BILANGAN 27:21 - Susula Malalaok Hehelu Palak Ma Hehelu Beuk

²¹ Yosua muse noke natutu'duk neme Imam Eleazar-ra mai, ma Eleazar muse natane Au hihii-nanaung nenik ana pake Urim ma Tumim. No enok ndia, hela-nole Yosua, ma basa leoina Israel-la lala'en-na, nai basa dede'ak lala'en fo latongo loon.”

BILANGAN 27:21 ပူးပေါင်းရင်းမြစ်များ

2 SEMUEL 21:1

Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

EZRA 2:63

Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

NEHEMIA 7:65

Nusa Yudea Gobelnol-la kena-ka'is, fo boso la'a nana'ak fo nanatunu-hotu fen neu Manetualain, losa hapu imam esa, fo noke natutu'duk nenik ana pake Urim ma Tumim.

KELUARAN 28:30

Tao Urim ma Tumim leo babaa fanak ndia dalek neu fo Harun paken metema nasasale matak no Au. Nai li'u sama leo ndiak-ka, ana muse pake babaa fanak tataasesa, fo ela ana hapu bubuluk Au hihii-nanaung soaneu hataholi Israel-la.”

IMAMAT 8:8

Boema ana tao babaa fanak-ka neu Harun, ma ana tao Urim ma Tumim-ma, leo babaa fanak ndia dalek neu

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

BILANGAN 27:17

hataholi fo, ana bisa da'di malanga solda'du matuaina, nai lelek ala latee-latati. Boso po'ilotak O anam ia-la, sama leo bi'ilopo fo manafoon ta.”

BILANGAN 27:2

Zelafehad ana ka liman sila-la, leu leo Musa no Imam Eleazar, boema basa mauli-malanga Israel-la lala'en-na, fo ndia te, bei lakabubua deka loo Manetualain Lalaa Teman-na lelesun-na. Ala lafa'da lae,

BILANGAN 27:20

Fen o koasam-ma seli, fo ela hataholi Israel-la, ala tunga paletan-na.

BILANGAN 27:22

Musa tao-tungan sama leo Manetualain paleta neun-na. De nadenu Yosua napadeik neu Imam Eleazar-ra, ma basa hataholi Israel-la matan-na.

BILANGAN 27:5

Boema, Musa nanduku-nalosak dede'ak ndia neu Manetualain,

ULANGAN 31:3

Neukose, emi Manetualaim-ma, nde la'ok nai emi matam-ma, fo Ana tao namate-namopo leoina manaleo manai sila-la, nalosa emi mangatuu-ma emi nusam-ma. Neukose, Yosua da'di emi mauli-malangam, sama leo Manetualain nafa'dak-ka.

ULANGAN 33:8

La'eneu Leo Lewi-a, Musa nafa'da nae: “No batu Urim-ma, ma batu Tumim-ma O mafa'da O hihii-nanaum, tunga hataholi Lewi fo O atam manalilinekam-ma. O so'ba-su'di basan, neme Masa so, ma O male'a moos neme Meriba.

YOSUA 9:14

Boema hataholi Israel-la, sipo-la, hataholi Gibeon sila nana'a-nininun faaanak, te ta latane Manetualain la'eneu dede'ak ndia fa.

HAKIM-HAKIM 1:1

Mate basa Yosua boema, hataholi Israel-la latane Manetualain, lae, “Manetualain, ami leom beek-ka nde, muse makasososa neu sapun-na hataholi Kanaan-nala?”

HAKIM-HAKIM 20:18

Hataholi Israel-la solda'dun sila-la, leu leo mamana makaluku-makatele manai Betel-la, de latane Manetualain lae, “Ou Manetualain, leo beek-ka nai ami dalek, nde muse makasososa, neu sapu-na hataholi Benyamin-nala?” Manetualain nataa nae, “Leo Yehuda.”

SEMUEL SUSULAK-KA ESAN-NA 14:19

Lelek Saul bei kokolak no imam ndia te, nakalupuk manai hataholi Filistin-nala mamana ofun-na boetai nakadele, nalosa Saul nafa'da imam ndia nae, “Ita ta hapu seluk loak soaneu toke natutu'duk neme Manetualain mai so'on!”

SEMUEL SUSULAK-KA ESAN-NA 23:9

Tehu Dauk bubuluk basa, nae Saul nape'da dale mangalauk soaneun. Hu ndia de, nafa'da Imam Abyatar-ra nae, “Meni ba'du babaa fanak ndia leo ia mai.”

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.

SEMUEL SUSULAK-KA ESAN-NA 30:7

Boema, Dauk nafa'da Imam Abyatar, fo Ahimelekh anan-na nae, “Meni ba'du babaa fanak ndia, leo ia mai!” Boema, Abyatar neni fen ba'du babaa fanak ndia.