BILANGAN 28:7 - Susula Malalaok Hehelu Palak Ma Hehelu Beuk

⁷ Muse tunu-hotu bi'ilopoana ndia, sama-sama no angol litel esa boe, fo pisin leo mei tunu-hotuk lain neu.

BILANGAN 28:7 ပူးပေါင်းရင်းမြစ်များ

KELUARAN 29:40

Bi'ilopo soaneu tutunu-hohotu fafain-na, muse tunu-hotun sama-sama no ha'desopu neulauk kilo 1, ma sese'dok-kana no mina setun isik litel 1. Fe'ek neme ndia mai boe, sese'dok-kana no angol litel 1.

KELUARAN 29:42

Basa soona, soaneu tepo-lelek lala'en-na, tutunu-hohotuk nanatunuk ndia muse nanatunu-hotuk nai Au matang-nga, fo nai Au Lalaa Temang-nga lelesun-na. Nai ndia nde, neukose Au atongo o Au anang-ngala, ma Au kokolak o o.

KELUARAN 30:9

Boso tunu-hotu boomeni fe'ek, tutunu-hohotuk bana-manu do tutunu-hohotu nana'a-nininuk nai mei tunu-hotuk ndia lain; boeo boso di'a angol leo mei tunu-hotuk ndia lain neu.

YESAYA 57:6

Da'di, emi mandaa, hele makabubua batu talimo'dis-sala leme ndia mai. Fo emi baba'em-ma nde ndia! Emi di'a angol, ma tunu-hotu gandum neu batu sila-la boe. Emi maedaenga, Au amahoko nenik basa sila-la do?

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:9

Mopo gandum ma angol-la neme Manetualain Uman dale mai so. Boema imam-imam fo manalilineka lalalau-laoono Manetualain ala falu.

YOEL 2:14

Fafa'kama, Manetualain fo o Manetualaim-ma, nasafali dale nakeketun-na de Ana ba'e-pala emi nenik baba'e-papalak manasasi kao-kaok. Nalosa emi hapu tunu-hotu tutunu-hohotu angol ma gandum ba'eneu Manetualain, fo o Manetualaim.

IMAMAT 1:9

Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

IMAMAT 23:13

Tunu-hotu ha'desopuk nanasese'do mina setun kilo dua, soaneu tutunu-hohotu nanatunuk-ka. Tutunu-hohotuk ndia, boon-na nandaa no Manetualain dalen-na. Boeo tunu-hotu angol litel esa, sama-sama no tutunu-hohotuk ndia.

BILANGAN 15:10

ma angol oek litel dua. Tutunu-hohotuk sila boon-na, nandaa no Manetualain dalen-na.

BILANGAN 15:7

ma oe angol litel esa seselik. Tutunu-hohotuk sila-la, boon-na nandaa no Manetualain dalen-na.

BILANGAN 28:14

Boeo, muse tunu-hotu angol, sama-sama no tutunu-hohotu nanatunuk ndia, fo sapi mane esa soona, angol litel dua, bi'ilopo mane-a, litel esa seselik, ma bi'ilopo ana esan-na, litel esa. Ndia nde da'di nakanenetek la'eneu tutunu-hohotu nanatunuk-ka, fo muse nanatunu-hotuk nai tunga-tunga bulak-kala fain esa, nai teuk esa dalen-na.

BILANGAN 28:31

Tutunu-hohotuk sila-la loo tutunu-hohotu angol-la, nalupa tatamak neu tutunu-hohotu nanatunuk, ma tutunu-hohotu nana'ak-ka.

BILANGAN 28:6

Ndia nde tutunu-hohotu nanatunu mahelek, fo makasoso san-na, nanatunu-hotuk neme Letek Sinai-a. Tunu-hotuk ndia, boon-na nandaa no Manetualain dalen-na.

BILANGAN 28:8

Bi'ilopoana, fo soaneu tunu-hotu le'donosok-ka, muse tunu-hotun sama leo tunu-hotu fafaik-ka, sama-sama no angol. Tutunu-hohotuk ndia boon-na, nandaa no Manetualain dalen-na.

FILIPI 2:17

Fafa'kama neukose ala taolisa au, fo daenga au daa nga da'di sama leo tutunu-hohotuk fo nanapo'ak neu hata fo emi fen neu Manetualai na, fo ana da'dileo ta'du-tana nae, emi mamahelen. Metema memak muse leondiak soona, au oke makasi neu dede'ak ndia ma au amahoko o emi.