BILANGAN 16:22 - Susula Malalaok Hehelu Palak Ma Hehelu Beuk

²² Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 16:22 ပူးပေါင်းရင်းမြစ်များ

KEJADIAN 18:32

Mate'en-na, Abraham nae, “Manetualain, boso mamanasa, te neukose au kokolak ka'da la'iesa seluk ae. Tao leo bee, fo hapu ka'da hataholi sanahulu mesak-kana?” Boema, Manetualain nataa nae, “Metema hapu hataholi sala taak sanahulu soona, neukose Au ta tao amopo-amate kota ndia fa.”

2 SEMUEL 24:1

Manetualain namanasa seluk Israel, boema Ana fufu'di-oodok Dauk no dudu'ak, fo ela neni toto'a-sosotak fe leoina ndia. Manetualain nafa'dan nae, “Leke hataholi Israel-la ma hataholi Yehuda-la dede'un-nala.”

2 SEMUEL 24:17

Dauk nita ata nusa so'dak fo manataonisa laun-na ndia, boema nafa'da Manetualain nae, “Au nde asala-asingo, nana au nde tao sala-singok ndia. Tehu leoina manahapu soe ndia, sala beek? Huku au ma au teidaleng-ngala!”

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

MAZMUR 99:6

Musa ma Harun, nanalekek nai Ndia imam-mala dalek, Semuel nde bee-na, hataholi esa fo, ana hule-haladoi neun, Ala laloo bou-bou neu Manetualain, de Ana fe natataak.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

YEREMIA 32:27

“Au nde been-na Manetualain, fo basa hataholi Manetualain-na. Ta hapu fo matea ba'eneu Au fa.

YEREMIA 38:16

Manek Zedekia ana helu au no nafufunik, nae, “Nenik Manetualain fo maso'dak-ka, Manetualain fo manafe so'dak neu ita, au supa-soo ae, au ta tao isa o, do au fe o neu hataholi fo mananau tao nisa o-a.”

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

IMAMAT 10:6

Boema Musa nafa'da Harun no ana fe'en-nala, fo nde Eleazar ma Itamar nae, “Boso po'ilotak emi langa doom-ma nanggangganu, ma boso sisii-lulu'i emi bua papakem-ma, fo matu'du mae emi susa, ma emi falu. Metema emi tao leondiak soona, neukose mate emi, ma Manetualain namanasa la'iesak hataholi Israel-la. Tehu hataholi Israel fe'ek-kala, bole falu soaneu hataholi manamatek ka duak-kala, nanahu ha'i-a neme Manetualain mai.

IMAMAT 4:3

Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

BILANGAN 14:5

Boema musa no Harun, senek leu basa laun-na matan-na.

BILANGAN 16:23

Boema Manetualain nafa'da Musa nae,

BILANGAN 16:4

Musa namanene dede'ak ndia boema, ana senek neu dae lain, de ana hule-haladoi neu Manetualain.

BILANGAN 16:45

“Makadedeak meme hataholi sila-la mai. Te neukose Au tao amopo-amates lai mamanak ndia boe!” Duas senek

BILANGAN 27:16

“Ou Manetualain, fo manafe maso'dak neu basa maso'dak lala'en-na, au dokodoe, fo matu'du hataholi esa, soaneu nauli-nalanga leoina ia;

ROMA 5:18

Hu ka nde hataholi masala-masingok esa de Manetualain huku basa hataholi daebafa ka, leondiak boe, hu ka nde hataholi ndoos esa tatao-nono'in de, basa hataholi daebafa ka hapu do'o do ampon, de ala hapu so'dak.

1 KORINTUS 13:7

Nakatatakak nasasale matak no basa hata lala'ena, ma ana nau namahele hataholi fe'ek tatao-nono'i malole na; nai ha'da-tatao leo bee ka boe, hataholi manasue-laik ndia, ta ketu namahehena na nai basa dede'ak lala'ena dalek, ma nahani basa hata lala'ena no ta haelai namanasa fa.

IBRANI 12:9

Ita tanuu amak nai daebafa ka. Ana nanoli ita, ma ita fe ha'da-holomata neun. Naa, muda hata no ita Ama samanen manai nusa so'da ka bai, tao leo bee o ita muse takatele neun, fo ela ita taso'da.

YOSUA 22:18

Ma besak ia, emi nau masadea seluk Manetualain do? Metema, faik ia emi la'ban Manetualain soona balahaa te, neukose namanasa hataholi Israel-la lala'en-na.