BILANGAN 22:12 - Susula Malalaok Hehelu Palak Ma Hehelu Beuk

¹² Boema Manetualain nafa'da Bileam nae, “O boso muu sama-sama moo hataholi sila-la, ma boso supa-soo leoina ndia, nana Au ba'e-pala basa hataholi sila so.”

BILANGAN 22:12 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

2TAWARIKH 31:10

imam matuaina Azarya fo Zadok tititi-nonosin nafa'da nae, “Lelek laun-nala leni sila boa-boa-nala leo Manetualain Uma mai boema, ami ta to'a-taa nana'a-nininuk nakalenak dai ma lena, nalosa ami nana'a-nininum fo nanasadiak-kala, bei makadotok. Ami sipo basa sila-la nanahu Manetualain ba'e-pala anan-nala.”

MAZMUR 144:15

Maua-manalek ba'eneu leoina leondiak-ka, maua-manalek ba'eneu hataholi fo, Aman nde Manetualain!

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

YESAYA 61:9

Emi tititi-nonosim, nananita-nalelak nai basa mamanak lala'en-na, nanakoa-nanakiok, nai basa leoina lala'en-na tala'da. Boema basa hataholi fo nitan, neukose ala manaku, lae Au ba'e-pala leoina ia.”

MIKHA 6:5

Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”

BILANGAN 22:11

lae leoina esa neme Masir mai, de lakapepela su'di lai bee-bee boe. Mane Balak-ka nadenu au, fo supa-soo leoina ndia, soaneu ndia, fo ela natee-natati nos, fo ana usi henis.”

BILANGAN 22:13

Balahaa boema, Bileam nafa'da Balak nadenu hataholi sila-la nae, “Fali leona, te Manetualain ta fe au loak, fo ita teu sama-sama fa.”

BILANGAN 22:6

Hataholi sila-la, balakain-na lena heni ami. Da'di, mai leona! Fo supa-soos soaneu au. Fafa'kama ami hapu sengis, fo ami usi henis leme nusak ia mai. Nana au amahele, metema o fe hataholi baba'e-papalak soona, neukose ana hapu baba'e-papalak, ma o supa-soo hataholi soona, neukose ana hapu supa-sook.”

BILANGAN 23:23

Ta hapu mo'do-akidook tola Yakob fa ta hapu manasiula-tongonok fo, napalani nasasalematak no Israel fa. Neukose hataholi nafa'da la'eneu leoina ndia nae, ‘Mitak, manada'di beuk fo Manetualain taon!’

BILANGAN 23:3

Boema, Bileam nafa'da Balak nae, “Mapadeik deka moo Tuan, tutunu-hohotu nanatunun-na. Fo au mete, ade Manetualain nau natongon-no Au do ta. Mahani te, neukose au afa'da o, basa hata lala'en fo, Manetualain nafa'dan neu au.” Boema, Bileam mesak-kana neu leo pupukuk esa lain neu,

BILANGAN 23:8

Tao leo bee fo, au fe supa-sook, metema Manetualain ta fe supa-sook fa? Tao leo bee fo, au fe huhukuk, metema Manetualain ta fe huhukuk fa?

BILANGAN 24:9

Leoina ndia, sama leo singa mane, ma singa ina, fo ana laek, ma nangape'uk. See kande napalani tao nafo'an-nana? Sa'di leo been-na, hataholi manafe o baba'e-papalak-ka, nanaba'e-palak, ma hataholi manasupa-soo o-a, nanasupa-sook.”

MATEOS 27:19

Nai lelek fo Pilatus bei nangatuuk nai kandela paletan lain te, saoina na nadenu hataholi neu nafa'dan nae, “Boso mu sese'dok nai hataholi sala tak ndia dede'a na dalek, nana hu ka nde Hataholi ndia de, le'odae ka au alame'i me'is esa, nini bibii-namata'u matua ina.”

ROMA 11:29

Nana metema Manetualain hele hataholi esa fo Ana fen baba'e-papalak soona, Ana ta hela falik hata fo Ana taon ndia fa.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

ULANGAN 2:7

Mafandendelek, tao leo beek de, emi Manetualaim-ma, fe emi baba'e-papalak nai basa hata lala'en fo emi tao-no'in. Nakaboboi emi, nai lelek emi maleu-malaak nai moo solokaek maloaina ia. Nasulu-nahapa emi, nai teuk haahulu ia dalen-na, ma Ana fe emi, basa hata lala'en fo emi paluun.

ULANGAN 23:5

Tehu emi Manetualaim-ma, ta nau namanene Bileam soo-supan ndia fa De Ana nggati soo-supak ndia, da'di baba'e-papalak, nanahu Ana sue-lai emi.

ULANGAN 28:6

Baba'e-papalak ba'eneu emi ue-le'dim lala'en-na.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”

ULANGAN 7:14

Neme basa leoina manai daebafak-ka, ta hapu esa boen, fo ana hapu baba'e-papala manasasi kao-kaok-ka, sama leo emi fa. Neme emi basa-basam-mala, ma neme emi bana-manum lala'en-na mai, ta hapu kalate'dis esa boen.