BILANGAN 18:5 - Susula Malalaok Hehelu Palak Ma Hehelu Beuk

⁵ Ka'da o, Harun ma o anam-mala, nde muse makalala'ok bela-ba'uk manai Kama Malalao-malalafuk-ka, ma mei tunu-hotuk-ka, fo ela Au boso boe amanasa, leoina Israel bai.

BILANGAN 18:5 ပူးပေါင်းရင်းမြစ်များ

1 TAWARIKH 23:24

Lewi tititi-nonosin na'den nala nde ndia, fo nanasulak tunga esa-esak malanga teidale-bobongin ma teidalen nala na'de nala. Sila fo teun duahulu leo lain neu, ana hapu bela-ba'uk nai Manetualain Uman.

1 TAWARIKH 23:32

Sila boeo nanafe bela-ba'uk soaneu mete lakanae Manetualain Lalaa Temak na boema Manetualain Uman na ma soaneu tulu-fali sila tolanon nala, fo nde basa imam fo Harun tititi-nonosin nala, nai lakalala'ok makaluku-makatele dalek nai mamanak ndia.

1 TAWARIKH 24:5

Nanahu nau nai Eleazar tititi-nonosin na dalek do nai Ipopo-tamar tititi-nonosin na dalek hapu manaho'u paleta nai Manetualain Uman na, mauli-malangan agama, boema baba'e bela-ba'uk ka ala taon nenik ala hela lot.

1 TAWARIKH 9:19

Fo manahapu bela-ba'uk nanea lelesu masok leo Manetualain Lalaa Teman-na neu-a, nde Salum sama-sama no hataholi fo sila bei leo-ingu esa, fo nde leo-ingu Korah. (Salum nde been-na Kore anan, ma Ebyasaf upun-na.) Makahulun-na, sila bei-ba'i kain-nala boeo hapu bela-ba'uk ndia nai lelek lalalau-laoono nai Manetualain Lalaa Teman-na.

1 TAWARIKH 9:23

Mulai neme ndia mai boema, sila ma sila tititi-nonosin-nala da'di manamanea lahele nai Manetualain Uman-na lelesuinan-na.

1 TAWARIKH 9:33

Hataholi Lewi nggelok hapu bela-ba'uk da'di manamakameek nai Manetualain Uman. Sila malanga uma loon-nala leo nai uma de'ubee nai Manetualain Uman. Sila ta hapu bela-ba'uk fe'ek fa, nanahu sila lanea lele'dok ma le'odaek.

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

YEREMIA 23:15

Manetualain Fo Manakoasa nafa'da nae, “Neukose Au fe basa nabi-nabi manai Yerusalem-mala sesele-bubu'u makaheduk soaneu nana'an-nala ma laso soaneu nininun-nala, nanahu ala tao-la hataholi-hataholi manamai nusak-ka lala'en-na ala ta fe ha'da-holomata mai Au fa.”

YESKIAL 44:15

Manetualain Fo Mademaina, nafa'da nae, “Nai lelek Leoina Israel-la, ala la'oela Au, imam Lewi-la leme Zadok tititi-nonosin-nala mai, lalalau-laoono lahele Au no lilinekak, nai Au Umang. Hu ndia de, besak ia, sila nde muse lalalau-laoono Au, ma ala mai leo Au matang mai, fo ala tunu-hotu, tutunu-hohotuk-kala minan-na, ma daan-na.

YESKIAL 44:16

Ka'da sila mesak-kasa nde, bole masok leo Au Umang dale mai, lalalau-laoono Au nai Au mei tunu-hotung-nga, ma ala tao mamasok nai Au Umang.

IMAMAT 10:6

Boema Musa nafa'da Harun no ana fe'en-nala, fo nde Eleazar ma Itamar nae, “Boso po'ilotak emi langa doom-ma nanggangganu, ma boso sisii-lulu'i emi bua papakem-ma, fo matu'du mae emi susa, ma emi falu. Metema emi tao leondiak soona, neukose mate emi, ma Manetualain namanasa la'iesak hataholi Israel-la. Tehu hataholi Israel fe'ek-kala, bole falu soaneu hataholi manamatek ka duak-kala, nanahu ha'i-a neme Manetualain mai.

IMAMAT 24:3

Harun muse ito-ato banuk sila-la, neme le'donoso losa fafaik, nai mamanak fo Manetualain nai ndia, nai tema lelesu fo manapoti ketu Peti Hehelu-balataak-ka, nai Kama Malalao-malalafuk nanseli-a deak. Muse tao tunga paleta ndia, losa dodoon-na.

ZAKHARIA 10:3

Manetualain nafa'da nae, “Au amanasa anseli neu manakoasa fo ala paleta Au ana-ngala, de neukose Au hukus. Tehu laun Yehuda-la nde been-na, Au nuung, ma Au, Manetualain Fo Manakoasa, neukose akabobois. Neukose Au taos da'di ndala natee-nata'ti palani ba'eneu Au.

BILANGAN 1:50

Madenus fo ala ito-ato Au Lalaa Temang-nga no oe-isin lala'en-na. Sila bela-ba'un nde, ndolo Au Lalaa Teman-nga no oe-isin lala'en-na, boema ala ito-aton. Sila muse ofu nai boboa-kaisun.

BILANGAN 1:53

Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 16:46

boema, Musa nafa'da Harun nae, “Ho'i-ma o mamana ha'im-ma, fo ho'i ha'ikaak neme mei tunu-hotuk lain mai, fo taon leo dalek neu, ma tao boomenik neu ha'ikaak lain. Menin lai-lai leo hataholi Israel-la neu, fo tao feta sala-singok hapu do'o do ampon soaneus. Lai-lai leona! Te Manetualain nasa-melun lua ponu-ponu, ma he'di-laus mulai so.”

BILANGAN 18:4

Sila muse laue-lale'di sama-sama loo emi, ma ala tao-no'i bela-ba'uk fo natutik no lau-onok lala'en-na, nai Au Lalaa Temang dale, tehu see ta hapu haak soaneu ue-le'dis ndia fa soona, ta bole naue-nale'di sama-sama no emi fa.

BILANGAN 8:19

de Au fe hataholi Lewi sila-la leo Harun no anan-nala leu, fo ela lalalau-laoono hataholi Israel-la, nai Au Lalaa Temang dale. Boeo, fo ela loke Au fe do'o do ampon neu leoina Israel-la, fo ela metema ala mai deka lanseli loo mamana malalao-malalafuk ndia soona, soe bodo tuni la'e leoina ndia.”

BILANGAN 8:2

“Mafa'da Harun mae nai lelek, ana pe'da banuk ka hituk-kala neu banu eik ndia soona, muse ana pe'da matalololen fo ela lasalaa leo banu eik ndia matan neu.”

1 TIMOTIUS 1:18

Timotius, au ana ngonei! Au fe o bela ba'uk ia, nana au afandele nabi la, ala tui-benga Manetualain hala hehelu na, nai salani ka dalek, la'eneu o ao ina ma. Ela leo bee na, hala heheluk ndia, ana da'di tua-lepa nai o ue-le'di malolem ndia dalek.

1 TIMOTIUS 3:15

fo ela metema, au bei akamama'ak au nene'i nga boeo, o bubuluk basa tao leo beek fo, ita muse taso'da sama leo Manetualain tei dalen, fo nde Manetualain hataholi kamahehelen fo maso'dak. Salanik leondia ka nde, sama na leo dii mana tia-to'bak esa, fo ana tia-to'ba nahele Manetualain nanoli ndo nala.

1 TIMOTIUS 5:21

Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.

1 TIMOTIUS 6:20

Timotius ei! Manea matalolole, hata fo ala fen neu o a. Madook ao ma neme dede'a-kokola sosoa-ndandaa ta kala mai, ma hahae male'a dede'ak fo lafa'da sala-sala lo sosoa-ndandaan fo nde “Malela ka”.