BILANGAN 20:8 - Susula Malalaok Hehelu Palak Ma Hehelu Beuk

⁸ “Ho'i-ma ai tete'ek manai Peti Hehelu-balataak-ka matan-na, boema o moo Harun, muse maloo makabubua basa hataholi Israel-la lala'en-na. Nai basa-basas matan, o muse mafa'da neu pupuku batu manai ndia, fo ela nasapoka oe mai. No enok ndia, o kalua oe-a neme pupuku batu ndia dalek mai, fo ela laun-na ma bana-manun-nala hapu linu.”

BILANGAN 20:8 ပူးပေါင်းရင်းမြစ်များ

KEJADIAN 18:14

Ade, hapu hata mateaina ba'eneu Manetualain do? Sama leo na'kasa, Au afa'da basan ae, bei bulak sio seluk bai te, neukose Au fali ma'ing-nga leo ia mai. Te nai lelek ndia, neukose Sara bongi ni'iana touanak esa so.”

NEHEMIA 9:15

Lelek lamala'a ma ala to'a-ta nana'a-nininuk, O makona loti neme lalai mai. Ma O fe oe manatao namopo maa ma'dak-ka, nasapula neme batuisik matea ma mahelek dale mai, O madenus langatuu-la dae fo O helu neun nenik soo-supa.

MAZMUR 105:41

Ana fa'a ba'e batu-a, boema oe-a faa mai, de ana faa sama leo lee nai moo solokaek-ka.

MAZMUR 114:8

fo manatao nasafali batu piak-ka, da'di lifu, ma lete batu, da'di oemata.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

KELUARAN 14:16

So'uk o aitete'em-ma, fo leleuk-kana leo tasi lai neu. Soona neukose, oe-a ta'tiba'en neu dua, fo hataholi Israel-la hapu lena tasi-a, no ala la'ok nai dae ma'dak lain, nai tasi buin-na.

KELUARAN 17:9

Musa nafa'da Yosua nae, “Hele-ma hataholi de'ubee, fo latee-lata'ti loo hataholi Amalek-kala. Balahaa soona, neukose au apadeik nai pupukuk lain, fo au ho'u aitete'ek fo Manetualain nadenu au ho'i inik-ka.”

KELUARAN 4:17

Ho'i meni aitete'ek ndia, nanahu neukose o tao manada'di beuk, menik aitete'ek ndia.”

KELUARAN 4:2

Manetualain natane Musa nae, “Beek manai o limam-ma ndia?” Musa nataa nae, “Aitete'ek.”

KELUARAN 4:20

Boema, Musa leleko saon-na ma anan-nala, de nakasasa'ek-kasa neu keledei lain, de ala la'o sama-sama leo Masir leu. No Manetualain paletan-na, de Musa ho'i neni aitete'en-na boe.

KELUARAN 7:20

Musa no Harun tao hata fo Manetualain paletan. Nai manek-ka, ma hataholi mana'a ngga'din-nala matan, Harun so'u laik aitete'en-na, de ana fepa Lee Nil-la oen-na, boema oen-na nasafali da'di daak.

YESAYA 43:20

Bana fuik-kala, neukose lamatutua-lamadedema Au; busa fuik ma manupui onta, neukose ala koa-kio Au nana Au fe oe-a, ana faa nai moo solokaek-ka, ma lee-la, lai moo maloa soaneu Au fe Au ana heheleng-ngala linu.

YESAYA 48:21

Lelek Au hela-noles tunga moo na'u tak-ka, ala ta doi-doso, hu kande maa ma'dak-ka fa. Manetualain fa'a ba'e lete batu-a, fo oe faa mai, Ana fe oe-a faa neme batu dale mai, fo ala linu.

BILANGAN 20:11

Boema, Musa so'uk ai tete'ek ndia leo lain neu, de ana fepan la'i dua, neu pupuku batu ndia. Boema oe-a nasapoka mai, nalosa basa hataholi-la loo bana-manun-nala hapu linu.

BILANGAN 20:7

Manetualain nafa'da Musa nae,

BILANGAN 21:15

ma bafa-bafak fo latabaa losa desa Ar-ra, neu leo hataholi Moab-pa dae toon-na.”

BILANGAN 21:18

Oedolu fo, lasi-lasik-kala ma basa mauli-malangan leoina-ka, kalik-ka, fo nenik sila ai tete'en fo, sila koasan-na ta'du-tanan.” Ala lali leme moo solokaek-ka, leo Matana leu,

MATEOS 21:21

Boema Yesus nafa'das nae, “Tete'e ka, metema emi mamahele, ma emi dale ma ta naba'e fa soona, emi hapu tao malak hata fo leo, besa ka Au tao basan neu kaak ia boe. Ma ta ka'da ndia mesa kana fa, te lena-lenak neukose emi hapu mafa'da pupukuk ia mae, ‘Pupuku ko nei, keko fo masok leo tasi dale muu’; soona dede'ak ndia ana da'di.

LUKAS 11:13

Leomae emi hataholi mangalauk, tehu emi boeo bubuluk fe hata malole neu emi ana ma. Muda hata no Amak manai nusa so'da ka bai! Neukose Ana fe Dula Dale na neu sila fo mananoke neu nana!”

YOHANIS 16:24

Losa hatematak ia, emi beita moke mita hata-hata minik Au na'de nga fa. Moke leona, te tao leo bee o emi sipo, fo ela emi namahoko-setelem natetu-nandaa.”

HATAHOLI 1:14

basa-basas lakabubua no dalek esa lakandoo, fo ala hule-haladoi. Ala hule-haladoi sama-sama lo ina kala, fo nai dalek hapu Yesus inan Maria, ma sama-sama lo Yesus tolanoo nala.

YOSUA 6:20

Boema, basa imam-mala, puu pupuun-nala. Ma hataholi Israel-la lamanene pupuuk-kala liin-na tu'tik-ka, ala eki lapane'e, de ndefa heni kota Yerikho-a, papala nanadaman-na. Basa solda'du Israel-la lala'en-na kae tutik, de leu leo kota ndia dalek leu, fo langatuu-lan.

YOSUA 6:5

Basa ndia soona, imam ka hituk sila-la, muse puu pupuun-nala liin-na manalu. Metema, emi mamanene pupuuk-ka lii manalun ndia soona, basa solda'du-la eki lapane'e fo nadodolo, soona neukose ndefa heni, kota ndia papala nanadaman-na. Tu'tik-ka, emi basa-basam-mala, muse meu leo kota ndia dalek meu.”

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.