BILANGAN 26:62 - Susula Malalaok Hehelu Palak Ma Hehelu Beuk

⁶² Nai leo Lewi-a dalek, touk fo, teun-na besak-ka bulak esa leo lain neu-a, basa-basan, touk lifun duahulu telu. Sila nanasula kofe'ek, neme hataholi manai leoinan-na dalek, nanahu ala ta hapu dae pusaka nai Israel fa.

BILANGAN 26:62 ပူးပေါင်းရင်းမြစ်များ

BILANGAN 1:47

Hataholi Lewi-la, ta nanasulak lakabubua loo leo fe'ek-kala fa,

BILANGAN 1:49

“Nai lelek o sulak hataholi fo landaa da'di solda'du soona, boso sulak hataholi Lewi-la.

BILANGAN 26:63

Susulak ndia nde, Musa no Imam Eleazar-ra taon, la'eneu Israel leo-ingu-nala, ndek lelek ala leke hataholi Israel-la dede'un-na, neme masadokek Moab-pa, nai Lee Yarden-na selik, fo deka no kota Yerikho-a

BILANGAN 3:39

Basa ni'iana touanak manai leo Lewi dale, fo teun-na besak-ka bulak esa leo lain neu, Musa sulak-kasa tunga esa-esak leo-ingu, tunga Manetualain paletan-na, de basa-basan lala'en-na, hataholi lifun duahulu dua.

BILANGAN 4:27

Musa no Harun muse lanea, fo ela tatao-nono'ik fo Harun no anan-nala fen neu hataholi Gerson sila-la muse nanatao-no'ik, ma basa bua-lo'as fo muse nanaso'uk-kala, muse nanaso'uk.

ULANGAN 10:9

Hu ndia de, leo Lewi-la, ala ta hapu dae pusaka sama leo, leo fe'e-fe'ek-kala, sama leo emi Manetualaim-ma nafa'da neus-sala.)

YOSUA 13:14

Leo Lewi-a, ana ta sipo dae baba'ek neme Musa mai fa, nana Manetualain nafa'da basa Musa nae, leo Lewi-a baba'en-na nde been-na, neme tutunu-hohotuk fo nanatunuk nai mei tunu-hotuk-ka, soaneu Manetualain, fo Israel Manetualain-na.

YOSUA 13:33

Tehu leo Lewi-a, ta hapu dae faa anak boen, neme Musa mai fa. Musa nafa'das nae, ana fe sila baba'en-na nde, tutunu-hohotuk fo nanatunu-hotuk soaneu Manetualain fo Israel Manetualain-na.

YOSUA 14:3

Musa fe basa, dae manai Lee Yarden-na boboan dulu, neu leo kadua seselik-ka so. (Paluu nanasulak nai ia, nae Yusuf tititi-nonosin nanaba'ek neu leo dua; fo leo Manasye ma leo Efraim-ma.) La'eneu leo Lewi-a soona, Musa ta fes dae fa. Ka'da ana fes kota, soaneu mamana leleon-nala, ma mook-kala, soaneu bana-manun-nala.