BILANGAN 30:6 - Susula Malalaok Hehelu Palak Ma Hehelu Beuk

^6-7 Metema anafe'oana sao beitak esa, ana fe nasar do ana pa'a aoinan-na neu hehelu-balataak esa, fafa'kama ana tai-dodoo nakahuluk-kana, do ka'da leondiak mesak-kana, soona anafe'oanak ndia, nanapa'ak no nasar ma hehelu-balataan ndia. Metema nai fai makabuin, ana saoana soona, anafe'oanak ndia nanapa'ak no nasar ma hehelu-balataan ndia, sa'di nai lelek saotoun-na namanene dede'ak ndia, te ta nahala nae le'e esa boen.

BILANGAN 30:6 ပူးပေါင်းရင်းမြစ်များ

MAZMUR 56:12

Au amahele neun, de au ta bii-amata'u fa, hataholi daebafak-ka, ta hapu tao hata esa boen soaneu au fa.

YEREMIA 44:19

Basa boema inak sila-la lafa'da lae, “Ami saotoum-mala lakaheik lae, ami tao loti fo lupa-ta'dun sama leo Ina Manek nusa so'dak-ka, ma tunu tutunu-hohotuk boema fe angol soaneu ami lamatua daebafan ndia.”

IMAMAT 5:4

Metema, hataholi esa nasala, nanahu ana soo-supa pepekok nenik ana tao tofa-tafi, fo ana tao su'di beek-ka, basa boema, name'da-na tatao-nono'in ndia.

BILANGAN 30:5

Tehu metema, nai lelek aman namanene dede'ak ndia boema, ana ta nau fa, soona anafe'oanak ndia, natapo'i neme nasar ma hehelu-balatan ndia mai. Neukose Manetualain fen do'o do ampon neun, nanahu aman ta nau fa.

SEMUEL SUSULAK-KA ESAN-NA 1:11

Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”