BILANGAN 25:2 - Susula Malalaok Hehelu Palak Ma Hehelu Beuk

² Inak sila-la, lelekos fo leu leo mamana sosongok tatangok-kala leu, fo ala fe ha'da-hoholomata neu sila lamatua daebafak-na. Hataholi Israel-la boeo, la'a nana'ak sosongok tatangok sila la, ma ala sene-do'ok neu hataholi Moab-pala lamatua daebafak-na.

BILANGAN 25:2 ပူးပေါင်းရင်းမြစ်များ

1RAJA-RAJA 19:18

Tehu neukose Au soi-tefa ala hataholi Israel lifun hitu, fo nde hataholi fo ala lilineka lahele neu Au, ma ala beita sene-do'ok lita Baal-la doki-dulan fa.”

MAZMUR 106:28

Basa boema, ala sene-do'ok neu Baal neme Peor, ma la'a nana'ak fo, nanatunu-hotuk soaneu lamatua daebafak-kala.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 22:20

See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

KELUARAN 32:6

Balahaa fafaianak te, hataholi Israel-la leni bana de'ubee soaneu tutunu-hohotu nanatunuk, ma de'ubee seluk soaneu tutunu-hohotu mole-dame. Langatuuk de la'a ma linu mafuk, boema ala fo'a de ala dole dasa.

YEREMIA 40:11

Ndia te basa hataholi Israel fo manai nusak Moab-pa, Amon-na, Edom-ma ma nusak fe'ek-kala lamanene lae, manek Babel-la ana po'i hataholi Israel nggelok leo nai Yehuda, ma lae ana so'u basa Gedalya da'dik gobelnol so.

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

MIKHA 6:5

Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”

1 KORINTUS 10:20

Hata fo ala fen nai mamana tutunu-hohotu ka ndia, ala fen neu sosongo-tatango ka, ma dula dale mangalau kala, te ala ta fen neu Manetualain nde ndia fa. Au ta nau emi da'di esa mo dula dale mangalau kala fa.

ULANGAN 32:38

Sila la'a paa mina fo, emi tunu-hotuk-ka ma linu angol fo, emi tunu-hotuk-ka. Maloos fo, ala mai tulu-fali emi, nemen-na fo, ala da'di emi manasulu-mahapam.

YOSUA 22:17

Ade, emi ta mafandele ita sala-singon neme Peor fa do? Nai lelek ndia, Manetualain huku ita, nenik he'di-laus esa, leomae Ndia anan ita ia boe! Besak ia, ita bei lu'a-lepa buna-boan. Ade, ndia beita dai boen do?

YOSUA 23:16

Metema, emi la'olena Manetualain fo emi Manetualaim-ma, hehelu-balataan, fo Ana paleta basan neu emi, fo daenga emi tao tungan, tehu emi meu makaluku-makatele neu lamatua fe'ek-kala, boema sene-do'ok neu lamatuak sila-la, soona neukose Manetualain namanasa, fo Ana huku emi. Ka'da nai fai nggenggelok esa mesak-kana, neukose mopok emi basa-basam-mala neme nusak malole fo Manetualain fen neu emi ia.”

YOSUA 23:7

No enok ndia, neukose emi ta sese'do-babalik moo leoina fo ala bei leo lai emi tala'da fa. Neukose, emi ta seseik sila lamatua daebafan-nala na'den-na, do soo-supa menik na'dek ndia fa. Boeo emi ta hule-haladoi do sene-do'ok neu lamatua daebafak sila fa.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.