BILANGAN 18:12 - Susula Malalaok Hehelu Palak Ma Hehelu Beuk

¹² Tunga teuk, hataholi Israel-la tunu-hotu fe Au, basa boa sosak malole lala'en-na, Au fen neu o, fo nde mina setun, angol oek, ma gandum.

BILANGAN 18:12 ပူးပေါင်းရင်းမြစ်များ

KEJADIAN 27:28

Sa'di leo been-na Manetualain fe o dinis neme lalai mai, ma Ana tao na o tina-osim leloaka! Sa'di leo been-na Ana fe o gandum ma angol la sasi kao-kao!

2RAJA-RAJA 4:42

Nai fai fe'ek esa, boema touk esa neme Baal-Salisa mai. Nini fe Elisa gandum beuk, ma loti 20, fo tao loti sila-la, neme gandum nanaketu-kolu makasososak-ka, nai teuk ndia dalen-na. Boema Elisa nadenu atan-na, baba'e loti sila neu nabi sila-la,

2TAWARIKH 31:5

Paleta ndia nanapo'a-benga basak boema, hataholi Israel-la leni boa-boa leo Manetualain Uman neu. Ala ho'i boa-boa sila neme sila dae oen isi-mina makasososan-na mai, fonde ha'de sopuk, angol, mina setun, fanioe, ma buna-boak fe'ek-kala. Sila boeo leni perpuluhan neme sila hata-heton mai.

MAZMUR 147:14

Ana nanea o nusam-ma, fo ela nee-nee lino-lino nahele, ma Ana fe o makabete minik gandum malole.

MAZMUR 81:16

Hataholi fo, lakamuu-lakadau Au-a, neukose Au fes lakaluku-lakatele neu Au, neukose sila nanahukuk losa dodoon-na.

KELUARAN 22:29

Neu faik fo nananaketuk-ka, tunu-hotu fe Au, emi gandum, angol ma emi mina setum-ma, beke selik. Fe emi anaulu toum-mala leo Au mai,

KELUARAN 23:19

Tunga teuk, emi muse meni emi gandum-ma buna-boa makasososan-na leo Au mai. Ta bole nasu bi'ilopoana do bi'ihiiana paan-na nenik bi'iana sila inan su'uoen-na fa.”

KELUARAN 34:26

Tunga teuk, emi muse meni emi daem-ma buna-boa makasososan-na leo emi Manetualain fo emi Manetualain-na Uman neu. Ta bole nasu bi'ilopoana do bi'ihiiana paan-na, nenik inan su'u oen-na fa.”

YESKIAL 44:30

Muse fe basa imam-mala, baba'ek neme basa boa sosak malole lala'en-na mai, ma neme su'di beek fo, nanatunu-hotuk soaneu Au. Nai lelek fo, leoina Israel-la tao loti, soona loti makasososak-ka nde been-na, basa imam-mala nuun ndia Soona neukose, Au fe baba'e-papalak neu leoina Israel-la, uma-loon-nala.

IMAMAT 2:12

Tunga teuk, emi muse tunu-hotu emi dae-oem buna-boa makasososan-na seli, soaneu Manetualain, tehu ta bole tunun nai mei tunu-hotuk lain fa.

IMAMAT 2:14

Metema, emi tunu-hotu fe Manetualain gandum fo emi ketu-kolu makasososak-ka soona, meni gandum beuk fo pau-man sopuanak do gandum nanasesenak so.

IMAMAT 23:17

Uma loo esan-na, muse tunu-hotu loti dua, soaneu tunu-hotu natutu'duk ba'eneu Manetualain. Muse tao loti esa-na neme ha'desopu sopuanak kilo dua, ma pake laluteik, fo muse fen leo Manetualain neu, da'di leo tunu-hotuk neme dae-a buna-boa makasososan-na mai.

IMAMAT 23:20

Imam-ma muse tunu-hotu loti ma bi'ilopoana ka duak sila-la, da'di leo tutunu-hohotu natutu'duk ba'eneu Manetualain, fo imam-ma baba'en-na nde ndia. Tutunu-hohotuk sila-la nde been-na malalao-malalafuk.

ULANGAN 18:3

Metema, hataholi esa, ana tunu-hotu tutunu-hohotuk sapi do bi'ilopo, soona fe bana ndia eialun-na, timin-na, ma tei-aten leo imam-mala neu, fo da'di neu sila baba'en-na.

ULANGAN 18:4

Sila baba'en-na boeo nde, gandum, angol, ma mina setun-na, buna-boa makasososan-na, boema bi'ilopo-la, bulu nananggute makasososan-na.

ULANGAN 26:2

fo metema emi ketu-kolu basa emi daem-ma buna-boan lala'en-na soona, emi muse pe'da makabubua emi boa sosam-mala neu lepeneu esa dalek, fo menis leo emi Manetualaim-ma hele mamanak-ka neu.

ULANGAN 32:14

Ala hapu kapaoe makadotok neme sila sapin-nala, bi'ihiin-nala ma sila bi'ilopon-nala mai; sila bana-manun nde maao-la sila gandum ma angol-la nde malole nanseli.