BILANGAN 18:20 - Susula Malalaok Hehelu Palak Ma Hehelu Beuk

²⁰ Boema, Manetualain nafa'da Harun nae, “Emi ta hapu baba'ek pusak hata esa boen. O ta hapu dae duik esa boen, fo o taon da'di o pusakam nai nusak fo, Au heluk ndia fa. Te o pusam-ma nde Au, fo Manetualain.”

BILANGAN 18:20 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

MAZMUR 142:5

Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

MAZMUR 73:26

Leomae au aopaa-samaneng male-tale, tehu O nde, au be'i-balakaing, ou Manetualain; O nde, basa hata lala'en, fo au anuun losa dodoon-na.

RATAPAN 3:24

Manetualain nde been-na, au hata-hetong fo kisak. Hu ndia de, au amahena neun.

YESKIAL 44:28

Basa imam-mala, ala sipo kandela nangatutuuk imam ndia, da'di leo sila baba'en-na, neme hata fo Au fen neu Israel no tititi-nonosin-nala. Sila ta bole hapu hata esa boen nai Israel fa. Nana sila hata-heton nde, Au.

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

BILANGAN 26:62

Nai leo Lewi-a dalek, touk fo, teun-na besak-ka bulak esa leo lain neu-a, basa-basan, touk lifun duahulu telu. Sila nanasula kofe'ek, neme hataholi manai leoinan-na dalek, nanahu ala ta hapu dae pusaka nai Israel fa.

ULANGAN 10:9

Hu ndia de, leo Lewi-la, ala ta hapu dae pusaka sama leo, leo fe'e-fe'ek-kala, sama leo emi Manetualaim-ma nafa'da neus-sala.)

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

ULANGAN 14:27

Boso po'ilotak, hataholi Lewi fo manaleo manai emi kotam-mala, laleu-lalaak; mafandendelek te, hataholi sila-la dae-oe taak-kala.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

YOSUA 13:14

Leo Lewi-a, ana ta sipo dae baba'ek neme Musa mai fa, nana Manetualain nafa'da basa Musa nae, leo Lewi-a baba'en-na nde been-na, neme tutunu-hohotuk fo nanatunuk nai mei tunu-hotuk-ka, soaneu Manetualain, fo Israel Manetualain-na.

YOSUA 13:33

Tehu leo Lewi-a, ta hapu dae faa anak boen, neme Musa mai fa. Musa nafa'das nae, ana fe sila baba'en-na nde, tutunu-hohotuk fo nanatunu-hotuk soaneu Manetualain fo Israel Manetualain-na.

YOSUA 14:3

Musa fe basa, dae manai Lee Yarden-na boboan dulu, neu leo kadua seselik-ka so. (Paluu nanasulak nai ia, nae Yusuf tititi-nonosin nanaba'ek neu leo dua; fo leo Manasye ma leo Efraim-ma.) La'eneu leo Lewi-a soona, Musa ta fes dae fa. Ka'da ana fes kota, soaneu mamana leleon-nala, ma mook-kala, soaneu bana-manun-nala.

YOSUA 18:7

Neukose, ka'da leo Lewi-a, ta sipo dae baba'ek sama-sama no emi fa, nanahu sila baba'en-na nde, sila da'di imam fo lalalau-laoono Manetualain. Ma la'eneu leo Gad, Ruben ma leo Manasye-a soona, memak sila sipo basa sila baba'en-na, nai Lee Yarden-na, boboan dulu so. Musa, fo Manetualain atan-na, fe basa dae ndia neu sila so.”

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.