BILANGAN 22:5 - Susula Malalaok Hehelu Palak Ma Hehelu Beuk

⁵ nadenu hataholi neu naloo Bileam, fo Beor anan-na, ana leo nai kota Petor-ra, deka no Lee Efrat-ta, nai nusa Amau. Nadenus fo landuku-lalosak Balak hala hehelun-na nde ia neu Bileam nae, “Fo ela o bubuluk leon te, leoina esa, ana mai neme Masir mai; hataholin-nala lakapepela su'di leo bee leu, de laheheleaon fo sapu-la ami nusam-ma.

BILANGAN 22:5 ပူးပေါင်းရင်းမြစ်များ

KEJADIAN 13:16

Neukose, Au fe o tititi-nonosik makadotok nanseli, nalosa ta hapu hataholi esa boen, hapu leke-nala fas. Sama leo hataholi-a, ta hapu leke-nala daesopuk manai dae-a fa, leondiak boe, o tititi-nonosim, neukose ta hapu leke-nala fas.

MAZMUR 105:24

Manetualain tao-na anan-nala, boetai lamaba'u, nalosa be'i-balakain-nala lena heni musu noon-nala.

KELUARAN 10:15

Lamak-kala poti ketu dae bafan-na, nalosa meten soona nggeok. La'a heni basa u'da eis-sa taonisa ela bubu'u-palusa manai dae lain lala'en-na, ma basa ai boak manai ai-la lain. Nai basa dae Masir-ra lala'en-na, ta ela hata momo'dok esa boen, nai ai-la do bubu'u-palusa-la fa.

MIKHA 6:5

Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”

BILANGAN 23:7

Boema, Bileam kokolak dede'a nafa'da elak-ka nde ia nae, “Neme Aram, fo nai letelepak manai dulu eli, Balak, fo mane Moab-pa, naloo au nae, ‘Mai leoan, fo kokolak soaneu au. Supa-soo leoina Israel ndia!’

BILANGAN 31:8

fo Midian mane ka liman-nala lai dalek boe. Mane ka limak sila-la nde: Ewi, Rekem, Zur, hur ma Reba. Ala taolisa Bileam, fo Beor anan-na boe.

ULANGAN 23:4

nanahu nai lelek emi kalua meme Masir mai-a, ala ta nau fe emi nana'a-nininuk fa. Nakalena, ala se'ba Bileam, fo Beor neme kota Petor-a, nai Mesopotamia, fo ana soo-supa emi.

ULANGAN 23:5

Tehu emi Manetualaim-ma, ta nau namanene Bileam soo-supan ndia fa De Ana nggati soo-supak ndia, da'di baba'e-papalak, nanahu Ana sue-lai emi.

YOSUA 13:22

Nai leoina Israel-la taolisa hataholi-la dalek, hapu Bileam, fo Beor anan mananeuk ua-nalek ndia boe.

YOSUA 24:9

Boema Moab manen-na, fo nde Balak, fo Zipor anan-na, la'ban emi. Nadenu hataholi neu leo Bileam, fo Beor anan-na, de noke, fo daenga Bileam soo-supa emi.

YUDAS 1:11

Soe ba'eneu sila. Ala tunga Kaen eno na so. Hu doi ka, de ala la'ok tunga eno masala ka, sama leo Bileam. Ma sila boeo, nanatao nakalulutuk, nanahu ala sanga musu sama leo Korah.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.