BILANGAN 18:9 - Susula Malalaok Hehelu Palak Ma Hehelu Beuk

⁹ Neme tunu-hotuk fo, malalao-malalafuk nanseli, ma ta tunun nai mei tunu-hotuk lain fa soona, o nuum. Tunu-hotuk sila nde ia: Tutunu-hohotu nana'ak, tutunu-hohotuk fo, sala-singok hapu do'o do ampon, ma tutunu-hohotu bae hutak. Basa tunu-hotu malalao-malalafuk sila-la, o moo o anam-mala nuum.

BILANGAN 18:9 ပူးပေါင်းရင်းမြစ်များ

2RAJA-RAJA 12:17

Nai tepo-lelek ndia, Hazael, fo mane Siria, ana sapun-na kota Gat-ta, de nangatuu-nan. Boema, ana tutu'u seluk, fo neu sapu-na Yerusalem boe.

NEHEMIA 10:36

Neukose ami meni ami ana tou ulum-mala leo imam manai Manetualain Uman, fo fen leo Manetualain neu, nandaa no hoholo-lalanek nakaneneten-na. Boeo neukose ami fe ami sapi ana, bi'ilopo ana do bi'ihii ana ulum-mala neu.

YESKIAL 42:13

Touk ndia, nafa'da au nae, “Uma ka duak sila-la, uma malalao-malalafuk. Imam-mala bole lasasalematak loo Manetualain nai ndia, fo la'a tutunu-hohotu malalao-malalafuk-kala, fonde tutunu-hohotu gandum, tutunu-hohotuk fo, sala-singok hapu do'o do ampon, do tutunu-hohotu bae hutak.

YESKIAL 44:29

Sila muse laso'da leme tutunu-hohotu gandum, tutunu-hohotuk fo, sala-singok hapu do'o do ampon, ma tutunu-hohotu bae huta-bu'uk-ka mai; basa hata lala'en fo, nanafe hehelik neu Au, muse fes leo sila neu.

IMAMAT 10:17

Tao le'e de, emi ta mi'a paa tutunu-hohotuk fo sala-singok hapu do'o do ampon ndia, nai mamanak malalao-malalafuk fa? Tutunu-hohotuk ndia malalao-malalafuk nanseli; Manetualain fen neu emi, fo ela hataholi Israel-la sala-singon hapu do'o do ampon.

IMAMAT 14:13

Muse do'do bi'ilopoana ndia, nai mamana hehelik, fo nde mamanak do'do bana soaneu tutunu-hohotuk fo sala-singok hapu do'o do ampon, ma tutunu-hohotu nanatunuk. Muse do'do bi'ilopo ndia, nai mamanak ndia, hu kande tutunu-hohotuk soaneu bae hutak, tutunu-hohotuk fo sala-singok hapu do'o do ampon-na, nde bee soona, malalao-malalafuk nanseli, fo imam-ma, baba'en-na nde ndia.

IMAMAT 2:10

Nana'ak ndia lenan-na soaneu basa imam-mala. Nana'ak ndia malalao-malalafuk nanseli, nanahu ho'in neme nana'ak fo nanatunu-hotu basak soaneu Manetualain so.

IMAMAT 22:11

Tehu imam-mala asala ata sila-la nenik sila doi mesan, do bongis nai imam-ma uman dale soona, bole la'a nana'ak fo imam-mala baba'en ndia.

IMAMAT 22:7

Le'do tenak sona, besaka ana lea-hai, de basa ndia soona, ana bole na'a neme tunu-hotu malalao-malalafuk ndia mai, nanahu nana'ak ndia nde da'di ndia nana'an-na.

IMAMAT 4:22

Metema, manatao sala-singok-ka, hataholi manakoasa esa, nanahu ta name'da fa te ana la'olena Manetualain paletan esa,

IMAMAT 4:27

Metema, lauingu esa, ana tao sala-singok, nanahu ta name'da fa te ana la'olena Manetualain paletan esa,

IMAMAT 5:1

Paluu tunu-hotu tutunu-hohotu sala-singok hapu do'o do ampon: Metema, loke hataholi esa da'di sakasii matetuk nai manakee-mafula matan, tehu ana ta tui hata fo nitan do namanenen fa soona, ana muse lu'a-lepa tatao-nono'in buna-boan.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.

IMAMAT 6:19

Manetualain fe seluk Musa nakanenetek-kala nde ia,

IMAMAT 6:30

Tehu bana soaneu feta sala-singok manafe doo do ampon-na, ho'i-la daan-na seli, fo lenin leo Kama Malalao-malalafuk dale neu, muse tunu naputu la'iesak-kana, fo ta bole na'a fan.

IMAMAT 7:1

Nakanenetek ia-la, la'eneu tutunu-hohotuk soaneu bae hutak. Tutunu-hohotuk ndia, malalao-malalafuk nanseli.

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.

IMAMAT 7:7

Soaneu tutunu-hohotuk sala-singok-ka hapu ampon, ma tutunu-hohotuk soaneu bae hutak-ka, nakaneneten-nala sama, fo nde: Bana nanatunu-hotuk-ka, paan-na nde been-na, imam manatunu-hotuk-ka baba'en ndia.

BILANGAN 18:10

Ndia nde been-na, malalao-malalafuk ba'eneu o, da'di o muse mu'an nai mamana malalao-malalafuk boe. Tehu ka'da touk-kala bole la'an.

ULANGAN 18:1

“Basa leo Lewi-a lala'en-na, ala hapu bela-ba'uk da'di leo imam, hu ndia de, sila ta bole hapu baba'ek neme dae Israel-la, buna-boan mai fa. Sila muse laso'da leme tunu-hotuk ma tutunu-hohotu fe'e-fe'ek fo, nanafek neu Manetualain-na.