BILANGAN 16:14 - Susula Malalaok Hehelu Palak Ma Hehelu Beuk

¹⁴ Tete'ek-ka, o ta moo ami leo dae maoe-maisik ndia meu, do fe ami tina ma osi angol, fo da'di ami pusakam fa. Besak ia, o nau ke'di-ndiu ami bai! Ta, ami ta nau meu fa!”

BILANGAN 16:14 ပူးပေါင်းရင်းမြစ်များ

KELUARAN 22:5

See po'ilotak bana-manun la'a na'u nai tinan dale, do nai osi angon dale, boema bana sila-la leo deak leu, de la'a hataholi fe'ek tinan-na bubu'u-palusan, soona mabanak ndia, muse nggati tina ha'i na'ak ndia bubu'u-palusan, nenik ndia tinan-na do osi angon-na buna-boa neulaun-nala.

KELUARAN 23:10

“Teuk 6 dalen-na, emi bole sele-nggali emi tinam-ma, fo ketu-kolu buna-boan.

KELUARAN 23:11

Tehu neu teu ka hitun-na soona, emi muse po'ilotak dae ndia. Nai teuk ndia dalen-na, emi ta bole ketu-kolu su'di beek fo ana moliaon nai emi tinam dale fa. Nemen-na, fo soaneu hataholi nuu-taa hata-taak-ka, ma ala ketu-kolu ela bee soona, soaneu bana fuik-kala. Tao leondiak, soaneu emi osi angol-la, ma emi ai setum-mala boe.

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

IMAMAT 20:24

Au helu basa, Au fe emi dae fo kamasu'i-makabetek, ma maoe-maisik ndia, fo da'di emi pusakam. Au nde emi Manetualain, fo manata'da fe'e emi neme leoina fe'ek-kala mai.

BILANGAN 13:27

Lafa'da Musa lae, “Ami palisak matalolole nusak ndia so, de ami mita daen-na kamasu'ik, ma maoe-maisik, ma ami seu meni ai boak lumanak nde ia, neme naa mai.

BILANGAN 14:8

Metema Manetualain sue ita soona, neukose no ita leo naa teu, fo Ana fe dae kamasu'ik ma maoe-maisik ndia leo ita mai.

BILANGAN 20:5

Sosoak hata, emi moo ami kalua meme Masir, leo mamana doidosok ia, fo ta bisa sele hata-hata esa boen? Nai ia, ta hapu gandum, ta hapu ai kaak, angol, ma dalima fa. Nakalenak oe nininuk boeo, ta!”

HAKIM-HAKIM 16:21

Boema hataholi Filistin-nala ho'u-lan, de ala e'do heni mata de'en-nala. Loon leo Gaza neu, de ala hengen nenik namosina liti 2, boema ala taon leo bui dale neu. Nai naa, ladenun po'de su'di beek.

SEMUEL SUSULAK-KA ESAN-NA 11:2

Nahas nataa nae, “Au nau tao hehelu-balataak, metema emi nau tao matetu dede'ak-ka nde ia, ‘Au e'do heni emi esa-esak mata konam-ma, fo da'di leo nakamumulu-nakamamaek neu Israel lala'en-na!’ ”