BILANGAN 19:14 - Susula Malalaok Hehelu Palak Ma Hehelu Beuk

¹⁴ Metema mate hataholi esa nai lalaa temak dale soona, su'di see fo nai lalaa temak ndia dalek, do neu leo lalaa temak ndia dalek neu, soona nanggenggeo faik hitu dalen-na

BILANGAN 19:14 ပူးပေါင်းရင်းမြစ်များ

YESKIAL 39:12

Hataholi Israel-la, latoi-latono hataholi manamatek sila-la, bulak hitu dalen-na, fo ela dae ndia, boso nanggenggeo seluk bai.

YESKIAL 44:26

Metema, aoinan-na balisi falik soona, ana muse nahani seluk, faik hitu,

IMAMAT 14:54

Nakanenetek-kala nde ndia, la'eneu he'di lou mangalauk-ka,

IMAMAT 15:32

La'eneu basa touk fo ala moe nanak, nanahu ala hapu he'dis nai mamaen-na, do touk fo ana sungu no inak soona, ana kalua heni bini-nggen leo deak neu,

IMAMAT 21:1

Manetualain nadenu Musa nanduku-nalosak paleta ia-la neu imam-imam, fo Harun tititi-nonosin-nala nae, “Imam esa, ta bole tao nanggenggeo aoinan-na, hu kande ana tunga tolanoo ka'a-fa'din feta natoi-natonon,

IMAMAT 21:11

Ndia nanafe basak leo Au mai fo ana da'di Au nuung so, da'di ana ta bole tao nanggenggeo aoinan-na fa. Boeo, ana ta bole tao nanggenggeo Au Lalaa Temang-nga, nenik ana kalua neme ndia mai, fo neu leo uma fo mamates-sa dalek, leomae mamates ndia, ndia aman do ndia inan boe.

BILANGAN 19:13

Hataholi fo, aon-na la'e mamates-sa, tehu ana ta tao nalalao-nalalafu aoinan-na, nde been-na manggenggeok, nanahu beita nanapisik nenik oe feta fa. De ana tao nanggenggeo Manetualain Lalaa Teman-na, hu ndia de, ta nanalekek da'di Manetualain anan-nala so'on.

BILANGAN 19:15

Basa kete ma ulek fo tatanan ta boeo, langgenggeo.

BILANGAN 31:20

Basa bua papakek ma su'di beek fo taon neme bana louk, neme bi'ihiik-ka bulun-na mai, do neme ai mai, muse tao nalalao-nalalafus boe.”

BILANGAN 5:2

“Fe hataholi Israel-la paleta nde ia nae: Basa hataholi fo ana hapu he'di lou mangalauk, do he'dis-sa nai mamaen-na, do hataholi manakoila'e mamates-sa, muse kalua henin neme hataholi Israel-la mamana ofun-na mai.

BILANGAN 6:6

Langadoon ndia, nalupa ta'du-tana nae ndia nanafe hehelik ba'eneu Manetualain. Nai lelek ana fe nazar-na, ana ta bole tao nanggenggeo aoinan-na fa; ana ta bole deka mamates fa, leomae mamates ndia nde been-na, ndia aman, do ndia inan, do ndia tolanoon boe.

BILANGAN 6:9

Metema hataholi nazir esa, ana fe hehelik langadoon-na so, boema langadoon-na nanggenggeo nanahu ana deka hataholi fo maten no kaiboik, soona ana muse nahani faik hitu dalen-na; basa ndia soona, muse ana ngguteheni langadoon-na, ma nggolomein-na, fo besak-ka ana da'di malalaok.

BILANGAN 9:6

Tehu bei hapu hataholi manggenggeok nai sila dalek, nanahu ala koila'e mamates so, de nai faik ndia, sila ta bole tunga feta Paskah fa. Hataholi sila leu leo Musa no Harun leu,