BILANGAN 20:21 - Susula Malalaok Hehelu Palak Ma Hehelu Beuk

²¹ Boema hataholi Israel-la, ala lepos fali, de ala sanga eno fe'ek, nana hataholi Edom-mala ta fes loak, la'ok tunga sila nusan-na fa.

BILANGAN 20:21 ပူးပေါင်းရင်းမြစ်များ

2TAWARIKH 20:10

Besak ia leoina Amon, Moab ma Edom sapu-la ami. Lelek ami bei-ba'i kaim leme Masir mai, O ta fes loak langatuu-la leoina sila-la nusan-na fa. Boema ala la'ok tunga eno dook de ala ta tao lakalulutuk leoina Amon, Moab ma Edom sila-la fa.

BILANGAN 21:23

Tehu, Mane Sihon-na, ta fe hataholi Israel-la loak tunga nusan-na fa. Ana naloo nakabubua solda'dun-nala, de leu leo Yahas fo nai moo solokaek-ka leu, de ala sapu-la hataholi Israel-la, leme ndia.

BILANGAN 21:4

Basa boema, hataholi Israel-la, la'oela Letek Hor-ra, de ala tunga enok manaleo Namo Akaba neu, fo ala la'ok okofefeo nusa Edom-ma. Tehu ala losa eno tala'dak boema, leoina ndia ta nakatatakak-na dalen-na so'on,

ULANGAN 2:27

‘Fe ami loak, fo ami la'ok tunga Tuan nusan-na. Neukose ami la'ok makandoo, fo ami ta singo meme okofoo mai fa.

ULANGAN 2:29

losa ami lena Lee Yarden-na, fo ami masok leo, ami Manetualaim-ma fe ami nusak-ka meu. Saul tititi-nonosin manaleo manai Edom-ma, ma hataholi Moab manaleo manai Ar-ra boeo, ala fe basa ami loak, soaneu ami la'ok tunga sila nusan-na so.’

ULANGAN 23:7

Boso makadadaek hataholi Edom-mala, nanahu emi tolanom sila-la. Boeo, boso makadadaek hataholi Masir-ra, nanahu emi leo hai neme sila nusan-na so.

HAKIM-HAKIM 11:17

Basa boema, ladenu hataholi neu leo mane Edom-ma neu, fo loke fes loak, fo ala tunga sila nusan dale. Tehu, ana ta fes loak fa. Basa boema, bei loke leondiak seluk neu mane Moab-pa, tehu manek ndia boeo, ta fes loak, fo ala tunga sila nusan dale fa. Hu ndia de, hataholi Israel-la, leo leme Kades.

HAKIM-HAKIM 11:18

Basa boema, ala la'ok lakandoo tunga moo solokaek-ka, tehu ala ta tunga Edom ma Moab nusan-na fa, te ala ho'i eno manalu, nalosa ala losa Moab boboan dulu, fo nai Lee Arnon-na selik. Ala ofu leme naa, tehu ala ta lena leo lee ndia selik leu fa, nanahu dae ndia, nai Moab nusan dale.

HAKIM-HAKIM 11:24

De besak ia, ade, o nau ho'i falik-kasa do? O bole manuu mahele Kamos, fo o lamatua daebafam ndia, ana fe o dae-a. Tehu, hata fo Manetualain, fo ami Manetualaim-ma, fe basan neu ami so, neukose ami manea mahelen.