BILANGAN 24:6 - Susula Malalaok Hehelu Palak Ma Hehelu Beuk

⁶ Sama leo bafak fo maloainan-natabaa, do osi nai lee su'un-na; sama leo ai lou kaboomenik, fo Manetualain selek-ka, do ai aras-sa nai lee su'un-na.

BILANGAN 24:6 ပူးပေါင်းရင်းမြစ်များ

KEJADIAN 13:10

Lot nakanae leo boboa-kaisun neu, boema nita la'iesak Bafak Yarden-na lala'en-na, losa leo kota Zoar-ra neu, fo oen-na makadotok, sama leo nai Manetualain Osin-na, do sama leo dae Masir-ra. (Ndia te, Manetualain beita tao namopo Sodom ma Gomora kotan-nala fa.)

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

MAZMUR 104:16

Manetualain ain-nala hapu u'dan makadotok ana sele matan ai kaiou Libanon-nala.

MAZMUR 45:8

O sue-lai ndoos-sa, ma o ta mahiik mangalauk-ka fa; hu ndia de, Manetualain, fo o Manetualaim-ma, hele basa o so, ma Ana fe o maua-manale lena heni mane fe'ek-kala.

KIDUNG AGUNG 6:11

Au u leo osi kenari u, au u mete bunga-bunga manai bafak-kala; fafa'kama ai angol-la hapu lapako so, ma ai dalima nabuna so.

YESAYA 41:19

Neukose Au sele ai kaiou, ai setun, ma ai murad-ta, ma ai akasia lai moo solokaek-ka. Neukose Au tao moo maloa, da'di nula, nula eru, berangan ma kaiou.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YESKIAL 47:12

Basa ai maboa mata-matak lala'en-na, lai ndolo-ndolo lee ndia su'un duas. Ai sila-la doon-na, ala ta male lita fa, ma ta basa boan-nala fa. Ai sila-la, neukose labuna-laboa ai boa beuk tunga bulak, nana lee ndia oen-na, ana faa neme Manetualain Uman-na mai. Ai sila-la boan-nala, ala da'di nana'ak, ma doon-nala, ala da'di mo'do-akidok.”

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.

BILANGAN 24:5

O lalaa tema oofum-mala, lalole-lanapu lanseli, hai Yakob, ma o mamana leleom-mala, hai Israel!