BILANGAN 17:3 - Susula Malalaok Hehelu Palak Ma Hehelu Beuk

³ ma sulak Harun na'den-na, neu leo Lewi-a, ai tete'en-na. Mane leo-la esa-esak, muse hapu ai tete'ek esa.

BILANGAN 17:3 ပူးပေါင်းရင်းမြစ်များ

KELUARAN 6:16

Gerson bongi anatouk dua, fo nde: Libni ma Simei; hataholi sila tititi-nonosin makadotok.

KELUARAN 6:20

Yizhar bongi anatouk telu, fo nde: Korah, Nefeg ma Zikhri.

YEREMIA 42:20

ae, emi tao basa sala matuaina so. Emi moke fo ela au hule-haladoi neu ita Aman Manetualain-na soanau emi, ma em helu soaneu tao-no'i basa hata fo nananafa'dak neme Manetualain mai ndia.

YESKIAL 37:16

“Hai hataholi daebafak fo, manasapu-manalalok-konei, ho'i-ma aitete'ek esa, fo sulak dede'ak ia-la neu lain, nae, ‘Nusa Yehuda’. Soona, ho'i-ma aitete'ek esa seluk, fo sulak dede'ak ia-la neu lain, nae, ‘Nusa Israel-la’.

BILANGAN 17:2

“Madenu hataholi Israel-la, fo ala fe o aitete'ek sanahulu dua, fo leo esan-na, aitete'ek esa, soona mane leo-a nde muse fe matan ai tete'ek ndia. Sulak mane leo sila-la, esa-esak na'den-na neu ai tete'en-na,

BILANGAN 17:4

Soona, meni ai tete'ek sila-la, leo Au Lalaa Temang-nga neu, fo pe'das leu Peti Hehelu-balataak-ka matan-na, nai mamanak fo, Au biasa atongo o emi seku-seku.

BILANGAN 18:1

Manetualain nafa'da Harun nae, “O ma o anam-mala, boema hataholi Lewi-la, muse lu'a-lepa sala-salak fo mana da'di nai Au Lalaa Temang-nga, tehu ka'da o moo o anam-mala mesam-ma, nde muse lu'a-lepa salak manai imam-mala ue-le'din-nala dalek.

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

BILANGAN 26:10

Boema, dae natangga, de ana ko'do-nalas, nalosa mates sama-sama loo Korah no hataholi manatungan-nana, lelek ha'i-a na'a heni touk natun dua limahulu. Manada'dik ndia, ana da'di nasanene'dak ba'eneu leoina Israel-la.