BILANGAN 24:10 - Susula Malalaok Hehelu Palak Ma Hehelu Beuk

¹⁰ Balak kukumu liman-na no nasak, de nafa'da Bileam nae, “Au aloo o mai, soaneu supa-soo au musung-ngala, te se'kona, o fes baba'e-papalak losa la'i telu.

BILANGAN 24:10 ပူးပေါင်းရင်းမြစ်များ

NEHEMIA 13:2

nana lelek leoina Israel-la kalua leme Masir mai-a, nai leleo-lala'on-nala dalek, leoina ka duak sila-la, ta fe leoina ndia nana'ak do oe fa. Nakalenak bai, ala se'ba Bileam, fo ana soo-supa leoina Israel-la, tehu ita Manetualain-na, ana nggati soo-supak ndia nasafali da'di baba'e-papalak.’

AYUB 27:23

Hataholi-la soluk tutu'dan-na, nenik totoko limak; ana hapu nakamumulu-nakamamaek nai mamanak lala'en-na.”

YESKIAL 21:14

Nah, hai hataholi daebafak fo, manasapu-manalalok-konei, mafa'da dede'a nananafa'da elak-ka leona. Totoko o limam-ma leona, fo da'di leo ta'du-tana ba'eneu tafaina ndia, ana mulai do'do-pau hataholi. Tafaina ndia neni bibii-namata'uk nanseli.

YESKIAL 21:17

Neukose, Au totoko Au limang-nga boe, boema neukose Au nasa-melung ana tenak. Au, Manetualain nde manakokolak-ka.”

YESKIAL 22:13

Tehu besak ia, neukose Au hotu fe, basa o nakodaam-mala, ma kanisam-mala.

BILANGAN 22:11

lae leoina esa neme Masir mai, de lakapepela su'di lai bee-bee boe. Mane Balak-ka nadenu au, fo supa-soo leoina ndia, soaneu ndia, fo ela natee-natati nos, fo ana usi henis.”

BILANGAN 22:17

Neukose au bae o, makadotok nanseli, ma au tao su'di beek, fo o mafa'dan. Sa'di mai leona, fo supa-soo leoina ndia, soaneu au.”

BILANGAN 22:6

Hataholi sila-la, balakain-na lena heni ami. Da'di, mai leona! Fo supa-soos soaneu au. Fafa'kama ami hapu sengis, fo ami usi henis leme nusak ia mai. Nana au amahele, metema o fe hataholi baba'e-papalak soona, neukose ana hapu baba'e-papalak, ma o supa-soo hataholi soona, neukose ana hapu supa-sook.”

BILANGAN 23:11

Boema, Balak nafa'da Bileam nae, “Ade, o tao au le'e ia? Au aloo o mai leo ia mai, fo supa-soo au musung-ngala. Tehu nakalenak, o fes baba'e-papalak.”

BILANGAN 24:11

Besak ia o bole fali mu'um-ma leo o umam muu! Au helu basa, au se'ba o so, tehu Manetualain ta fe o loak sipo sese'bak ndia.”

BILANGAN 24:9

Leoina ndia, sama leo singa mane, ma singa ina, fo ana laek, ma nangape'uk. See kande napalani tao nafo'an-nana? Sa'di leo been-na, hataholi manafe o baba'e-papalak-ka, nanaba'e-palak, ma hataholi manasupa-soo o-a, nanasupa-sook.”

HATAHOLI 11:10

Au ita manda'dik ndia la'i telu, de mate'e na boema basa-basas nanaso'u falik leo nusa so'da ka neu.

ULANGAN 23:6

Nai emi fai maso'dam-ma dalek, boso tulu-fali leoina sila-la, ma boso fes laso'da no tetu-temak.