BILANGAN 28:10 - Susula Malalaok Hehelu Palak Ma Hehelu Beuk

¹⁰ Muse tunu-hotu tutunu-hohotu nanatunuk ndia, tunga-tunga fai Sabat-ta, da'di leo tatamak neu tutunu-hohotu tunga faik-ka, sama-sama no tutunu-hohotu angol-la.

BILANGAN 28:10 ပူးပေါင်းရင်းမြစ်များ

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

2TAWARIKH 8:13

Ana tunu-hotu tutunu-hohotuk sila-la tunga Musa Hoholo-lalanen soaneu tunga-tunga fai malole: fai Sabat, fai malole Bula Beuk, ma fai malole tunga teuk ka telu kala, fo nde fai malole Loti Ta Pake Laluteik-ka, fai malole Keketu-kokoluk-ka, ma fai malole Lalaa Akidook-ka.

YESAYA 1:13

Palsuma la'iesak-kana, emi meni emi tunu-hotum sila-la. Au malua tunu-hotuk sila-la boon-na. Au ta ahiik, ma Au ta akatatakak mete emi tao feta Bula Beuk-ka, fai Sabat-tala ma fai malole-la, boema nakabubua agama-la. Emi tao manggenggeo basa sila-la, nenik emi sala-singom-mala, de nalupa lelepa mabela esa ba'eneu Au; Au sota-mangu no lu'a-lepak-ka so.

BILANGAN 28:23

Basa tutunu-hohotuk sila-la, nalupa tatamak neu tutunu-hohotu nanatunuk fafaik-ka.

BILANGAN 28:3

Tutunu-hohotuk fo, sila muse tunu-hotu fen neu Manetualain-na, nde ia: Soaneu tutunu-hohotu fai-faik-ka nde, bi'ilopoana dua, besak-ka teuk beke esak, ma ta lu'u la'ak fa,

BILANGAN 28:9

Neu fai Sabat-ta soona, muse tunu-hotu bi'ilopoana dua, besak-ka teuk beke esak, ma ta lu'u la'ak fa, ha'desopuk kilo dua, nanasese'dok nenik mina setun, fo soaneu tutunu-hohotu nana'ak, ma tutunu-hohotu angol.

BILANGAN 29:11

Boeo, tunu-hotu bi'ihii mane esa, soaneu feta hataholi Israel-la sala-singon, nanafe do'do do ampon. Fe'ek neme tutunu-hohotuk fo, sala-singok hapu do'o do ampon, ma tutunu-hohotu nanatunuk tunga faik-ka, sama-sama no tutunu-hohotu nana'ak-ka, ma tutunu-hohotu angol fo nanatunu-hotuk nai faik ndia.

BILANGAN 29:16

Fe-ek neme ndia mai, tunu-hotu bi'ihiik mane esa boe, soaneu tutunu-hohotuk fo, sala-singok hapu do'o do ampon. Tutunu-hohotuk ndia, nalupa tatamak neu tutunu-hohotu nanatunuk tunga faik-ka, sama-sama no tutunu-hohotu nana'ak-ka, ma tutunu-hohotu angol-la.

BILANGAN 29:6

Tutunu-hohotuk sila-la, nalupa tatamak neu tutunu-hohotu nanatunuk-ka, sama-sama no tutunu-hohotu nana'an-na, nai tunga-tunga bulak-kala fain esa. Boeo, nalupa tatamak neu tutunu-hohotu nanatunu tunga faik-ka, fo tunu-hotun sama-sama no tutunu-hohotu nana'ak-ka, ma tutunu-hohotu angol-la. Tutunu-hohotu nanatunuk ndia boon-na, Nandaa no Manetualain dalen-na.