BILANGAN 23:4 - Susula Malalaok Hehelu Palak Ma Hehelu Beuk

⁴ de Manetualain mai natongon-no n nai ndia. Boema, Bileam nafa'da Manetualain nae, “Au apadedeik basa, mei tunu-hotuk hitu so, de nai mei tunu-hotuk sila-la esa lain soona, tunu-hotu sapi mane esa, ma bi'ilopo mane esa.”

BILANGAN 23:4 ပူးပေါင်းရင်းမြစ်များ

BILANGAN 22:20

Le'odaek ndia, Manetualain mai, de nafa'da Bileam nae, “Hataholi sila-la ala mai, fo loke o, muu sama-sama moos. Da'di, maheheleaom, fo muu leona. Tehu, ana fe o ta beek soona, taok-ka'da ndia.”

BILANGAN 22:9

Boema Manetualain mai, de natane Bileam nae, “See hataholi sila-la, de ala sungu loo o, Bileam?”

BILANGAN 23:1

Boema, Bileam nafa'da Balak nae, “Mapadedeik fe au, mei tunu-hotuk hitu mai mamanak ia, ma sadia-ma, sapi mane hitu, ma bi'ilopo mane hitu mai ia.”

BILANGAN 23:16

Manetualain natongo Bileam, de nafa'dan hata fo, muse nafa'dan, boema nadenun fali ne'un leo Balak neu, fo nanduku-nalosak Manetualain hala hehelun ndia.

BILANGAN 23:3

Boema, Bileam nafa'da Balak nae, “Mapadeik deka moo Tuan, tutunu-hohotu nanatunun-na. Fo au mete, ade Manetualain nau natongon-no Au do ta. Mahani te, neukose au afa'da o, basa hata lala'en fo, Manetualain nafa'dan neu au.” Boema, Bileam mesak-kana neu leo pupukuk esa lain neu,

BILANGAN 23:5

Boema, Manetualain nafa'da Bileam, hata fo muse nafa'dan, de nadenun fo ana fali ne'un leo Balak neu, fo nanduku-nalosak Manetualain hala hehelun-na neun.

MATEOS 20:12

‘Hataholi mana masok makabui kala laue-lale'di ka'da li'u esa mesa kana. Te ami maue-male'di fai katemak esa, nai le'do mahaak ndia boe na, tuan bae ami, sama leo sila boe!’

LUKAS 18:12

Au oka ao nga la'i dua mamasok esa, ma metema au hahapu nga sanahulu soona, au fe O baba'ek esa.’

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

ROMA 3:27

Hu ndia de, ita ta hapu seluk ne'ek soaneu tamatutua-tamadedema fa. Taol e'e de, leondiak? Ade hu ka nde, ita tao tatetu hata fo nanasulak nai agama Yahudi hoholo-lalanen dale do? Ta leondiak fa. Te hu ka nde, ita tamahele.