BILANGAN 20:5 - Susula Malalaok Hehelu Palak Ma Hehelu Beuk

⁵ Sosoak hata, emi moo ami kalua meme Masir, leo mamana doidosok ia, fo ta bisa sele hata-hata esa boen? Nai ia, ta hapu gandum, ta hapu ai kaak, angol, ma dalima fa. Nakalenak oe nininuk boeo, ta!”

BILANGAN 20:5 ပူးပေါင်းရင်းမြစ်များ

NEHEMIA 9:21

Nai teuk haahulu dalen-na, lai moo solokaek-ka. O tao matetu sila paluun lala'en-na. Bua papaken-nala, ta siba'e nita fas, ein-nala ta he'dis-sa do peta-pae fa,

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YESKIAL 20:36

sama leo Au tao basan neu emi bei-ba'i kaim-mala neme Letek Sinai-a. Au Manetualain Fo Mademaina, nde manakokolak-ka.

BILANGAN 16:14

Tete'ek-ka, o ta moo ami leo dae maoe-maisik ndia meu, do fe ami tina ma osi angol, fo da'di ami pusakam fa. Besak ia, o nau ke'di-ndiu ami bai! Ta, ami ta nau meu fa!”

BILANGAN 20:24

“Neukose Harun ta masok leo nusak fo, Au helu basa, fen neu leoina Israel-la fa; neukose maten, nanahu emi dua la'ban basa Au paletang-nga, neme deka no oemata Meriba so.

BILANGAN 27:14

nana emi dua la'ban Au paletang-nga neme moo solokaek Zin-na. Lelek basa laun-na lala'en-na, bemumu loo Au neme Meriba, tehu emi ta nau matu'du Au koasang-nga nenik oe ndia, nai sila matan fa.” (Manada'dik ndia, ana da'di neme oemata Meriba nai Kades, fo nai moo solokaek Zin-na.)

ULANGAN 8:15

Manetualain nauli-nalanga emi, tunga moo solokaek maloaina, fo neni bibii-namata'uk, ma henuk no menge makaak-ka ma kulak-kala ndia. Nai dae ma'dak, fo oe ta nai ndia fa, Ana fe oe-a faa neme batu dale mai, fo ela emi hapu minu losa emi makabete.