BILANGAN 18:19 - Susula Malalaok Hehelu Palak Ma Hehelu Beuk

¹⁹ Losa dodoon-na, basa tunu-hotu hehelik, fo hataholi Israel-la, leni fen leo Au mai, Au fen leo o, ma leo o anatou-anainam neu. Nakanenetek ndia nanapakek losa dodoon-na, ma ana da'di hengenee-balataak esa neu Au ma o, ma o tititi-nonosim.”

BILANGAN 18:19 ပူးပေါင်းရင်းမြစ်များ

2RAJA-RAJA 12:16

Doik maneme tutunu-hohotuk soi salak-ka, tutunu-hohotuk fe do'o do ampon neu sala-singok-ka, ta taos leo peti ndia dalek neu fa. Ala fe doik sila-la, leo imam-imam-mala neu.

2TAWARIKH 13:5

Emi bubuluk mae Amak, fo Israel Manetualain-na tao hehelu-balataak basa no Dauk nae Dauk ma tititi-nonosin neukose paleta Israel losa dodoon-na. Hehelu-balataak ndia ta hapu ketu fan.

2TAWARIKH 31:4

Fe'ek neme ndia mai, manek-ka nadenu Yerusalem laun-nala leni tutunu-hohotuk fo nananaketuk ba'eneu basa imam-imam ma hataholi Lewi-la, fo ela sila pake basa sila le'do-fain lala'en-na neu lau-ono-ka nai Manetualain Uman sama leo nanasulak nai Manetualain hoholo-lalanen dale.

KELUARAN 29:27

Nai feta ndo eik imam-mala dalek, muse tunu-hotu bi'ilopo mane fo paken nai feta ndia, sosolon-na, ma sakibolon-na da'dileo tutunu-hohotu natutu'duk ba'eneu Au, de pe'da fe'en soaneu basa imam-mala.

YESKIAL 43:24

fo menis leo Au mai. Basa imam-mala, muse nggali masik neu bana ka duak sila-la, fo tunun da'di tutunu-hohotuk ba'eneu Au.

IMAMAT 2:13

Muse tao masik neu basa tutunu-hohotuk nana'ak-kala, nanahu masik-ka ana da'di ta'du-tana neu Manetualain hehelu-balataan soaneu emi. Da'di, basa tutunu-hohotuk-kala, muse tao masik neu.

IMAMAT 21:22

Tehu, ana bole na'a nana'ak nanatunu-hotuk, nau tutunu-hohotu nana'ak malalao-malalafuk, do tutunu-hohotu nana'ak fo malalao-malalafuk nanseli boe.

IMAMAT 7:14

Neme loti mata-matak sila-la mai, muse tunu-hotu seli soaneu Manetualain, boema imam fo manaho'in-na bana ndia daan-na, de ana pisin neu mei tutunu-hohotuk-ka, soaneu tutunu-hohotuk mole-dame-a, baba'en-na nde ndia.

BILANGAN 18:11

Basa tunu-hotu fe'ek lala'en, fo hataholi Israel-la fen neu Au-a, o nuum boe. Au fen neu o, boema neu o anatou-anainam. Nakanenetek ndia, paken losa dodoon-na. Ba'eneu o teidalem fo, ta manggenggeok fa soona, ana bole na'an.

BILANGAN 18:8

Manetualain nafa'da Harun nae, “Mafandendelek! Te basa tunu-hotu hehelik fo aia fen leo Au mai, tehu ta nanatunuk fa soona, o nuum ndia. O baba'em-ma nde ndia, fo ndia nananaketu basak losa dodoon-na so. Au fe baba'ek ndia neu o, ma neu o tititi-nonosim.

BILANGAN 31:29

Fe basa sila-la leo Imam Eleazar-ra neu, fo da'di leo tunu-hotu hehelik soaneu Au, fo Manetualain.

BILANGAN 31:41

Boema Musa fe tunu-hotu hehelik sila-la, leo Imam Eleazar-ra neu, fo soaneu tunu-hotuk ba'eneu Manetualain, sama leo Manetualain paletan-na.

ULANGAN 12:26

Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.