BILANGAN 21:34 - Susula Malalaok Hehelu Palak Ma Hehelu Beuk

³⁴ Boema Manetualain nafa'da Musa nae, “Boso bii-mamata'u neun. Neukose Au fe o sengin no laun-na ma nusan-na. Taon sama leo o tao Mane Sihon fo ana paleta nai Hesybon-na.”

BILANGAN 21:34 ပူးပေါင်းရင်းမြစ်များ

2 SEMUEL 5:19

Boema, Dauk natane Manetualain nae, “Au muse u sapu-a hataholi Filistin sila-la do? Ade, neukose O fe au sengi do?” Boema Manetualain nataa nae, “Sapu leona, te neukose Au fe o sengi!”

1RAJA-RAJA 20:13

Ndia te, nabi esa neu leo Mane Ahab-pa neu de nafa'dan nae, “Manetualain nafa'da nae, ‘O mita solda'du makadotok sila-la? Neukose Au fe o sengis faik ia. Fo ela o bubuluk mae Au nde Manetualain na.’ ”

1RAJA-RAJA 20:28

Boema nabi esa mai leo Mane Ahab-pa de nafa'da nae, “Manetualain nafa'da ka nde ia: ‘Hu kande hataholi Siria sila-la laedaenga Au koasan-nai ka'da letelepan-na te ta nai masadoke na fa, de neukose Au fe o sengi sila solda'du makadotoinan sila-la. O ma o laum-mala, neukose bubuluk mae Au nde Manetualain na.’ ”

2RAJA-RAJA 3:18

Boema, Elisa kokolak nakandoo nae, “Tehu, ndia ka'da dede'a anak mesan, ba'eneu Manetualain. Neukose, Ana fe o sengi hataholi Moab-pala boe.

YESAYA 41:13

Nana Au Amak, fo o Manetualaim-ma, ho'u o lima konam-ma; Au afa'da ae, ‘Boso bii, te neukose Au tulu-fali o.’ ”

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

ULANGAN 2:30

Tehu Mane Sihon-na ta fe ita loak la'ok tunga ndia nusan-na fa. Emi Manetualaim-ma fen nalanga batu, ma dalen-na natea, fo ela ita hapu sengin. Ita bei tangatuu-ta daen-na losa besak ia.

ULANGAN 20:3

‘Tolano-tolanoong-ngala lemin! Mamanene dei! Te faik ia, emi muse meu matee-matati. Boso bii-mamata'u, do dalem-ma boso ba'ihana, do mapangamak.

ULANGAN 3:1

“Basa boema, ita la'ok leo kii teu, de ita leo dae Basan-na teu. Og, fo mane Basam-ma, ana mai no basa solda'dun-nala lala'en-na, fo latee-lata'ti loo ita, deka kota Edrei-a.

ULANGAN 3:11

Hataholi Refaim fo maso'dak-ka, ela ka'da Mane Og-ka mesak-kana. Kopan-na, nanataok neme batu-a mai, nanataok neme batu mai, nanalun-na metel haa, ma loloan-na hihii nae metel dua, uukuk ia, tunga uukuk fo nananaketu basak-ka so. Losa besak ia, kopak ndia bei titan nai Raba fo hataholi Amon-nala kotan-na.)

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

ULANGAN 7:17

Fafa'kama, emi dodoo-mae, leoina sila-la, de'ulena emi, nalosa emi ta bisa usiheni fas.

ULANGAN 7:18

Tehu emi boso bii-mamata'u leoina sila-la; mafandendelek, hata fo emi Manetualaim-ma nafa'da mane Masir-ra no laun-nala lala'en-na.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

ULANGAN 7:24

Neukose, Ana fe sila manen-nala leo emi neu. Fo neukose, emi taomisas, ma mopo na'den-nala. Ta hapu hataholi esa boen, fo ana bisa nakatatakak nasasalematak no emi fa; nana neukose emi tao mamate-mamopo la'iesak-kasa.

YOSUA 10:25

Basa ndia boema Yosua nafa'da malanga solda'du matuainan-nala nae, “Dalem-mala boso ba'ihana ma bii. Ela leo been-na, emi mamahele ma mapalani, nana neukose, Manetualain tao emi musum-mala, enon-na leoiak.”

YOSUA 10:8

Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”

YOSUA 8:7

Nai lelek ndia nde, emi muse kalua meme emi mamana nafunim-ma mai, fo mangatuu-ma kota ndia leona emi. Manetualaim-ma, neukose fe nusak ndia neu emi.

HAKIM-HAKIM 11:30

Yefta tao hehelu-balataak-ka nde ia no Manetualain nae, “Metema, Manetualain fe au loak, fo au sengi hataholi Amon-nala,

SEMUEL SUSULAK-KA ESAN-NA 23:4

Hu ndia de, Dauk noke natutu'duk la'i esa seluk neme Manetualain mai, de Manetualain nataa nae, “Boso bii. Muu sapu-ma kota Kehila leona, nanahu neukose Au fe solda'du Filistin sila-la leo o neu.”