BILANGAN 3:10 - Susula Malalaok Hehelu Palak Ma Hehelu Beuk

¹⁰ Tehu o muse so'u Harun no anan-nala, fo lakalalaok bela-ba'uk da'di leo imam; fe'ek neme sila mai, metema su'di see boe, fo ana so'ba-so'ba nakalala'ok bela-ba'uk ndia soona, muse huku nisan.”

BILANGAN 3:10 ပူးပေါင်းရင်းမြစ်များ

2 SEMUEL 6:7

Nai hatematak ndia boe, Manetualain namanasa Uza, nanahu tatao-nono'in ndia, nalupa nakamumulu-nakamamaek esa neu Manetualain. Boema, Ana taonisa Uza neme mamanak ndia, deka no Peti Hehelu-balataak-ka.

1RAJA-RAJA 12:31

Yerobeam boeo napadedeik na mamana huhule-haladoi fe'ek-kala lai letek-kala poin-na, ma ana so'u imam-mala leme teidalek fo ta leo Lewi-la fa.

1 TAWARIKH 6:32

Langganggatiaok bela-ba'un nai Manetualain Lalaa Teman-na, nai tepo-lelek fo Manek Salomo beita nafofo'a Manetualain Uman-na fa.

NEHEMIA 6:11

Tehu au ataa ae, “Au ia, ta hataholi fo ana nau nalai fa. Au hataholi biasa, de au ta bole masok leo Manetualain Uman dale u fa, te neukose mate au. Ta, au ta nau fa!”

KELUARAN 29:9

ma kalikee, boema pa'a fefeo langak neu langan-nala. Harun no anan-nala ndo ein-na leondiak. Sila ma sila tititi-nonosin muse lalalau-laoono Au da'dileo imam losa dodoon-na.

YESKIAL 44:8

Ta ka'da sila mesak-kasa, nde tao feta malalao-malalafuk-ka nai Au Umang fa, te ala fe hataholi nusa dea-la bela-ba'uk soaneu ala tao-no'in.

IMAMAT 22:10

Tunu-hotuk fo nanahele hehelik ba'eneu Au-a, ka'da imam sila-la teidale-bobongin mesak-kasa, nde bole la'an; hataholi fe'ek ta bole fa, leomae hataholi ndia leo no imam-ma nai uma esa dalek, do imam-ma hataholi mana'a ngga'din-na boe.

BILANGAN 1:51

Metema emi lali mamanak soona, hataholi Lewi sila nde ofe heni Au Lalaa Temang-nga, ma ala pasak falik-kana nai mamanak fo nai bee, emi ofu. Fe'ek neme hataholi Lewi sila-la mai, su'di see fo ana deka no Lalaa Temak ndia soona, muse nanahuku nisak.

BILANGAN 16:10

O, Korah, ma basa hataholi Lewi-la, hapu basa ha'da-holomata ndia, neme Manetualain mai so – de besak ia, emi malaka fo nau da'di imam boe do!

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

BILANGAN 16:40

Ndia nalupa nasanene'dak ba'eneu leoina Israel-la, nae fe'ek neme Harun tititi-nonosin mai soona, ta hapu hataholi esa boen, bole neu leo mei tunu-hotuk-ka neu, fo ana tunu boomenik soaneu Manetualain. Hataholi fo ana la'o lena nakanenetek ndia, neukose nanatao namopo-namatek sama leo Korah no hataholi manalook-kana. Basa sila-la taos sama leo hata fo Manetualain paletan neu Eleazar, tunga Musa.

BILANGAN 18:3

Leo Lewi-a, muse tao natetu sila bela-ba'un soaneu emi, ma lakalala'ok sila bela-ba'un nai Au Lalaa Temang-nga, tehu ala ta bole deka mei tunu-hotuk-ka fa, do ala koila'e bua-lo'a malalao-malalafuk manai Kama Malalao-malalafuk-ka dalek fa. Metema, ala la'olena nakanenetek ndia soona, nau sila do emi boeo, neukose mate basam-mala.

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

BILANGAN 3:11

Manetualain nafa'da Musa nae,

BILANGAN 3:38

Nai ofu dale, Musa no Harun boema anan-nala mamanan-na nai Manetualain Lalaa Teman-na uluk, fo nai boboan dulu. Ala mete-lakanae leoina Israel-la makaluku-makatelen, nai Kama Malalao-malalafuk dale. Fe'ek neme hataholi sila-la mai, su'di see boe, fo ana so'ba-so'ba tao tatao-nono'ik ndia soona, muse hukunisan.

ROMA 12:7

Hataholi fo ana hapu baba'e-babatik soaneu tulu-fali hataholi fe'ek soona, muse te'e-te'e ana tulu-fali hataholi fe'ek. Hataholi fo ana hapu baba'e-babatik soaneu nanoli soona, muse nanoli te'e-te'e.

EFESUS 2:19

Hu ndia de, emi ta masok hataholi mana mai do hataholi deak so'on. Besak ia, emi da'di hataholi kamahehelek sama-sama moo Manetualain hataholi kamahehele nala so. Emi nde bee na, Manetualain tei dale nala.

ULANGAN 18:5

Neme basa leo-leo manai Israel-la mai, emi Manetualaim-ma, Ana hele basa leo Lewi-a, da'di imam losa dodoon-na so.

IBRANI 8:4

Leo uni ka, nai daebafak ia soona, neukose Ana ta da'di imam fa, nana hapu imam, soaneu ana fe tutunu-hohotuk, fo nananoke nakasetik nai agama Yahudi a hoholo-lalanen dale.

HAKIM-HAKIM 17:5

Mikha nanuu mamana tunu-hotuk esa so. Ana tao-na dodoki-dudulak sosongok de'ubee, ma tema babaafanak biak esa, efod boema ana so'u ana toun esa, da'di imam.

SEMUEL SUSULAK-KA ESAN-NA 6:19

Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.