BILANGAN 32:14 - Susula Malalaok Hehelu Palak Ma Hehelu Beuk

¹⁴ De besak ia, emi lena-la'ban paleta, sama leo emi amam-mala boe! Memak emi hataholi masala-masingok bubuak esa, fo emi taom-ma Manetualain nasa-melun lua ponu-ponu seluk neu leoina Israel-la!

BILANGAN 32:14 ပူးပေါင်းရင်းမြစ်များ

KEJADIAN 5:3

Lelek Adam teun natun esa teluhulu boema, ana bongi anatouk, de mata-panan nahope no ndia mata-panan, boema ana foin na'de Set.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

2TAWARIKH 28:13

Lafa'da lae, “Boso moo hataholi nanafook sila-la leo ia mai! Ita tasala-tasingo basa neu Manetualain so, de ita sala-singon dai ma lena soaneu nanahukuk. Besak ia emi nau tao hata esa fo neukose ka'da nakadaik ita sala-singon.”

EZRA 10:10

Basa boema, Ezra fo'a napadeik, de ana kokolak nos. Nafa'da nae, “Emi basa-basam-mala, masala-masingo so, de emi popo-tama seluk Israel salan-na, nanahu emi sao ina leoina nusa dea.

NEHEMIA 13:18

Hu kande, no sala-singok leo ia-ka, de Manetualain huku basa ita bei-ba'i kain-nala, ma Ana tao nakalulutuk kota ia. Ade besak ia, emi nau popo-tama seluk Manetualain nasa-melun neu Israel, nenik emi tao manggenggeo fai Sabat-ta do?”

AYUB 14:4

Ade, hapu hataholi daebafak masala-masingok-ka, bisa neni hata fo, matetu-mandaak do?

MAZMUR 78:57

Ala lalelesi sama leo bei-ba'i kain-nala de ta bisa namahele fas, sama leo kokouk fo, ana peko so.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 57:4

Emi hika-ka, nde see-ka? Emi hakinonolik-ka, nde see-ka? Ade emi ta nde, tititi-nonosik neme hataholi masapepeko-masandandalik, ma manalena-la'bak-kala mai fa do?

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

BILANGAN 32:15

Metema emi lepos masadea Manetualain, soona neukose Ana po'ilotak leoina ia, laleu-lalaak dook-ka seluk nai moo solokaek-ka, fo emi nde tataom, sila momopo-mamaten ndia!”

LUKAS 11:48

Da'di emi nde manaku mae emi makaheik hata fo emi bei ba'i kai mala tatao-nono'i basan sila la. Nana memak sila nde taolisa nabi sila la, tehu emi nde mafofo'a late nala.

ULANGAN 9:24

Nai lelek neme au alelak emi-a, emi lena-la'ban Manetualain tataas esa.