BILANGAN 24:20 - Susula Malalaok Hehelu Palak Ma Hehelu Beuk

²⁰ Basa boema, nai ninitak ndia dalek, Bileam nita hataholi Amalek-kala. Boema, ana kokolak hala nafa'da elak ia, “Neme basa leoina manai daebafak-ka lala'en-na, Amalek nde manakoasa matuaina. Tehu neu mate'en-na te, leoina ndia, neukose mopok-kana losa dodoon-na boe.”

BILANGAN 24:20 ပူးပေါင်းရင်းမြစ်များ

1 TAWARIKH 4:43

Ala taolisa bei ela hataholi Amalek-kala, boema neme lelek ndia mai, ala leo lahele leme ndia.

ESTER 3:1

Basa faik de'ubee boema, Mane Ahasyweros-sa so'u touk esa na'de Haman, fo da'di malangan neu basa malangan-nala. Haman nde been-na, Hamedata anan, fo neme Agag bobongin-na mai.

ESTER 9:14

Boema, manek-ka fe paleta, fo lakalala'ok Ester nonoken-na; susulak paleta soaneu kota Susan-na, de ala lona Haman ana ka 10-nala, popolan-na.

KELUARAN 17:14

Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

KELUARAN 17:16

Musa nae, “So'uk mamadema Manetualain dedeon-na! Manetualain natee-nata'ti la'ban hataholi Amalek-kala, losa dodoon-na!”

KELUARAN 17:8

Basa boema, hataholi Amalek-kala mai de ala sapu-la hataholi Israel-la nai Rafidim.

BILANGAN 24:19

Manakoasa esa, neukose to'da mai neme Yakob mai, fo ana tao namopo-namate musun-nala.”

BILANGAN 24:24

Tehu neukose ofak bubuak esa, ala mai leme Siprus mai, fo neukose ala lasengi Asyur ma Heber, basa soona, ofu bubuak ndia neukose mopo-mates boe.”

BILANGAN 24:7

Ala hapu u'da oe-a, sasi kao-kao, bubu'u-palusa bini-nggen, hapu oe makadotok. Manen-na, neukose tetu-temak, lena heni Agag, ma nusan-na, neukose nananamatutua-namadedemak.

HAKIM-HAKIM 6:3

Tama seluk, metema hataholi Israel-la leu tao tina-osi soona, hataholi Midian-nala mai sama-sama loo hataholi Amalek ma hataholi fe'ek-kala leme moo solokaek-ka mai, fo ala sapu-la hataholi Israel-la.

SEMUEL SUSULAK-KA ESAN-NA 14:48

Natee-nata'ti no napalanik nanseli, de ana sengi hataholi Amalek-kala, boema ana soi-po'i Israel neme nakodaa-la koasan-na mai.

SEMUEL SUSULAK-KA ESAN-NA 15:2

Neukose Ana huku hataholi Amalek-kala, nanahu sila bei-ba'i kain-nala la'ban hataholi Israel-la, nai lelek hataholi Israel-la mai leme Masir mai.

SEMUEL SUSULAK-KA ESAN-NA 30:1

Basa faik dua boema, Dauk no solda'dun-nala fali le'us leo Ziklag leu. Lelek ala losa naa boema, ala hapu halak lae hataholi Amalek-kala, sapu-la nusa Yehuda boboan kona, ma ala sapu-la Ziklag boe. Ala ta taolisa hataholi esa boen. Tehu ala hotu heni kota ndia, de ala la'ok lakandoo sila leleo-lala'on, no loo inak-kala, ni'iana-la, ma laun fe'e-fe'ek-kala. Ala foo leni Dauk no solda'dun-nala teidalen-nala boe, fo Dauk saoinan duas, fo nde Ahinoam ma Abigail, lai dalek boe. Dauk no solda'dun-nala dalen-nala he'dis nanseli, nalosa ala ta hahae kikii-makaleleuk-ka fa, losa ala sota-mangu lanseli.

SEMUEL SUSULAK-KA ESAN-NA 30:17

Nai lelek neu fai balahaan-na, dulufula boema, Dauk sapu-nalas, de natee-natatik-ka losa le'odae. Musu-a hataholin esa boen, ta hapu nala deak fa, de maso'dak ka'da ta'eanak natun haa, nana ala sa'e onta de lalai.