BILANGAN 32:3 - Susula Malalaok Hehelu Palak Ma Hehelu Beuk

^3-4 “Kota Atarot, Dibon, Yaezer, Nimra, Hesybon, Eleale, Sebam, Nebo ma Beon, fo no Manetualain tutulu-fafalin, de Israel nangatuu nan so, daen-na lolen-na seli soaneu nakaboboi bana-manu. De hu kande, ami bana-manum makadotok nanseli,

BILANGAN 32:3 ပူးပေါင်းရင်းမြစ်များ

NEHEMIA 9:22

O fes ala sengi nusak makadotok ma leoina manai sila dae toon-na. Langatuu-la Hesybon, fo Mane Sihon nusan-na; Ala leo-la Basan fo Mane Og-ka nusan-na.

YESAYA 15:6

Lee Nimrim-ma oen-na, ma na'u manamoli manai su'un-na, lamatuu-tongo so, de ta hapu na'u-aiana fo, doon-na momo'dok so'on.

YEREMIA 48:1

Manetualain Fo Manakoasa, Fo Israel Manetualain-na nafa'da nae leo ia la'eneu Moab, “Soe ba'eneu laun Nebo, kotan-na bala neu so! Latona-la Kiryataim, ma kota musun-na fo matea-mahelek-ka nanatao nakalulutuk, de nalosa laun-nala da'di manamaek.

YEREMIA 48:2

Mopo Moab matua-mademan, musu-a natona-na Hesybon so, ma ala tutu'u basa eno ma soaneu tao lamopo la'iesak leoina Moab-pa nai na. Hala kokolak manai Madmen-na neukose nana kena-ka'ik, nanahu neukose soloda'du la latona-la kota ndia.

YEREMIA 48:32

Neukose au kii ba'uk-ka neu laun Sibna ma Au kii ka'da fa neu laun Yaezer. Kota Sibma sama leo ai angol-la fo ndanan-na ala losa leo Tasi Mates-sa selik, doon-na losa Yaezer. Tehu besak ia boa hanan-nala ma boa angol-la nanatao nakalulutuk so.

YEREMIA 48:34

Hataholi manai Hesybon ma Eleale-la kii ma kikii-makaleleun-nala nananamanenek losa Yahas, boema hataholi-hataholi manai Zoar losa Horonaim ma Eglat-Selisia lamanene. Ala kii hu ka nde oe manai lee anak Nimrim ma'dan so.

YEREMIA 48:45

Hataholi nanausik-kala lalai leu sanga nasulu-nahapa nai Hesybon, te kota ndia nanade'dek ma uma manek Sihon-na ha'i na'an boe. Ha'i na'a na basa mamanak nggolok-ka ma lete pe'dak Moab, fo hataholi manatao musu-la nggolon-na

YESKIAL 25:9

Hu ndia de, kota-kota fo manalakataka nusa Moab-pa dae toon-nala, neukose Au po'ilotak musu-a sapu-nalas, fo nai dalek hapu kota neulauk-kala boe, fo nde Bet-Yesimot, Baal-Meon ma Kiryataim.

BILANGAN 21:28

Faik esa boema, solda'du Sihon-nala, ala mai leme kota ia mai, de ala tutulumatak sama leo ha'i-a. Fo ala tao lakalulutuk kota Ar-ra, nai Moab, de ala koasa-la pupukuk-kala, nai su'di lee Arnon-na nanalun-na.

BILANGAN 21:30

Tehu besak ia, mopo-mate sila tititi-nonosin, nai su'di enok maneme Hesybon leo Dibon neu-a, nanalun-na, neme Nasyim leo Nofa neu, fo deka no Medeba.”

BILANGAN 21:32

Basa boema, Musa nadenu hataholi-la, leu sanga enok malole, fo leu sapu-la kota Yaezer-ra. Boema hataholi Israel-la, loso-la kota ndia, no kota ana-anak manai titia-tatain-nala, de ala usi heni hataholi Amori manaleo manai naa-la.

BILANGAN 32:1

Leo Ruben ma leo Gad-ta, bana-manun makadotok nanseli Lelek lita dae Yaezer ma dae Gilead-ta, lolen-na seli, soaneu nakaboboi bana-manu boema,

BILANGAN 32:2

leu leo Musa, Imam Eleazar ma Israel mauli-malanga fe'en-nala, de lafa'da lae,

YOSUA 13:17

boeo Hesybon ma basa kota manai letelepak ndia, fo nde: Dibon, Bamot-Baal, Bet-Baal-Meon,

YOSUA 13:19

Kiryataim, Sibma, Zeret-Hasahar fo nai pupukuk lain nai bafak ndia dalek.

HAKIM-HAKIM 11:26

Teuk natun telu dalen-na, Israel nangatuu-na Hesybon ma Aroer boema nggolo-nggolok manai titia-tatain-nala, ma basa kota-kota manai Lee Amon-na, su'un-na. Ma tao le'e de, doo-doo basa ndia, o ta ho'i falik-kasa fa?