BILANGAN 19:13 - Susula Malalaok Hehelu Palak Ma Hehelu Beuk

¹³ Hataholi fo, aon-na la'e mamates-sa, tehu ana ta tao nalalao-nalalafu aoinan-na, nde been-na manggenggeok, nanahu beita nanapisik nenik oe feta fa. De ana tao nanggenggeo Manetualain Lalaa Teman-na, hu ndia de, ta nanalekek da'di Manetualain anan-nala so'on.

BILANGAN 19:13 ပူးပေါင်းရင်းမြစ်များ

KELUARAN 30:33

Hataholi fo ana tao mina matak leondiak-ka, do ana losen neu hataholi fo ta imam fa soona, Au anang ta ndia so'on.”

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

YESKIAL 44:26

Metema, aoinan-na balisi falik soona, ana muse nahani seluk, faik hitu,

IMAMAT 15:31

Manetualain nadenu Musa, fo ana fe nasanene'dak neu leoina Israel-la, fo daenga ala taoafik neu, faihi'da langgenggeo ma faihi'da ta langgenggeo fa, fo ela ala ta tao langgenggeo Manetualain Lalaa Teman fo nai sila mamana ofun-na tala'da heon. Metema, ala tao langgenggeo Lalaa Temak ndia soona, neukose mates.

IMAMAT 20:3

Hataholi fo, ana tunu-hotu anan-na soaneu nitu Molokh-ka, ana tao nanggenggeo Au Lalaa Temang-nga, ma nakadadaek Au na'de malalao-malalafung-nga. Neukose Au hukun, ma Au ta sipok-ka da'di Au anang so'on.

IMAMAT 22:3

Metema hataholi esa neme o tititi-nonosim nai manggenggeok-ka dalek, boema ana deka no tunu-hotu malalao-malalafuk fo leoina Israel-la hele hehelin ba'eneu Au soona, ana ta bole nalalau-naoono nai mei tunu-hotuk-ka so'on. Nakanenetek ia, nanapakek losa dodoon-na. Au nde Manetualain.

IMAMAT 22:4

Harun tititi-nonosin esa hapu he'di lou mangalauk, do he'dis-sa nai mamaen-na de ana moe nanak soona, kena-ka'in fo boso na'a tunu-hotu malalao-malalafuk-ka, metema beita nananafa'dak, ana lea-hai fa. Imam esa, ana da'di nanggenggeo, metema ana koila'e hata esa manggenggeok, hu kande hata ndia la'e mamates-sa so. Ndia da'di nanggenggeo boe, metema bini-nggen ana kalua,

IMAMAT 5:17

Metema, hataholi esa ta name'da fa te ana tao sala-singok, nanahu ana la'olena Manetualain paletan esa soona, hataholi ndia nasala so, de muse ana lu'a-lepa tatao-nono'in ndia buna-boan.

IMAMAT 5:3

Metema, hataholi esa nasala, nanahu ta name'da fa te ana koila'e hataholi daebafak-ka bua manggenggeon esa, basa boema, name'da-na tatao-nono'in ndia.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.

IMAMAT 7:20

Metema, hataholi ndia bei nanggenggeo, te na'a paa ndia soona, hataholi ndia ta da'di Manetualain anan-nala so'on.

IMAMAT 7:21

Metema hataholi esa na'a paa tutunu-hohotuk ndia, te ana koila'e basa hata manggenggeok esa so, nau neme hataholi daebafak-ka mai, do neme bana-manu mai boe, hataholi ndia boeo, ta da'di Manetualain anan-nala so'on.

BILANGAN 15:30

Tehu metema, hataholi Israel esa, do hataholi nusa dea esa, ana bubuluk nakanenetek-ka, tehu ana tao sala-singok soona, ndia nana'de nakadadaek Manetualain. Soona muse hukunisa hataholi ndia,

BILANGAN 19:14

Metema mate hataholi esa nai lalaa temak dale soona, su'di see fo nai lalaa temak ndia dalek, do neu leo lalaa temak ndia dalek neu, soona nanggenggeo faik hitu dalen-na

BILANGAN 19:18

Nai dede'a makasososak-ka dalek, fo nde metema mate hataholi esa nai lalaa temak dale soona, hataholi balisi-a, muse ho'in-na hanoe ndanak esa, fo ana dopen leo oe ndia dalek neu, fo basa soona, ana pisin neu lalaa temak ndia, ma neu basa hata lala'en fo manai dalek-kala, ma hataholi manai sila-la boe. Nai dede'a ka dua dalek, fo nde metema hataholi esa, aon-na la'e mamates, lates do hataholi manamatek duin-na soona, hataholi balisi-a, muse pisi hataholi manggenggeok ndia, sama leo hataholi makasososak-ka boe.

BILANGAN 19:19

Ana muse pisin nai faik-ka telun-na, ma faik-ka hitun-na. Neu faik-ka hitun-na soona, basa feta tao nalalao-nalalafu hataholi manggenggeok ndia. Hataholi ndia, muse safe bua papaken-na, ma nadiu oe. Lelek le'do mulai tenak soona, ana da'di balisi.

BILANGAN 19:20

Hataholi fo nanggenggeo, tehu ana ta tao feta tao nalalao-nalalafu aoinak-ka fa soona, manggenggeok nahele, nanahu beita nanapisik nenik oe feta fa. Ana tao nanggenggeo Manetualain Lalaa Teman-na, de ta nanalekek da'di Manetualain anan-nala so'on.

BILANGAN 19:9

Boema hataholi esa, ta nanggenggeo fa, muse ana hulu nakabubua sapi ndia afun-na, fo pe'dan neu mamana balisi esa, nai lalaa temak-ka deak. Afu ndia nanape'dak neme ndia, fo ela hataholi Israel-la, bole paken, fo ala tao oe feta tao nalalao-nalalafu aoinak-ka, fo sala-singok nanalose henik.

BILANGAN 8:7

nenik eno-dalak ia: pisis nenik oe fo paken soaneu tao nalalao-nalalafu aoinak-ka, ma madenus fo ala nggeuheni basa buluk manai aoinan-nala lala'en-na, ma ala safe bua-papaken-nala. No enok ndia, fo ala da'di balisi.

BILANGAN 9:13

Nasafalin-na, hataholi manggenggeo ta ka, ma ta nai leleo-lala'o dame doo dalek boen, tehu ana ta tunga feta Paskah fa soona, Au ta sipok-kana da'di Au anang so'on, nanahu ana ta tunu-hotu tutunu-hohotuk fe Au, nai faik fo nananaketuk-ka. Hataholi ndia, muse lu'a-lepa aon sala-singon.

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

IBRANI 9:10

Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:11

Hataholi manatao tatao-nono'i mangalau ka, neme na fo ana tao mangalauk nakandoo. Hataholi manatao nanggenggeo so'da na, neme na fo ana tao nanggenggeo aoina na; hataholi manatunga Manetualain hihii-nanau na, neme na fo ana tunga Manetualain hihii-nanaun nakandoo, ma hataholi fo naso'da hehelik soaneu Manetualai na, neme na fo naso'da hehelik soaneu Manetualain nakandoo.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.