BILANGAN 3:38 - Susula Malalaok Hehelu Palak Ma Hehelu Beuk

³⁸ Nai ofu dale, Musa no Harun boema anan-nala mamanan-na nai Manetualain Lalaa Teman-na uluk, fo nai boboan dulu. Ala mete-lakanae leoina Israel-la makaluku-makatelen, nai Kama Malalao-malalafuk dale. Fe'ek neme hataholi sila-la mai, su'di see boe, fo ana so'ba-so'ba tao tatao-nono'ik ndia soona, muse hukunisan.

BILANGAN 3:38 ပူးပေါင်းရင်းမြစ်များ

1 TAWARIKH 23:32

Sila boeo nanafe bela-ba'uk soaneu mete lakanae Manetualain Lalaa Temak na boema Manetualain Uman na ma soaneu tulu-fali sila tolanon nala, fo nde basa imam fo Harun tititi-nonosin nala, nai lakalala'ok makaluku-makatele dalek nai mamanak ndia.

BILANGAN 1:51

Metema emi lali mamanak soona, hataholi Lewi sila nde ofe heni Au Lalaa Temang-nga, ma ala pasak falik-kana nai mamanak fo nai bee, emi ofu. Fe'ek neme hataholi Lewi sila-la mai, su'di see fo ana deka no Lalaa Temak ndia soona, muse nanahuku nisak.

BILANGAN 1:53

Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 2:3

Manai boboak dulu nde solda'du manasulu nai Yehuda solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia: Leo Mauli-malangan Hataholi dede'un-na Yehuda Nahason, fo Aminadab anan-na 74.600 Isakhar Netaneel, fo Zuar anan-na 54.400 Zebulon Eliab, fo Helon anan-na 57.400 Basa-basan lala'en-na, hataholi: 186.400 Solda'du Yehuda-la muse la'ok nai uluk nanseli.

BILANGAN 3:10

Tehu o muse so'u Harun no anan-nala, fo lakalalaok bela-ba'uk da'di leo imam; fe'ek neme sila mai, metema su'di see boe, fo ana so'ba-so'ba nakalala'ok bela-ba'uk ndia soona, muse huku nisan.”

BILANGAN 3:23

Elyasaf fo Lael anan-na, nde nalanga leo-ingu ndia. Nai leoina Israel-la mamana ofun-na dalek, leo-ingu ndia mamanan-na nai boboak muli, fo nai Manetualain Lalaa Teman-na dean-na.

BILANGAN 3:29

Elisafan fo Uziel anan-na, nalanga leo-ingu ndia. Nai ofu dale, leo-ingu ndia mamanan-na nai Manetualain Lalaa Teman-na boboan kona.

BILANGAN 3:35

Abihail fo Zuriel anan-na nalanga leo-ingu ndia. Nai ofu dale, leo-ingu ndia mamanan-na nai, Manetualain Lalaa Teman-na boboan kii.

BILANGAN 3:37

Sila boeo lanea Lalaa Temak-ka so'dan manai deak-ka diin-nala, laten-nala, ai papakun-nala ma talin-nala.