BILANGAN 18:8 - Susula Malalaok Hehelu Palak Ma Hehelu Beuk

⁸ Manetualain nafa'da Harun nae, “Mafandendelek! Te basa tunu-hotu hehelik fo aia fen leo Au mai, tehu ta nanatunuk fa soona, o nuum ndia. O baba'em-ma nde ndia, fo ndia nananaketu basak losa dodoon-na so. Au fe baba'ek ndia neu o, ma neu o tititi-nonosim.

BILANGAN 18:8 ပူးပေါင်းရင်းမြစ်များ

2RAJA-RAJA 12:16

Doik maneme tutunu-hohotuk soi salak-ka, tutunu-hohotuk fe do'o do ampon neu sala-singok-ka, ta taos leo peti ndia dalek neu fa. Ala fe doik sila-la, leo imam-imam-mala neu.

2TAWARIKH 31:4

Fe'ek neme ndia mai, manek-ka nadenu Yerusalem laun-nala leni tutunu-hohotuk fo nananaketuk ba'eneu basa imam-imam ma hataholi Lewi-la, fo ela sila pake basa sila le'do-fain lala'en-na neu lau-ono-ka nai Manetualain Uman sama leo nanasulak nai Manetualain hoholo-lalanen dale.

2TAWARIKH 31:5

Paleta ndia nanapo'a-benga basak boema, hataholi Israel-la leni boa-boa leo Manetualain Uman neu. Ala ho'i boa-boa sila neme sila dae oen isi-mina makasososan-na mai, fonde ha'de sopuk, angol, mina setun, fanioe, ma buna-boak fe'ek-kala. Sila boeo leni perpuluhan neme sila hata-heton mai.

KELUARAN 28:43

Sila muse pake lopo ndia tataasesa, nai lelek ala masok leo Au Lalaa Temang dale leu, do leu deka loo mei tunu-hotuk-ka soaneu ala tao makaluku-makatele da'dileo imam nai Kama Malalao-malalafuk dale, fo ela boso mates, nanahu hataholi nita sila aopaan fo ta nandaa hataholi nita fan. Nakanenetek ndia, da'di nahele soaneu Harun no tititi-nonosin.”

KELUARAN 29:21

Ho'i-ma daak manai mei tunu-hotuk lain-na, faaanak ma mina feta fo pisin neu Harun no anan-nala, boema bua-lo'a papaken-nala. No enok ndia, Harun no anan-nala boema bua-lo'a papaken-nala nanahele hehelik ba'eneu Au.

KELUARAN 29:28

Au nakeketung fo ta hapu nggati fan-na nde ia: Nai lelek Au anang-ngala mai fo ala tunu-hotu tutunu-hohotu mole-dame soona, bana ndia sosolon-na no sakibolon-na nde been-na, basa imam-mala baba'en-na nde ndia. Au anang-ngala tutunu-hohotun soaneu Au-a, nde ndia.

KELUARAN 29:29

Harun bua-lo'a makaluku-makatelen muse fes leo anan-nala da'dileo bua-lo'a pusaka, fo ela ala hapu pake nai lelek sila nana ndo eik.

KELUARAN 40:13

Pake papake imam-ma neu Harun, ma lose mina neun, fo ela nanahele hehelik soaneu nalalau-naoono Au da'di leo imam.

KELUARAN 40:15

Boema lose mina neus sama leo o lose mina neu sila aman, fo ela sila boeo hapu lalalau-laoono Au da'di leo imam. No feta mina ndia, de sila leon-na ho'u lahele imam-ma bela-ba'un neme tititi-nonosik leo tititi-nonosik neu.”

YESAYA 10:27

Nai lelek ndia, neukose Au soi-po'i emi neme Asyur tuni-ndenin mai, fo ala ta koasa emi so'on.”

IMAMAT 21:10

Imam Matuaina nde been-na, nanandoo ei basak, nenik po'a mina feta neu langan lain, ma nenik paken bua papake imam matuaina so. Hu ndia de, ana ta bole po'ilotak langadoon-na nggafu-nggafu, do ana sii-sii lulu'i bua papaken-na, fo da'di leo ta'du-tana manafaluk.

IMAMAT 23:20

Imam-ma muse tunu-hotu loti ma bi'ilopoana ka duak sila-la, da'di leo tutunu-hohotu natutu'duk ba'eneu Manetualain, fo imam-ma baba'en-na nde ndia. Tutunu-hohotuk sila-la nde been-na malalao-malalafuk.

IMAMAT 6:16

Muse ana tao ha'desopu lenak-ka da'di loti fo ta pake laluteik fa, fo imam-mala la'an nai mamanak fo nanahele hehelik, fo nde: nai Manetualain Lalaa Teman-na so'dan-na. Fo Manetualain fe basa imam-mala baba'en neme tutunu-hohotu nana'ak-ka mai-a, nde ndia. Nana'ak ndia malalao-malalafuk nanseli, sama leo tutunu-hohotuk fo sala-singok hapu do'o do ampon, ma tutunu-hohotuk bae hutak-ka.

IMAMAT 6:18

Losa dodoon-na, basa touk fo Harun tititi-nonosin-nala, bole la'a loti ndia; ndia nde da'di sila baba'e mahelen-na, neme nana'ak fo nanatunu-hotuk soaneu Manetualain. Hataholi fe'ek koila'e nana'ak nanatunu-hotu basak ndia soona, neukose ana hapu soe, nanahu nana'ak ndia malalao-malalafun-na.

IMAMAT 6:20

la'eneu tutunu-hohotuk nai lelek ndo ei Harun tititi-nonosin esa. Nai faik ndo ein-na, ana muse tunu-hotu ha'desopu gandum kilo esa, soaneu Manetualain. Muse tunu-hotu ha'desopu gandum ndia seli, nai fai fafain-na, ma seli nai fai le'donoson-na.

IMAMAT 6:26

Imam-ma muse tunu-hotu tutunu-hohotuk ndia, fo muse na'an nai mamanak fo nanahele hehelik, fo nde nai Manetualain Lalaa Teman-na, so'dan-na.

IMAMAT 7:14

Neme loti mata-matak sila-la mai, muse tunu-hotu seli soaneu Manetualain, boema imam fo manaho'in-na bana ndia daan-na, de ana pisin neu mei tutunu-hohotuk-ka, soaneu tutunu-hohotuk mole-dame-a, baba'en-na nde ndia.

IMAMAT 7:28

Manetualain fe Musa nakanenetek-kala nde ia,

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.

IMAMAT 8:30

Basa ndia boema, Musa ho'i-na mina feta seli, ma daak manai mei tunu-hotuk lain-na seli, de ana pisin neu Harun no anan-nala, ma bua papaken-nala. No enok ndia, Musa fe hehelik sila loo sila bua papaken-nala leo Manetualain neu.

BILANGAN 18:9

Neme tunu-hotuk fo, malalao-malalafuk nanseli, ma ta tunun nai mei tunu-hotuk lain fa soona, o nuum. Tunu-hotuk sila nde ia: Tutunu-hohotu nana'ak, tutunu-hohotuk fo, sala-singok hapu do'o do ampon, ma tutunu-hohotu bae hutak. Basa tunu-hotu malalao-malalafuk sila-la, o moo o anam-mala nuum.

BILANGAN 5:9

Neme su'di beek fo hataholi Israel-la tunu-hotu fen neu Manetualain-na, tunu-hotu hehelin-na, da'di imam manasipo tunu-hotuk ndia, nuun.

1 KORINTUS 9:13

Tao leo beeo emi bubuluk basa hataholi manamalalau-maoono nai Manetualain Uman dale a, ana sipo nana'ak neme Manetualain Uma na mai. Ma hataholi fo manaito-ato nai mamana fee-fee tutunu-hohotu ka, ana hapu baba'ek esa neme tutunu-hohotuk fo nanafek manai ndia.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.

ULANGAN 18:1

“Basa leo Lewi-a lala'en-na, ala hapu bela-ba'uk da'di leo imam, hu ndia de, sila ta bole hapu baba'ek neme dae Israel-la, buna-boan mai fa. Sila muse laso'da leme tunu-hotuk ma tutunu-hohotu fe'e-fe'ek fo, nanafek neu Manetualain-na.

ULANGAN 26:13

mafa'da emi Manetualaim-ma mae, ‘Au fe la'iesak hahapu dadain ba'ek esa neme ba'eneu sanahulu mai fo au pe'dan nai umang-nga leo O, fo Manetualain, au ta ho'i ela faaanak boen; au fe la'iesak-kana leo hataholi Lewi-la, hataholi nusa dea-la, ma faluina anamaak-kala neu so, sama leo au Manetualaing-nga, fe au paleta-la. Neme Manetualain paletan-na, la'eneu tunu-hotu hahapu dadain ba'ek esa neme ba'eneu sanahulu mai, au ta la'olena esa boen.

IBRANI 1:9

O nau tunga matetu na, ma O mamanasa tipu-dai ka; Hu ndia de Au, O Manetualai ma, Ana hele O, Ma Ana fe O ha'da-holomata fo nini namahokok, lenaheni O nonoo mala.”

1 YOHANIS 2:20

Tehu Yesus Kristus fe Manetualain Dula Dale na neu emi so. Hu ndia de emi malelak nanoli ndo sa.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.