BILANGAN 18:21 - Susula Malalaok Hehelu Palak Ma Hehelu Beuk

²¹ Boema, Manetualain nafa'da Harun nae, “Hataholi Israel-la fe hataholi Lewi-la sila hahapu dadain baba'ek esa neme ba'en neu sanahuluh. Sila baba'en-na nde ndia, soaneu sila ue-le'din manai Au Lalaa Temang-nga.

BILANGAN 18:21 ပူးပေါင်းရင်းမြစ်များ

KEJADIAN 14:20

Kokoa-kikiok neu Manetualain, Fo Mademaina, Ana fe basa o sesengik neu o musum-mala.” Basa ndia boema, Abram fe Melkisedek bua-lo'as fo, ana kalo neni falik-kasa, baba'ek esa neme baba'ek 10 mai.

KEJADIAN 47:24

Nai lelek ketu-kolu, emi muse fe baba'ek esa neme baba'ek lima leo manek-ka neu. Emi bole pake lenan-nala soaneu bini-ngges, ma soaneu emi ma emi teidale-bobongim nana'an-na.”

KEJADIAN 47:26

Basa boema, Yusuf tao dede'ak ndia da'di susula naketu-nala'dik nai nusa Masir-ra, fo nde nae baba'ek esa neme baba'ek lima neme keketu-kokoluk buna-boan, muse da'di manek-ka nuun. Losa besak ia, susula naketu-nala'dik ndia bei nanapakek. Ka'da imam-mala daen-na, nde ta da'di manek-ka nuun fa.

2TAWARIKH 31:12

boema ami pe'da boa-boa ma perpuluhan sila-la neu mamana pepe'da nana'a-nininuk sila-la dalek. Ala fe hataholi Lewi esa na'de Konanya da'di manamanea, ma ana fe fa'din Simei da'di ndia manatulu-falin.

NEHEMIA 10:29

Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.

NEHEMIA 10:37

Neukose ami meni fe basa imam manai Manetualain Uman-na, gandum sopuk nanakamek neme gandum fo tunga teuk ami ketu-kolu makasososak-ka, boeo tunu-hotu fe'ek, nalupa angol, mina setun ma ai boa mata-matak lala'en-na. Ami fe ami tinam-ma buna-boan baba'ek esa neme ba'eneu sanahulu mai, neukose ami menin leo hataholi-hataholi Lewi fo manasusu tunu-hotu baba'ek esa neme ba'eneu sanahulu nai kota-kota fo hataholin-nala manatao tina osi.

NEHEMIA 10:38

Tehu imam esa, tititi-nonosi Harun soona, muse sama-sama no hataholi Lewi sila nai lelek ala susu tunu-hotuk sila-la. Ma baba'ek esa neme ba'eneu sanahulu mai neme basa tunu-hotuk sila-la mai ndia, hataholi Lewi sila-la muse lenis leo kama pepe'da nana'ak manai Manetualain Uman-na.

NEHEMIA 12:44

Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

NEHEMIA 12:47

Nai Zerubabel tepo-lelen-na ma nai Nehemia tepo-lelen-na boeo, basa laun Israel-la lala'en-na fe tunu-hotuk soaneu tao latetu basa manamakameek-kala ma manamanea lelesuina nai Manetualain Uman-na, paluu tunga fain-na. Laun-na fe tunu-hotu hehelik soaneu hataholi Lewi-la, ma hataholi Lewi-la boeo, fe leo basa imam-mala, baba'ek fo nananaketu basak so.

NEHEMIA 13:12

Basa boema, laun Israel-la lala'en-na, mulai fe seluk gandum baba'ek esa neme ba'eneu sanahulu mai, angol ma mina setun, fo lenis leo kama pepe'da nana'ak-kala neu.

NEHEMIA 13:5

Elyasib fe Tobia kama matua esa, fo tunga ndoon-na ala sadia hehelik kama ndia soaneu pe'da tunu-hotu gandum, boomenik, bua-lo'as fo nanapakek nai Manetualain Uman, tunu-hotuk soaneu imam, gandum baba'ek esa neme ba'eneu sanahulu mai, angol, ma mina setun, fo sanga ba'e fe hataholi Lewi-la, basa manamakaminak sasanu-la, ma manamanea Manetualain Uman-na lelesuinan-na.

MALEAKHI 2:4

Soona emi bubuluk, mae Au fe basa paleta ia so, fo ela Au hehelu-balatang no basa imam-imam, fo Lewi tititi-nonosin-nala, nanapake nahelek.

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

BILANGAN 18:6

Te'e-te'e, Au hele basa o tolano ka'a-fa'dim, hataholi Lewi-la, neme leoina Israel-la dalek mai so, fo da'di leo baba'e-babatik esa soaneu o. Sila nanafe hehelik ba'eneu Au, fo lalalau-laoono nai Au Lalaa Temang-nga so.

BILANGAN 3:6

Madenu leo Lewi-la mai lataa, fo matu'dus sila da'di Harun malalau-maoonon.

BILANGAN 31:28

Au, fo Manetualain, baba'e heheling-nga neme solda'du sila-la mai, metema natun lima soona, o muse ho'i-ma esa, nau neme hataholi nanafook-kala mai, do neme sapi, keledei, bi'ilopo ma bi'ihiik-kala mai boe.

GALATIA 6:6

Hataholi mana sipo Kristus nanoli na, ela leo bee na, ana tulu-fali ndia mese na, ninik hata malole beek fo ndia nanuun.

ULANGAN 18:8

Ana bole hapu nana'ak fo, dede'un-na sama no imam fe'ek-kala; hata fo ana hapu neme uma isin-nala mai boe.”

IBRANI 7:5

Nai agama Yahudi a hoholo-lalanen dale nananaketu basak, nae imam-imam fo Lewi tititi-nonosi nala, muse sipo neme hataholi Israe la tutunga-sasangan baba'ek esa neme baba'ek sanahulu mai fo nde sila tolanoo nala, leomae Lewi tititi-nonosin sila sama-sama lo Abraham tititi-nonosi nala.