BILANGAN 16:9 - Susula Malalaok Hehelu Palak Ma Hehelu Beuk

⁹ Ade emi maedaenga, dede'a anak ia, de emi mae nai hataholi Israel-la dalek, Israel Manetualain-na hele emi, fo ela emi bole deka moon, ma emi malalau-maoono nai Lalaa Teman dale, boema emi maue-male'di soaneu hataholi Israel-la, ma malalau-maoonos do?

BILANGAN 16:9 ပူးပေါင်းရင်းမြစ်များ

KEJADIAN 30:15

Lea nataa nae, “O ho'i-ma au saong-nga so, de beita dai fa do? Besak ia, nakalenak o so'ba ho'i-ma mo'do-akidook fo au anang-nga nenik-ka bai.” Boema Rahel nataa nae, “Metema, o nau fe o anam-ma mo'do-akidoon ndia leo au mai soona, le'odaek ia, o bole sungu moo Yakob.”

2 SEMUEL 7:19

Nakalenak, O tao lena neme ndia mai, ou Manetualain Fo Manai Mamana Madema; O tao hehelu-balataak, la'eneu au tititi-nonosing, soaneu le'do-fai manamaik-ka. De O matu'du dede'ak ndia neu au, leomae au ka'da hataholi daebafak esa mesan, ou Manetualain Fo Mademaina!

2TAWARIKH 35:3

Hataholi Lewi fo nanahele hehelik soaneu Manetualain, ma manada'di Israel mesen-nala hapu paleta nde ia neme Yosia mai nae, “Tao Manetualain Peti Hehelu-balataan malalao-malalafun ndia leo Dauk amamanen Manek Salomo napadedeik-na Manetualain Uman dale neu. Emi ta bole laliheok-kana so'on. Malalau-maoono emi Manetualain ma leoina Israel-la fo Anan-nala.

NEHEMIA 12:44

Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

YESAYA 7:13

Boema Nabi Yesaya nafa'da nae, “Metema leondiak soona, mamanene leon, hei Manek Dauk-ka tititi-nonosin-na nei! Ade, emi fola hataholi daebafak-ka hahae nalun-na, de beita dai fa, nalosa emi fola au Manetualaing-nga hahae nalun-na boe do?

YESKIAL 34:18

Nai emi dalek hapu nggelok, metema la'a ka'da na'u malole-a soona, beita dai fa, de ala muse heheta-aa'i nalutu na'u fo, ta la'a fan-na! Sila linu oe neuk, boema ala tao kelupua oe fo, sila ta linu fan-na!

YESKIAL 44:16

Ka'da sila mesak-kasa nde, bole masok leo Au Umang dale mai, lalalau-laoono Au nai Au mei tunu-hotung-nga, ma ala tao mamasok nai Au Umang.

BILANGAN 1:53

Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 16:13

O moo ami kalua meme dae Masir fo maoe-maisik ndia mai, soaneu taomisa ami nai moo solokaek ia, de ndia beita dai fa do? Ade o muse paleta ami boe do?

BILANGAN 16:8

Basa boema, Musa nafa'da Korah nae, “Hai hataholi Lewi-la lemin! Mamanene leona!

BILANGAN 3:6

Madenu leo Lewi-la mai lataa, fo matu'dus sila da'di Harun malalau-maoonon.

BILANGAN 3:9

Neme leoina Israel-la mai, ka'da leo Lewi-a nde Au fen bela-ba'uk da'di malalau-maoono lahele neu Harun ma tititi-nonosin.

HATAHOLI 13:2

Lelek ala hule-haladoi neu Lamatua ka, ma ala puasa, boema Manetualain Dula Dale na nafa'das nae, “Hele ma Barnabas no Saulus da'di Au hataholing, fo daenga duas tao-no'i tatao-nono'ik fo Au aketu basan soaneu duas so.”

1 KORINTUS 4:3

Ba'eneu au soona, ta da'di natatanek hata fo emi do su'di see a boe, dudu'a-dodoo la'eneu au aoina nga. Lena-lenak hata fo au dudu'a-dodoon la'eneu au aoina nga boeo, ta hata-hata fa.

ULANGAN 10:8

Nai lelek bei leme letek-ka ndia, Manetualain hele hehelik hataholi Lewi-la, fo ala ito-ato Peti Hehelu-balataak-ka, ma lalalau-laoono Manetualain, boema ala kokolak baba'e-papalak nenik Manetualain na'den-na. Sila bela-ba'un nde ndia, losa besak ia.

SEMUEL SUSULAK-KA ESAN-NA 18:23

Tehu lelek fo landuku-lalosak sila hahapun ndia neu Dauk boema, nataa nae, “Emi maedaenga, mu'dak la'iesak-kana, da'di manek-ka manafeun do? Au ia, hataholi nuu-taa hata-taak, ma ta kalda'dik fa!”