BILANGAN 16:30 - Susula Malalaok Hehelu Palak Ma Hehelu Beuk

³⁰ Tehu metema, Manetualain tao hata esa, fo dodoo basa ia, emi beita mamanene fan, ma dae-a natangga, fo ana ko'do-nalas no basa hata-heton-nala lala'en-na, nalosa ala masok loo ao holi-holin-nala, leo hataholi mana matek-kala daebafan dale neu soona, besak-ka emi bubuluk mae hataholi sila-la, ala la'ban Manetualain.”

BILANGAN 16:30 ပူးပေါင်းရင်းမြစ်များ

AYUB 31:2

Ade, Manetualain tao beek, soaneu ita? Tao leo beek, fo Ana balas hataholi daebafak-ka tatao-nono'in?

AYUB 31:3

Tao leo bee-o, Ana fe soe ma susa neu hataholi manatao tatao-nono'i mangalauk-ka!

MAZMUR 124:3

soona hataholi fo, nasan-nala lua ponu-ponu-a, ala ko'do katemak ita so.

MAZMUR 55:15

Makahulun-na, ita leo-tapalasa no malole, ma biasa sene-do'ok sama-sama nai Manetualain Uman.

YESAYA 28:21

Neukose Manetualain fo'a, sama leo nai Letek Perazim-ma. Neukose Ana ulepo'de, sama leo nai Bafak Gibeon-na, soaneu nakalala'ok dale tutu'un-na, dale tutu'un fo, hataholi daebafak-ka, dodoo doak-kana! Neukose, Ana nakalala'ok tatao-nono'in fo hataholi daebafak-ka, dodoo doak-kana ndia.

YESAYA 43:19

Taoafik leona, te Au tao hata beuk esa; besak ia, ana mulai so, ade o ta mita fan do? Neukose, Au tao enok nai moo solokaek-ka, ma lee-la, lai moo maloa.

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:7

Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

YEREMIA 31:22

O dodoo-doak-kana losa fai hi'da, fo leoina fo ta ili-nekak neu Au-a fa? Au akadada'dik hata fo beuk nai daebafak ia, hata fo fe'ek – fe'en-na sama leo inak-ka nafuni touk.”

YESKIAL 31:14

Basa sila-la ala da'di, fo ela nai hatematak ia, neukose ta hapu seluk ai fo, ana moli dedemak ndia so'on; ta hapu seluk ai fo, pe'dan-na losa ko'as-sa, leomae ana moli nai oe-a tala'da boe. Basa-basas manamatek mesa-mesan, sama leo hataholi daebafak fo, manasapu-manalalok-ka, fo leu lakabubua loo hataholi manamatek-kala, nai hataholi manamatek-kala mamanan-nala.”

BILANGAN 16:31

Musa kokolak basa tutik-ka, dae fo hataholi sila lapadeik lai lain-na, natangga,

BILANGAN 16:33

Boema basa-basas tenak loo ao holi-holin-nala, loo basa hata-heton-nala lala'en-na, leo hataholi manamatek-kala daebafan dale leu. Dae matanggak ndia, nakatema falik, de nakadofu ketus, nalosa mopok-kasa.