BILANGAN 21:2 - Susula Malalaok Hehelu Palak Ma Hehelu Beuk

² Boema, hataholi Israel-la tao nasar, de lafa'da Manetualain lae leoia, “Metema O fe ami sengi leoina ndia soona, neukose ami tao makalulutuk sila loo sila kotan-nala, losa basa la'iesak-kasa.”

BILANGAN 21:2 ပူးပေါင်းရင်းမြစ်များ

KEJADIAN 28:20

Boema Yakob soo nae, “Metema, Manetualain tulu-fali, ma nasulu-nahapa au, nai leleo-lala'ok ia dalek, ma Ana fe au nana'a ma bua papakek,

MAZMUR 116:18

Neukose au tao atetu au hehelu-balataang neu Manetualain, nai anan-nala lala'ena matan,

MAZMUR 132:2

Boso mafandele heni sene-do'on neu O Manetualain, ma neu ana tutu'u basa, fe hata esa neu O, Fo Mabe'i-balakaik nanseli, fo Yakob Manetualain-na.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

ULANGAN 13:15

soona taonisa la'iesak laun manai kota ndia lala'en-na, sama-sama loo bana-manun-nala. Muse tao namate-namopo la'iesak kota ndia.

ULANGAN 13:16

Muse tao nakabubua laun manai kota ndia, hata-heton lala'en-na, fo madodous leu dae loak dale, soona muse hotuheni kota ndia, no basa hata-heton lala'en-na, fo da'di neu tutunu-hohotuk ba'eneu emi Manetualaim-ma. Basa ndia soona, la'oela basa hata-heto nanahotu henik sila-la, muse la'oelas leme ndia, fo ala da'di ai batu manatapasasalak, boema, ta bole mafofo'a falik kota ndia so'on.

ULANGAN 20:16

Tehu metema, kota sila-la, nai emi Manetualaim-ma fe emi nusak-ka dalek soona, emi muse taomisa la'iesak laun-nala.

ULANGAN 7:2

Metema, emi Manetualaim-ma fe leoina sila-la, leo emi koasam dale neu, fo emi sengis soona, taomisa la'iesak-kasa. Emi boso sue-lais, do tao hehelu-balataak moo hataholi sila-la.

YOSUA 6:17

Basa kota no oe-isin lala'en-na, muse tao nakalulutuk la'iesak-kasa, fo da'di leo tutunu-hohotuk soaneu Manetualain. Ka'da Rahab, fo ina manasosoa-piaok ndia, no teidalen-nala mesak-kasa, bole fes laso'da, nanahu ana tulu-fali ita mata-matan-nala so.

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”

HAKIM-HAKIM 11:30

Yefta tao hehelu-balataak-ka nde ia no Manetualain nae, “Metema, Manetualain fe au loak, fo au sengi hataholi Amon-nala,

SEMUEL SUSULAK-KA ESAN-NA 1:11

Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”