BILANGAN 24:9 - Susula Malalaok Hehelu Palak Ma Hehelu Beuk

⁹ Leoina ndia, sama leo singa mane, ma singa ina, fo ana laek, ma nangape'uk. See kande napalani tao nafo'an-nana? Sa'di leo been-na, hataholi manafe o baba'e-papalak-ka, nanaba'e-palak, ma hataholi manasupa-soo o-a, nanasupa-sook.”

BILANGAN 24:9 ပူးပေါင်းရင်းမြစ်များ

KEJADIAN 12:3

Neukose, Au ba'e-pala hataholi fo, manafe o baba'e-papalak, ma Au soo-supa hataholi fo, manasoo-supa o-a. Ma hu kande o, de neukose Au ba'e-pala basa leoina manai daebafak-ka lala'en-na.”

KEJADIAN 27:29

Sa'di leo been-na leoinak-kala da'di o atam, ma leoina leo nala lakatele neu o. Sa'di leo been-na o koasa basa o tolano ka'a-fa'dim-mala, ma o inam tititi-nonosin sene-do'ok nai o matam. Sa'di leo been-na nanasoo-supak neu basa hataholi fo ana soo-supa o, ma nanaba'e-palak neu basa hataholi fo ana ba'e-pala o.”

KEJADIAN 49:9

Yehuda sama leo singa molisoluk; ana taonisa musun-na, boema ana fali leo ndunun dale neu; nananaua, boema nangape'uk ma ta hapu hataholi esa boen, napalani fafae fan.

1RAJA-RAJA 10:20

Nai pe'dan kii ma pe'dan kona fo nai e'dak sila esa soona, hapu singa doki-dulan – basan lala'en-na sanahulu dua. Ta hapu kandela manek sama na leondiak nai nusak bee boe.

2TAWARIKH 9:18

Kandela ndia malimak, de hapu meoasu dodoki-dudulan nai liman duas. Kandela ndia boema nanuu edak nee, ma mamana tata'bu eik esa fo nananakadiditak nenik lilopilas. Ana taon-na mamana tata'bu eik ndia da'di esa no kandelan-na.

ESTER 6:13

Ana tui saoinan-na, ma nonoon-nala, hata fo ana la'ola'din. Basa boema, saoinan-na ma nonoon fo manatee tenok sila-la, lafa'dan lae, “O balakaim-ma ta dai Mordekhai fa. Ndia hataholi Yahudi, de neukose o ta hapu la'ban-nana fa. Tao leo bee-o, ana sengi o.”

AYUB 41:10

Metema, fafae nafo'an neme susungun dale mai soona, nasan-na fo'a; ta hapu hataholi esa boen, napalani napadeik nai matan-na fa.

MAZMUR 122:6

Hule-haladoi leon, ba'eneu Yerusalem tetu-teman mae: “Ela leo bee-na, basa hataholi fo manasue-lai o-a, ala hapu tetu-temak.

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

KELUARAN 23:22

Metema emi tungan, ma emi tao basa hata fo Au paletan neu emi soona, neukose Au atee-atati la'ban la'i esak emi musum-mala.

YESAYA 31:4

Manetualain nafa'da au nae, “Sama leo singa namanasa, soaneu nanea nana'an-na, ma ta hapu nakabibiik-kana nenik manafoo bubuak esa eekin ma nakadiin, fo ala mai la'ban-nana, leondiak boe Au, neukose Au atee-atati, fo Au anea Pupukuk Sion-na.

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

BILANGAN 22:12

Boema Manetualain nafa'da Bileam nae, “O boso muu sama-sama moo hataholi sila-la, ma boso supa-soo leoina ndia, nana Au ba'e-pala basa hataholi sila so.”

BILANGAN 22:6

Hataholi sila-la, balakain-na lena heni ami. Da'di, mai leona! Fo supa-soos soaneu au. Fafa'kama ami hapu sengis, fo ami usi henis leme nusak ia mai. Nana au amahele, metema o fe hataholi baba'e-papalak soona, neukose ana hapu baba'e-papalak, ma o supa-soo hataholi soona, neukose ana hapu supa-sook.”

BILANGAN 23:24

Leoina ndia, ana fo'a napadeik, sama leo singa ina, ma napadeik natetu sama leo singa mane-a. Ana ta lu'u fa, metema ana beita na'a nana'an-na fa ma beita ninu bana fo ana ka kaanisak-ka daan-na fa.”

BILANGAN 24:10

Balak kukumu liman-na no nasak, de nafa'da Bileam nae, “Au aloo o mai, soaneu supa-soo au musung-ngala, te se'kona, o fes baba'e-papalak losa la'i telu.

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

MATEOS 25:45

Neukose Manek ndia nataa nae, ‘Bubuluk leona, te nai lelek fo emi ta nau tulu-fali hataholi matasi'da-matasaek esa nai daebafa ka fa soona sosoa na nae, emi ta nau tulu-fali Au fa.’

HATAHOLI 9:5

Boema Saulus natane nae, “See O Tuan?” Boema halak ndia nataa nae, “Au nde Yesus fo o tuni-ndeni ka.

ULANGAN 30:7

Neukose Ana fe basa sosoo-susupak sila-la, leo emi musu-musum fo, ta lahiik ma manatuni-ndeni emi-a.