nadenu tao bua-lo'a fe'ek neme lilopilas isik ka mai soaneu Manetualain Uman-na. Ana tao bua-lo'as sila-la nde ia: Mei tutunu-hohotuk Mei soaneu loti tunu-hotuk Basa banu eik-kala loo banun-nala neme lilopilas isik-ka mai soaneu nanade'dek nai Kama Malalao-Malalafuk Nanseli-a matan-na, nandaa no nanatutu'u basak-ka so Balias-balias fo nalupa bunga Banuk-kala Banu eik-kala Buas soaneu tao balisi banuk-ka tetelun-na Mango-la Pingak-kala soaneu boomenik Pingak-kala soaneu ha'ikaak Basa lelesu fo masok leo Manetualain Uman neu ma Kama Malalao-Malalafuk Nanseli-a lelesun-na nananakadiditak nenik lilopilas.

KELUARAN 25:5

bi'ilopo mane-a loun-na fo lose pilas neun, banalou mangana'uk, ma ai akasia;

KELUARAN 25:9

Ala muse tao Lalaa Temak ndia no oe-isin, tunga Au dale tutu'ung fo neukose Au atu'dun neu emi.”

KELUARAN 31:10

bua-lo'a makaluku-makatele soaneu Harun no anan-nala, fo muse ala paken nai lelek lalalau-laoono da'dileo imam,

BILANGAN 4:11

Basa ndia soona, ala muse bela tema balau biak esa, neu mei tunu-hotu lilopilas ndia lain, fo ala poti ketun nenik bana lou mangana'u anak esa, basa soona, ala tao mei tunu-hotuk ndia, ai ndondolon-nala neu.

BILANGAN 4:13

Muse ala lose heni afu manai mei tunu-hotuk ndia lain, fo basa soona, ala bela tema pila balanggeok biak esa neu lain.

BILANGAN 4:6

Basa ndia soona, muse ala poti ketu seluk-kana nenik tema abalutu biak esa, boema ala lalaa tema balau biak esa neu lain, ma ala tao Peti ndia ai ndondolon-nala neu.

BILANGAN 4:7

Ala muse bela tema balau biak esa neu mei fo loti tunu-hotuk mamanan-na, soaneu Manetualain, ma nai mei ndia lain, muse ala pe'da pinga maloa, dulang anak soaneu boomenik-ka mamanan-na, dulang anak soaneu tunu-hotuk mamanan-na, ma kete soaneu tunu-hotu angol-la. Loti nanasadiak-ka, muse nahele nai mei ndia lain.

BILANGAN 4:9

Muse ala ho'i-la tema balau biak esa, fo ala poti ketu banu eik-ka no banun-nala, besianak soaneu tao balisi banuk-ka tetelun-na, ma basa mina setun-na mamanan-nala.