BILANGAN 18:7 - Susula Malalaok Hehelu Palak Ma Hehelu Beuk

⁷ Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

BILANGAN 18:7 ပူးပေါင်းရင်းမြစ်များ

MAZMUR 115:10

Hai basa imam-mala lemin, mamahena neu Manetualain, nana, Ndia nde tulu-fali ma nasulu-nahapa emi.

KELUARAN 28:1

“Maloo-ma Harun fo o ka'am-ma no anan-nala, Nadab, Abihu, Eleazar ma Itamar fo hele hehelik-kasa fo ela lalalau-laoono Au da'dileo imam.

KELUARAN 29:9

ma kalikee, boema pa'a fefeo langak neu langan-nala. Harun no anan-nala ndo ein-na leondiak. Sila ma sila tititi-nonosin muse lalalau-laoono Au da'dileo imam losa dodoon-na.

YESKIAL 44:15

Manetualain Fo Mademaina, nafa'da nae, “Nai lelek Leoina Israel-la, ala la'oela Au, imam Lewi-la leme Zadok tititi-nonosin-nala mai, lalalau-laoono lahele Au no lilinekak, nai Au Umang. Hu ndia de, besak ia, sila nde muse lalalau-laoono Au, ma ala mai leo Au matang mai, fo ala tunu-hotu, tutunu-hohotuk-kala minan-na, ma daan-na.

YESKIAL 44:16

Ka'da sila mesak-kasa nde, bole masok leo Au Umang dale mai, lalalau-laoono Au nai Au mei tunu-hotung-nga, ma ala tao mamasok nai Au Umang.

YESKIAL 44:8

Ta ka'da sila mesak-kasa, nde tao feta malalao-malalafuk-ka nai Au Umang fa, te ala fe hataholi nusa dea-la bela-ba'uk soaneu ala tao-no'in.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

IMAMAT 7:35

Neme nana'ak fo nanatunu-hotuk ba'eneu Manetualain-na, baba'ek ndia nde Ana fen neu Harun no anan-nala, nai faik fo nanandoo eik da'di imam.

BILANGAN 1:51

Metema emi lali mamanak soona, hataholi Lewi sila nde ofe heni Au Lalaa Temang-nga, ma ala pasak falik-kana nai mamanak fo nai bee, emi ofu. Fe'ek neme hataholi Lewi sila-la mai, su'di see fo ana deka no Lalaa Temak ndia soona, muse nanahuku nisak.

BILANGAN 16:40

Ndia nalupa nasanene'dak ba'eneu leoina Israel-la, nae fe'ek neme Harun tititi-nonosin mai soona, ta hapu hataholi esa boen, bole neu leo mei tunu-hotuk-ka neu, fo ana tunu boomenik soaneu Manetualain. Hataholi fo ana la'o lena nakanenetek ndia, neukose nanatao namopo-namatek sama leo Korah no hataholi manalook-kana. Basa sila-la taos sama leo hata fo Manetualain paletan neu Eleazar, tunga Musa.

BILANGAN 18:20

Boema, Manetualain nafa'da Harun nae, “Emi ta hapu baba'ek pusak hata esa boen. O ta hapu dae duik esa boen, fo o taon da'di o pusakam nai nusak fo, Au heluk ndia fa. Te o pusam-ma nde Au, fo Manetualain.”

BILANGAN 18:3

Leo Lewi-a, muse tao natetu sila bela-ba'un soaneu emi, ma lakalala'ok sila bela-ba'un nai Au Lalaa Temang-nga, tehu ala ta bole deka mei tunu-hotuk-ka fa, do ala koila'e bua-lo'a malalao-malalafuk manai Kama Malalao-malalafuk-ka dalek fa. Metema, ala la'olena nakanenetek ndia soona, nau sila do emi boeo, neukose mate basam-mala.

BILANGAN 3:10

Tehu o muse so'u Harun no anan-nala, fo lakalalaok bela-ba'uk da'di leo imam; fe'ek neme sila mai, metema su'di see boe, fo ana so'ba-so'ba nakalala'ok bela-ba'uk ndia soona, muse huku nisan.”

BILANGAN 3:38

Nai ofu dale, Musa no Harun boema anan-nala mamanan-na nai Manetualain Lalaa Teman-na uluk, fo nai boboan dulu. Ala mete-lakanae leoina Israel-la makaluku-makatelen, nai Kama Malalao-malalafuk dale. Fe'ek neme hataholi sila-la mai, su'di see boe, fo ana so'ba-so'ba tao tatao-nono'ik ndia soona, muse hukunisan.

MATEOS 10:8

Boema makahahaik hataholi kamahe'di kala; tao maso'da falik hataholi mana mate kala; tao mahai hataholi he'di lou mangalau kala, mai usiheni dula dale mangalau kala. Emi sipo hiik basa sila la lala'ena, da'di fe hii kana neu hataholi la boe.

YOHANIS 3:27

Tehu Yohanis nafa'das nae, “Metema Manetualain ta fe hataholi daebafa ka hata esa boen, soona hataholi daebafa ka ta nanuu hata esa boen.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

ULANGAN 18:2

Sila ta bole lanuu dae sama leo, leo fe'ek-kala fa, nana Manetualain nde da'di, sila baba'en-na, sama leo Manetualain helu basan neu sila so.

IBRANI 5:4

Ta hapu hataholi esa boen, fo ana so'u aon ao ina na da'di imam matua ina fa. Hataholi da'di Imam matua ina, metema Manetualain nalon, soaneu bela-ba'uk ndia, sama na leo Harun.

YOSUA 18:7

Neukose, ka'da leo Lewi-a, ta sipo dae baba'ek sama-sama no emi fa, nanahu sila baba'en-na nde, sila da'di imam fo lalalau-laoono Manetualain. Ma la'eneu leo Gad, Ruben ma leo Manasye-a soona, memak sila sipo basa sila baba'en-na, nai Lee Yarden-na, boboan dulu so. Musa, fo Manetualain atan-na, fe basa dae ndia neu sila so.”

1 PETRUS 5:2

fo ela emi foo-lolo matalolole bi'ilopo fo Manetualain fe emi a. Foo-lolo bi'i sila la no dale namahokok, tunga Manetualain dale hihii na, ma boso no dale bibia-seselik. Boso sanga hahapuk neme emi ue le'dim ndia mai, te emi tao-no'ik ndia, nana memak te'e-te'e, emi hii malalau-maoono.

1 PETRUS 5:3

Boso tao emi ao ina ma, nono'kabai de, emi da'di mana koasa neu hataholi fo ala fe emi maneas ala, te emi muse da'di natutu'du malole soaneu hataholi sila.

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.