BILANGAN 23:23 - Susula Malalaok Hehelu Palak Ma Hehelu Beuk

²³ Ta hapu mo'do-akidook tola Yakob fa ta hapu manasiula-tongonok fo, napalani nasasalematak no Israel fa. Neukose hataholi nafa'da la'eneu leoina ndia nae, ‘Mitak, manada'di beuk fo Manetualain taon!’

BILANGAN 23:23 ပူးပေါင်းရင်းမြစ်များ

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

MAZMUR 64:9

Mopo-mates, nanahu hala-kokolan-nala, basa hataholi fo, manalitas-sala, lakakale langa.

YESAYA 41:4

See kande, tao basa sila-la? See kande, naketu tutuik-ka eno-ma'an? Au, Manetualain, Au nde makasososak-ka, ma ahele losa mate'en-na.

YESAYA 44:25

Au nde tao-ala manasiula-tongonok-kala, hala nafa'dan-na, ta da'di fa, ma Au tao akamiminak manasiula-tongonok-kala Au se'i hataholi manatee-tenok-kala, hala-kokolan, Au tao sila manatee-tenon-na, da'di nggoak.

YESKIAL 21:21

Nana, manek Babel-la napadeik neu eno kaba'ek-ka, fo ana mete, ana tunga enok beek-ka, fo neu noke natutu'duk neme ndia sosongo-tatangon-nala mai, nakalolokok kokouisik, ma ana palisak bana fo, besak-ka nanatunu-hotuk-ka, aten-na.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

MIKHA 7:15

Tao manada'di beuk soaneu ami leon, ou Manetualain, sama leo makahulun-na O taon, nai lelek O moo falik ami neme Masir mai.

BILANGAN 24:1

Besak ia, Bileam bubuluk basa, nae Manetualain nau ana fe leoina Israel-la, baba'e-papalak. Hu ndia de, ta neu sanga ta'du-tana sama leo makahulun-na so'on. Bileam nakanae leo moo solokaek-ka neu,

MATEOS 12:25

Tehu Yesus bubuluk hataholi Farisi la dale aafi na. Da'di nafa'das nae, “Metema nusa ina esa, hea ba'en neu bubua-buak fo esa musu no esa soona, neukose nusa ina ndia, ta nakatatakak fa. Boema kota esa, do uma lo esa, heaba'en fo esa musu no esa soona, neukose kota do uma lo ndia, nakalulutuk.

MATEOS 12:27

Emi mafa'da mae, Au hapu usiheni dula dale mangalau ka, nana Baalzebul koasa na. Metema leondiak soona, emi ana mana tunga mala, ala usiheni dula dale mangalau kala, ninik see koasa na. Hu ndia de, emi ana mana tunga mala nde fe buti lae, emi nde sala.

MATEOS 16:18

Hu ndia de bubuluk leona te, O nde bee na Petrus, fo batu matea-mahelek. Nai batu netes ndia lain, nde neukose Au apadedeik Au mamaso nga, fo ta hapu sengi fan, leomae mamate sa boe!

YOHANIS 11:47

Hu ndia de, hataholi Farisi la lo malanga ima mala lakabua lo Mana Maketu-mala'di Agama Matua. Lakokolaok lae, “Ita muse tao bek dei? Te hataholi ia, ana tao manda'di beuk ba'u ka so!

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 15:12

Boema basa hataholi mana makabubuak manai sila la, basa-basas bedenge. Basa boema, ala nenene Paulus no Barnabas tui seluk basa manda'di beuk ma dede'a matuaina, fo Manetualain taon tunga sila, nai leoina fe'ek fo hataholi ta Yahudi la tala'da.

HATAHOLI 4:16

Lakokolaaok lae, “Ita muse tao hataholi ia la le'e? Basa hataholi mana leo nai Yerusalem-mala bubuluk basa manda'di beuk matua ina fo hataholi kaduak ia la tao ka so. Ita ta hapu talelesi tala dede'ak ndia fa.

HATAHOLI 5:12

Hu ka nde Lamatua ka hataholi nadedenu la lau-onon de manda'di beu kala ma dede'a matuaina la ala da'di nai lau nala tala'da. Basa hataholi kamahehele kala lakabubua no teikesa-dalekesa nai Serambi Salomo, fo nai Amak Manetualain Uman.

HATAHOLI 5:14

Ma tunga faik, hataholi ba'u ka boetai lamahele Lamatua ka — nau touk do inak boe.

ROMA 16:20

Manetualain fo manafe mole-dame neu hataholi daebafa ka, neukose Ana tao Nitu neu emi koasa ma dae, fo tao makalulutu kana. Ela leo bee na ita Lamatuan Yesus Kristus ba'e-pala emi tataas esa!

ULANGAN 3:24

Ou Manetualain Fo Matua Madema, au bubuluk hata fo O matu'dun neu au ia, besak-ka nalupa makasososak neme O tatao-nono'im matuainam ma nanadodoo doak. Ta hapu lamatua daebafak nau nai lalai do nai daebafak-ka boe, fo sama leo O taom-malak hata-hata fo ta uku-dou nala fan.

YOSUA 13:22

Nai leoina Israel-la taolisa hataholi-la dalek, hapu Bileam, fo Beor anan mananeuk ua-nalek ndia boe.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.