BILANGAN 16:5 - Susula Malalaok Hehelu Palak Ma Hehelu Beuk

⁵ Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.

BILANGAN 16:5 ပူးပေါင်းရင်းမြစ်များ

MAZMUR 105:26

Boema nadenu atan Musa ma Harun fo hataholi hehelen-na.

MAZMUR 115:10

Hai basa imam-mala lemin, mamahena neu Manetualain, nana, Ndia nde tulu-fali ma nasulu-nahapa emi.

MAZMUR 65:4

Au sala-singong, belan-na seli, ba'eneu au, tehu O fe do'o do ampon neun.

KELUARAN 28:1

“Maloo-ma Harun fo o ka'am-ma no anan-nala, Nadab, Abihu, Eleazar ma Itamar fo hele hehelik-kasa fo ela lalalau-laoono Au da'dileo imam.

KELUARAN 28:41

Pake bua papakek ndia neu o ka'am Harun no anan-nala. Lose mina setun neus; fo no enok ndia, sila nana ndo eik ma nanahele hehelik soaneu lalalau-laoono Au da'dileo imam.

KELUARAN 28:43

Sila muse pake lopo ndia tataasesa, nai lelek ala masok leo Au Lalaa Temang dale leu, do leu deka loo mei tunu-hotuk-ka soaneu ala tao makaluku-makatele da'dileo imam nai Kama Malalao-malalafuk dale, fo ela boso mates, nanahu hataholi nita sila aopaan fo ta nandaa hataholi nita fan. Nakanenetek ndia, da'di nahele soaneu Harun no tititi-nonosin.”

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

YEREMIA 50:44

Sama leo meo asu to'da neme lasi ina dale fo deka no Lee Yarden, ma ana mai leo mook fo bi'i lopo-la mamana nana'a na'u-nala, neukose Au leondiak, Manetualain mai fo ana tao-na hataholi Babel-la lalai la'o ela sila kota no kaiboianak. Boema neukose Au hele malangan esa fo ana paleta leoina ndia. Hapu se fo nananakasasamak no Au? See napalani tao dede'ak neu Au? Ade hapu malangan esa fo la'ban Au?

YESKIAL 40:46

ma uma ai fo nasale leo kii neu-a, nanasadiak soaneu basa imam fo, manamalalau-maoono nai mei tunu-hotuk-ka. Basa imam sila-la, muse leme Zadok tititi-nonosin-nala mai. Nana neme leo Lewi-a mai, ka'da Zadok tititi-nonosin nde bole deka loo Manetualain fo lalalau-laoonon nai makaluku-makatele-a dalek.

YESKIAL 43:19

Ka'da imam fo, leme Zadok neme leo Lewi-a, tititi-nonosin, nde bole mai leo Au matang mai, fo ala tao mamasok. Au, Manetualain Fo Mademaina, nde fe paleta ndia. Fes sapi maneanak esa, soaneu tutunu-hohotuk fo, sala-singok hapu do'o do ampon.

YESKIAL 45:4

Dae ndia malalao-malalafuk, de sadia fe seli neu basa imam fo, manatao mamasok nai Manetualain Uman-na. Tao fe imam-mala uma neu, dae ndia seli, ma tao Manetualain Uman-na neu seli.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 8:2

“Maloo Harun no anan-nala, ma ho'i meni bua papake imam-ma, mina feta, sapi maneanak esa, soaneu tutunu-hohotuk sala-singok hapu ampon, bi'ilopo mane dua, ma loti ta pake laluteik, lepeneu esa.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

BILANGAN 16:3

Basa-basas leu leo Musa no Harun leu, de lafa'da lae, “Ndia dai so Musa! Hataholi Israel-la lala'en-na, nanafe hehelik neu Manetualain, ma Manetualain nai ita basa-basa-tala tala'da heon. Tehu tao le'e de, o mafa'da mae, o dema lena Manetualain anan-nala?”

BILANGAN 16:6

Balahaa fafaik soona, o moo hataholi manalook o-a, muse ho'i-ma mamana ha'i-la, fo tao ha'ikaak ma boomenik leo dale neu, fo menis leo mei tunu-hotuk-ka neu. Soona, mahani te, neukose ita tita, nai ita dalek, see kande Manetualain hele basan so. Ndia dai so, hai hataholi Lewi-la lemin!”

BILANGAN 17:5

Hataholi fo Au helek-ka, neukose ai tete'en-na nanupu. No enok ndia, neukose Au ate'e hataholi fo bemumu loo emi tataas esa, haladoin-nala.”

BILANGAN 17:8

Balahaa, fo nai lelek Musa neu leo Manetualain Lalaa Teman dale neu, te nita Harun ai tete'en-na, fo nde leo Lewi-a ai tete'en-na, nanupu so. Ai tete'ek ndia napako, nabuna, de naboa ketapang boak, tehu boan-na lasik so!

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

HATAHOLI 1:2

losa faik fo, nanaso'u falik leo nusa so'da ka neu. Ana beita kae falik leo nusa so'da ka no Manetualain Dula Dale na koasan ndia fa te, Ana fe hataholi nadedenu nanahele nala natutu'duk.

HATAHOLI 1:24

Boema ala hule-haladoi lae, “Ou Lamatuak, O bubuluk basa hataholi daebafa ka dale na. Yudas ia, Lamatua ka hataholi nadedenun, tehu ana tu'da neme kandela nagatutuu na mai, de maten so. Hu ndia de, matu'du fe ami, nai hataholi kaduak ia la, see ka nde Lamatua ka helen, soaneu nakalala'ok bela-ba'uk ndia nggati Yudas.”

HATAHOLI 13:2

Lelek ala hule-haladoi neu Lamatua ka, ma ala puasa, boema Manetualain Dula Dale na nafa'das nae, “Hele ma Barnabas no Saulus da'di Au hataholing, fo daenga duas tao-no'i tatao-nono'ik fo Au aketu basan soaneu duas so.”

HATAHOLI 15:7

Latukaaafik doo na seli. Neu mate'e na boema, Petrus fo'a napadeik de ana kokolak nae, “Tolano-tolanoo ngala lemin! Emi bubuluk basa, faik de'ubee maneu ka, Manetualain hele au neme emi tala'da mai, fo tui-benga Hala Malole ndia neu hataholi ta Yahudi la fo ela lamanene ma lamahele boe.

HATAHOLI 22:14

Basa boema nafa'da au nae, ‘Ita bei ba'ikai nala Manetualai na hele basa o fo daenga o bubuluk hihii-nanaun, ma o mita Yesus fo Manetualain Atan mana tao-no'i Manetualain hihii-nanau na, boema Manetualain nau o mamanene matam Yesus hala na.

EFESUS 2:13

Tehu besak ia, hu ka nde emi da'di esa mo Kristus Yesus so de, makahulu na emi nai doo ka, te hu ka nde Kristus mamate na de, emi deka so.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

NINITAK 1:6

boema nakadada'dik ita da'di leoina hehelik fo talalau-taoono Manetualain fo Ama na sama leo imam-imam. Yesus Kristus ndia matua-madema ma manakoasa losa dodo na. Amin!

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.